The Joomak (已結業)

今日收工搵埋老婆一齊去海港城搵食 行行下見到呢間望落好似唔錯。之前見ig有推介過佢逢星期一既韓式素食放題都想試下，但係可惜今日係星期三，佢做緊韓式炸雞放題168蚊。諗住放題咩味既雞都可以試下，所以就入左去諗住試下。落單先見款式唔算多 而且係較特別既口味，例如青檸牛油果醬炸雞， 紅火龍果醬炸雞。當我地仲諗緊炸雞點樣同火龍果融為一體既時候，火龍果炸雞就到左。見到即刻嚇左嚇，啲醬既顏色好似染髮劑 感覺超多色素。賣相唔吸引之餘 雞肉太油 重油味 食多兩件已經漏漏地。另外青檸牛油果醬炸雞冇牛油果味 得青檸既酸酸地 基本上係得4款雞 但其實佢只係將原味炸雞排用唔同醬溝落去 都唔好食既！後來加左個昆布牛肉湯 點知係味精湯😵😵最後埋單兩個人500幾蚊 極唔抵計計下除開每件雞成20幾蚊其實以成168加一 180幾蚊 如果想食回本都起碼一個人食成10幾舊雞。 即使一個人食到10舊雞 一舊雞都要成18蚊😂所以計落真係超唔抵食星期三路過呢間餐廳既你 諗都唔好諗 唔好揀呢個炸雞放題餐。其他散叫既食物就唔知咩情況。只係知牛肉昆布湯都好重味 偏咸

今晚同媽媽去完sogo就過返海港城搵野食，見呢間食新式韓國菜的餐廳唔駛等好耐，於是就決定食佢。我地被安排係窗邊的位置，有靚景陪食。呢度主打新式韓國菜，有好多唔同口味的炸雞，仲有素食可以選擇。但我地兩個人食唔到太多野所以只係叫左兩樣野食。拌飯入面的材料有別於傳統的韓式拌飯，入面加左西式的沙律菜。個醬料亦唔係普通韓式辣醬，佢呢個有少少辣得黎又甜甜地，加落個飯度幾好味。另外個飯捲餡料幾豐富，雖然吞拿魚份量好多，但佢都加入左大量紅蘿蔔絲中和返，食完唔會好漏，而且仲好飽。

我從來都冇諗過原來素食既人有咁多選擇，唔係個素食friend講開，我都仲停留係得d齋滷味同齋叉燒既世界入面。就好似呢間係尖沙咀海港城LCX既The Joomak，一向都係以創意新派韓食打響名堂既，除左努力鑽研各種獨特既韓式美食之外，宜家仲係素食菜式上面有新突破tim。餐廳地方都算大，裝修簡約別緻，環境舒服，係盡頭仲有一排落地玻璃窗，可以對住個無敵維港景timMenu呢度除左主打既韓式美食之外，早排仲推出左個素食放題，大受歡迎tim，宜家更加推出埋全新口味既韓式素炸雞同燒素鰻魚。牛油果開心果素炸雞$188呢個素炸雞大大件，配佢自家調製既牛油果開心果醬，口味獨特，加埋個青檸汁中和返個味道，感覺一d都唔肥膩，仲好開胃tim，灑埋d麻藥粉，仲多層「芝」味純素燒鰻魚$188呢個素鰻魚真係幾可亂真，其實佢係由淮山蓉同豆腐撈成去營造出黎既鰻魚口感。先係鐵板上面煎香條素鰻魚，再搽上一層自家製既素烤鰻魚醬 ，夾埋生菜、鍋巴、薑絲一齊食，食落相當新鮮，而且口感嫩滑水果柚子茶$138至於呢個水果茶都好arm宜家既天氣，淡淡既柚子香，少甜而且清涼解渴

第二次泥食The Joomak，比起上一次餐牌上多左好多唔同嘅新菜式，有醬油蟹又有混醬炸雞，仲推出左多款限定食品，好似春夏限定嘅韓味鰻魚，同埋每個月都有一款限定嘅果味炸雞，四月巴西莓炸雞，五月紅火龍果炸雞同六月嘅白桃炸雞。呢到個景色真係好靚，我地去到個時本來有隻船泊左係到，點知落完order無幾耐，隻船就開走左，成個夜景無遮無掩嘅比我地睇哂。巴西莓炸雞 $198有幾塊我懷疑係菠蘿乾嘅果乾同埋瓜子鋪左係上面，增添口感，唔會淨係食雞塊咁膩，而巴西莓醬汁味道酸甜，食落好開胃，雞肉好嫩滑，咬落仲有肉汗，大約有8件炸雞，一人兩件其實都已經覺得夠。黑蒜芋絲泡菜煎餅 $138煎餅煎到好香，味道好特別，黑蒜甜得泥帶有小小苦，泡菜酸得泥帶有少許辣，加上豆苗好清新，而提子乾又有果香嘅甜味，咁多種味道偏偏又好配合，互相中和。卡邦尼年糕 $68韓式年糕crossover西式醬汁，年糕索左醬汁，有芝士同忌廉嘅味道，有芝麻香，一樣有豆苗增加左個清新感，亦中和左芝士同忌廉嘅膩。韓式烤牛肉木板 $158烤牛肉配上生菜真係一流，烤牛肉份量好多，一塊生菜包住幾塊牛肉食，滿口嘅肉香味，配上醬汁更加惹味。韓式牛肉炒飯 $98

點了3樣食物2杯野飲，15分鐘左右黎左一碟食物和一杯嘢飲，其餘兩樣食物同野飲等左一個鐘、到左之後竟然5分鐘就叫我地俾錢話要節數。跟住唔夠一個鐘，店員就做出一個手勢示意叫我地走（事源拎位時講左用餐時間90分鐘）當時餐廳仲有幾台客，而我哋個位置附近好多吉位。真係勁無禮貌，嘢食遲黎冇講唔好意思、我兩樣野用一個鐘食都唔過分姐？仲好意思趕人走。野食味道普通 ， 炸雞其中有一兩舊係有雪藏味，個汁都OK。韓國壽司飯有啲硬。泡菜煎餅好食、但係上碟時竟然係唔熱嘅！都唔知係咪喺廚房放咗一段時間先攞出嚟？括嚟講性價比唔高

訂位是20:00⋯⋯大部分人到齊只有一位朋友未到， 朋友請問他們可否等一會再叫野食， 他們黑臉并強調他們只有90分鐘享用， 未叫野食就催， 到點餐後， 另一位朋友再點餐，他們餐廳服務員不倫職級高興低都好一致的態度，給我們的感覺就像：「哈！又點餐？ 」之後不斷望錶， 面部表示不耐煩........其後我們要求斟水， 他們竟然只斟一杯水， 但全枱有6個杯.......他們整理餐具十分嘈，很大聲放東西....完全影響客人心情， 之後有餐具跌落地上，竟然執起放回放餐具的櫃裡， 難以想像用這些餐具放進口袋有多麼多的細菌！我們不會再到這餐廳，太差了！

縱使筆者是一位食肉獸 , 在 Green Monday 都會食素 , 盡力響應一下 ; 雖然是食素但都可以吃得精彩 , 而且要是 韓式 fusion 菜 ~Menu ~Black Garlic Latte 黑蒜拿鐵 : 黑色誘惑 , 賣相極其神秘 , 成份是 黑蒜、蒜汁、備長炭粉、蒜鹽、杏仁奶 ; 其味清香溫和 , 飲落口甜甜的 , 超級好飲 ~Black Garlic Taro Kimchi Jeon 黑蒜芋絲泡菜煎餅 : 非常誘人的外表 , 煎餅外脆內軟 , 味道甜甜酸又帶點微辣 , 口感層次非常豐富 , yummy ~本篇完 ~

Green Monday人人都知，但幾多人又做到。今次試左呢間韓國餐廳，好有心咁推左個素食放題，韓式素食真係第一次食，重要係放題模式，咁我同朋友就一於試下。在LCX基本上間門餐廳都要等嫁啦，所以我同朋友一早六半就去到，早到梗係有靚位，對住個無敵大海景，真係好賞心悅目。食食下中途重有幻彩詠香江睇，真係好屈機！間大郵輪離開口岸啦，睇住佢駛走的感覺好特別。放題$208加一，90分鐘。價錢合理，可以一戰！前菜有8款，我地試左麻藥薯條、泡菜芝士薯條、招牌青蘋羽衣甘藍煎餅和健康藜麥沙律。麻藥薯條真係估佢唔到，係甜甜地嫁。上枱薯條夠哂熱，係幼身薯條，夠哂香脆。上面灑有大量甜甜的調味粉，越食越想食丫！我朋友鐘意傳統野，佢就鐘意呢個泡菜芝士薯條，咸咸地經典野，泡菜加芝士真係無得輸。招牌青蘋羽衣甘藍煎餅就最正，其實用蘋果做材料的食物我都幾鐘意嫁，例如蘋果批！煎餅一上枱真係好green ar！都有點驚訝🙀不過，一場黎到梗係要試下新野，煎餅入口好香蘋果味，第一啖就知好好食，上面有甜甜的調味醬，加上香脆的蘋果乾，真係新奇又特別，重要係好好味嫁！不過煎餅可以再煎得再薄身點，相對更加香脆點，味道再升級！健康藜麥沙律

吹起韓流以來，韓式餐廳遍佈各區，喜歡韓國料理的人也愈來愈多。今次炸雞癮發作，就去咗人氣極高的位於尖沙咀LCX韓國餐廳。我地點咗炸雞，牛肉炒飯，燒牛肉定食同柚子特飲。等餐同時遠望窗口，窗台邊有一組大小不一的燈泡裝飾，襯著維港景色，讓人錯以為是一幅畫。好啦，炸雞，炒飯也陸續上來了。開動啦～～～炸雞配着不同醬汁來吃，讓你吃到傳統味道之餘，也能試到一些創新的味道。可惜，炸雞都選用咗雞胸部分，如果係雞鎚就更好吃😋。牛肉較為普通，沒有當地韓牛那麼好吃。

韓式松子仁吞拿魚飯.飯薄薄一圈 餡料很豐富 份量夠2人分享有餘了！韓式烤牛肉.bulgogi韓式的調味 牛肉片不會乾柴 份量都不少 可以以生菜包起來一起吃～川香麻辣炸雞.雞件已去骨 吃得很方便 如果每一件的大小可以再細點就更好🤣炸得香脆不油膩 而川香麻辣醬很到位 真的很麻很辣 建議不太能吃辣的不要點這個柚子·韓shake.2人份的特色飲料 店員會即場手搖 可自行選擇有酒或無酒的版本 味道是清新的柚子味 是refreshing之選～

人生第一次劣評本人明白從事服務性及餐飲行列是非常辛苦，所以如非必要，本人很少劣評的，這是本人的第一次，亦希望是最後一次。入正题，劣評分2部份:服務態度，食物質素各員工黑口黑面，未有笑容，當我們坐下看餐牌約5至10分鐘時，有一位侍應在我們後面用對講機說。。。作為一個食客，聽到如此無禮既對話，真心嬲。😤之後落單，想咨詢一下其推廣既食物，只回應一句，沒有禮貌，不想介紹。再者，佢地再三強調只有90分鐘時間。🙄之後，食物到來，不熱，只是暖，而且有員工手持食物時打噴嚏沒有用手蓋口，太不衛生。 之後再講，🙄🙄🙄侍應不停咁講，我地已經無食慾，之後又再聽到侍應們說當時沒有客戶等待，不知道為何要如此對待客戶，真的不會再光顧。

未諗過食完間餐廳要第一時寫評語從未試過係一間餐廳被人催落單，催埋單，每一位侍應都係向著同一個目的，趕客人走!事緣 入座前有講90分鐘用餐，都仲有d禮貌，到餐廳入面完全冇，仲衰過澳牛，到食左1個鐘，走埋來好粗俗 發悔氣 咁話得番30分鐘，有冇單要落，冇就出單俾你，之后仲要聽到侍應間講呢枱，嗰枱就嚟夠鐘㗎啦直接隊張單畀佢啦唔使理咁多呀，奉勸每1位唔想食到背脊骨落，有不愉快的用餐心情，一定唔好去仲要某d 侍應嘅衛生水評比想像中差，因為見到某啲侍應一路行一路打乞嚏係冇揞住個口嘅。好彩冇食物係佢手，如果唔係仲洗食既。

係呢個場血拼完，無論銀包同腳力都消耗得七七八八，係時候坐底開餐，記起有間食韓國嘢，早去到門外唔駛等位!牆上掛住以燈泡砌成嘅店名，吸睛位靠近窗邊位坐，可以欣賞維港景色，搭正8點，仲可以睇埋幻彩詠香江餐牌提供小食，煎餅，飯/年糕，青口，肉類，甜品及特式飲品另外仲有春夏限定 : 韓味鰻魚新式韓菜當然有炸鷄，食過嘅都係芝士/甜辣醬/蒜蓉味，見到呢到每個月都有一款果味炸鷄，迎接夏天來臨四月之星係呢客巴茜莓炸鷄 ($198)，外型吸引，一客份量都唔少，大約有7-8件!以菠蘿片乾，紅莓乾，瓜子灑上面，增加靚仔感，睇得又食得以巴茜莓做醬汁，味道酸甜，更多一份莓味，與炸鷄絶對做到拍檔外皮炸至金黃色香脆，每件鷄都掛上醬汁，鷄肉口感嫩滑同埋保留到肉汁，絶對唔係乾同嚡，啖啖肉確係正!食炸鷄唔一定要飲啤酒，一於韓到底，飲馬格利!  叫左呢支菠蘿馬格利，提供有酒精 ($68)/無酒精 ($58)選擇， 呢支係有酒精!以冰桶上枱，飲到尾都能保持冰凍感，飲到酒味之餘亦有菠蘿香味，味道香甜易入口，飲到菠蘿蓉，女士應該會好喜歡!食完炸鷄，已經飽左一半，就咁叫個海帶牛肉湯 ($78)，以為只係得海帶同牛肉，原來仲有蘿蔔，洋

星期二晚與朋友小聚，隨便選了一間交通方便的韓國餐廳。以星期二晚來講，人算是不少。叫了羽衣甘藍煎餅、混醬炸雞、卡邦尼年糕、韓國水梨卷和芝士蔬菜鐵板燒（忘記了實際菜名），再加一壺熱土耳其蘋果茶。整體來說，食物走較清新路線，不太濃味。雖然見過其他評論說水梨卷味道太淡，但我覺得它裡面的蔬菜挺鮮味的，加上微甜的梨子頗開胃。反而那個很受歡迎的煎餅，我覺得它酸酸的，上面的醬汁弄得整塊煎餅濕答答的，我覺得有點奇怪！炸雞炸得不錯，肉質也頗嫩，可以隨心沾不同的醬。年糕我覺得不過不失，口感偏硬，沒有什麼記憶點。至於鐵板燒，真的純粹gimmick，如果拍拖會是不錯的娛樂，味道上完全沒有意見，畢竟餐廳也只是提供生的蔬菜讓顧客自己燒。蘋果茶擺盤挺可愛，附上可愛的茶壺和小杯子，但我嫌它味道略淡，茶味不夠。整頓晚飯雖然不錯，但份量偏少，味道又不是很難忘，以這個價錢，不是一間很值得去的餐廳。

因為SD卡問題，最近才能拿回早前拍的照片😭 雖然遲了許多，但都想分享一下早前品嚐的火鍋！😋。The Joomak一向主打素食，素食也可以好惹味好豐富！早前試了限定川香麻辣素雞煲，以百頁豆腐製成素雞件，加上五香粉、沙薑粉、麵豉、辣椒粉、韓式辣粉、花椒油及麻油炒成的素雞煲醬，麻辣香味滲入豆腐當中，香麻剌激又美味～。吃完豆腐再倒入韓國松茸菇素湯底來打邊爐😆😆😆 點了好豐盛的龍蝦拼盤🦞 原隻波士頓龍蝦超新鮮生猛！食落啖啖肉，肉質爽嫩👍🏻 日本瀨戶內海蠔飽滿鮮甜美味，加上大廚自製、彈牙惹味的泡菜墨魚滑及鯪魚滑，配上各種新鮮瓜菜好滿足！。還有破格以未來新豬肉Omnipork入饌的素豬泡菜滑✨ Omnipork由豌豆、非基改大豆、冬菇和米等全植物性材料製成，不含膽固醇、抗生素或激素😀 健康安全口感嫩滑鬆綿，味道和豬肉好相似！再混入自家醃製純素泡菜，惹味可口～能迎合素食朋友或肉食朋友的口味呢😋