The Joomak (已結業)

第一次寫食評因爲今晚唔開心的經歷。之前電話訂左位，果時服務生同我講唔洗切餅費。去到門口的時候，我就問多次門口女仔係咪唔洗切餅費（我已經帶左盒蛋糕），佢話要切餅費，問我切唔切，我話甘唔切，我話你幫我雪住先。佢話幫你放係裡面先，我話放係𥚃面係咪雪櫃雪住先，佢話雪櫃無咩位，幫你放住裡面先。我話我果個蛋糕黎架，放係裡面唔放雪櫃會溶，同我放係張枱有咩分別！！女仔就話甘你放唔放裡面。最後果經理出黎先勉強幫我地雪左個蛋糕。你地d同事話唔洗切餅費，我先帶個蛋糕。黎到你地話收切餅費，甘我地係唔係度食蛋糕。連幫我雪下個蛋糕都甘難？總結，食物普通，服務態度差，要叫俾杯水先俾杯，仲要俾服務費。嬲到完全無影相，一句道歉都無，講真我一開始帶個蛋糕，都係你地同事電話同我講話唔洗切餅費！！

Taste is soooooo bad! KFC is even much much better than the fried chicken here! Ddeokbokki is sooooo small and hard!Service is also bad! A waitress has very bad service attitude, every time said nothing and even rolling her eyes!Feel very upset and even angry after eating. Will never come again...

叫啤酒和泡菜，要催3次才來，似乎漏單叫炸雞，應該跟一set醬及配料，但我們只有醬，因為見到隔離枱有配料才醒起，問侍應，她才拎過來，反映侍應們沒有跟進食物/不知道食物配料叫蜆鍋，煲了半小時，還有一半蜆不打開殼，問第一個侍應，她話幫我地加湯(關事嗎？)，我地話不如拎入廚房煲到開殻吧，(我們知道用餐時間是90分鐘) 佢話幫我們問下廚房後又不了了之。問第二個侍應，她幫我們較大個火(?)問第三個侍應想找經理也是不了了之。期間侍應2次提醒我們還剩30分鐘便要交枱，有冇野要order，但我們d蜆還是沒有開。此時我們發現枱上的韓式牛肉炒粉絲沒有牛肉，只有葱，洋蔥，菇和粉絲。仍想找經理不果，最後帶位小姐來到，她端上賬單，我們跟她說以上問題，她說有牛肉的，可能碎一點，但我們叫佢睇下真係冇，佢話廚房比嘅份量是一樣的(答非所問？)，冇力再糾纏，又夠鐘埋單，小姐取消了蜆鍋order，但沒有正視炒粉絲問題，是旦啦，走吧。另，韓式煎餅淋的，一pat粉漿，請改善飯卷係好食，但就只有飯卷，我不如去返金巴利街冇咁嬲。。。

1) 牛肉拌飯 소고기 비빔밥正常味道.2) 泡菜煎餅加芝士魷魚 치즈 김치전好味.3) 混醬炸雞 소스 치킨完全不值這價錢可以在韓式炸雞店吃到全雞了另外 餐牌上顯示會有不同配料雞送來的時候卻沒有追問了不同店員好幾次終於有店員端來一碟碟的配料誰料她竟問我們要哪款然後只夾了少量結我們感覺很寒酸.4) 混醬 치킨 소스醬是不錯的最喜歡柚子醬

星期二約朋友晚飯，3位大人1位小朋友，不過坐唔到窗邊位，我地都有d 失望，唯有下次再try 啦...講返食物，見到星期二有個90分鐘hot pot 任食優惠，食物種類多，睇menu 就唔係hea 丸同普通肥牛，湯底都幾特別，諗住試，不過小朋友唔食火鍋，同枱都要計一個人頭，只好放棄了...所以最後散叫左幾樣，總括黎講：不過不失。牛油果青檸炸雞，酸may may 甜甜地，個味係幾有趣ge,個人認為無咩牛油果味，炸雞都香口，不過真係唔食得多，我地最後都有成剩。羽衣甘藍煎餅，小朋友唔太鐘意食，可能因為綠色，下意識會有d抗拒。嗯...我覺得唔需要有期望，因為無咩味（羽衣甘藍本身都無咩味），當係食下素食，清清地～最唔推介的一款，芝士魷魚筒，好似分別將芝士，魷魚同埋炸粉放入口食，無化學作用，無提升味道，所以唔食唔可惜...

大魚大肉過後，就唔想食咁多肉，The Joomak 推出左韓式素食，感覺幾特別，就同媽媽過咗嚟尖沙咀食❤️原來星期一係素食放題!! $198一位任食90分鐘，款式雖然唔多，但全部都好特別！有羽衣甘藍煎餅、經典嘅韓式拌飯、仲有新豬肉(呢個我之前喺其他素食店食過，價錢唔平，但幾好食😳)呢個都可以任食！沙律都有兩款，健營藜麥沙律、麻醬雪耳沙律，兩款份量都好大!! 好彩我同媽媽食量都幾大😂Easy to finish~~兩款沙律感覺好清新同健康，藜麥沙律入面有牛油果👍🏻熟成度剛好，入口creamy！仲有新鮮芒果雪耳沙律入面除咗有大大朵白木耳、仲有少見嘅冰菜👍🏻加上香口嘅松子，正！羽衣甘藍煎餅邊位煎得好香脆，而中間比較多份嘅地方就軟糯，配料唔多但已經好好食，唔會煎得過分油膩，杞子係甜甜地好得意~~板燒未來豬肉漢堡扒生菜呢個我喺其他餐廳食個價錢唔平，呢度仲可以自己煎返脆佢，做得幾似真豬肉，用煙韌嘅年糕模仿肥豬膏，健康好多~本身都唔會好油膩，但包住羅馬生菜食別有一番風味(值得一讚佢哋啲菜真係好新鮮)焗芝士蕃茄未來豬肉丸子呢款同豬肉漢堡嘅口感有啲唔同，用豆腐卜包住去炸，但入面豬肉部份食落似豆腐渣般鬆散，

混醬炸雞肉嫩，配搭不同醬料係呢個菜吸引之處，個人最喜歡配柚子醬，最有新意係士多啤梨醬。羽衣甘藍煎餅一般，泡菜煎餅唔知d 泡菜去左邊，部隊鍋份量少得可憐，吞拿魚卷普通，韓式牛肉炒粉絲味濃。menu選項亦太少，想叫多d 唔同野食都唔知點乜好，最後重復order 混醬炸雞。環境適合三五知己吹水閒聊打卡，台與台之間有足夠距離，唔會有迫挾感。整體來說，味道還好，食物份量偏少，價錢亦不相宜，同樣價錢在海港城可以有更好選擇。

已經是第二次光顧這間餐廳，第一次主要試它的混醬炸雞，今次主要是同嚐新推出的素食自助餐。198元一位，食90分鐘，另外可加錢升級任飲各種飲料。當天是平日夜晚，原本以為不會太多客人，但事實是坐無虛席。餐牌上分前菜及主菜，每一種類別大約有7至8款。第一輪先選了兩款前菜及兩款主菜。炸素魚腐，外脆內嫩，內餡當然不可能是魚肉，但入口有魚肉的口感，如何做就不得而知了。素泡菜芝士薯條，薯條即點即炸，但芝士略嫌不足，泡菜味明顯，三者的配合不算很完美，但尚算有趣韓國水梨卷，一款非常清新的主食，壽司飯軟熟，味道不錯。板燒未來豬肉漢堡扒生菜包，店員會提供小爐，客人自行將素漢堡煎烤，口感味道俱不錯，配上生菜一起食，會減少油膩感。第二輪，則叫了一客焗芝士蕃茄未來豬肉丸子及素食風味部隊鍋。前者配上大量蕃茄及芝士，口感有點似獅子頭，不過西化了。後者，一鍋中有素肉腸，素食餐肉，雜菜及素魚腐，當然不少得部隊鍋的精華公仔麵，味道沒有驚喜，但公仔麵配泡菜湯，確實好食。最後，再要了一客甜品，韓蔘蜂蜜奶涷，奶凍上鋪滿金黃色蜂蜜，入口具蔘味，奶凍質感略硬，不過口感尚滑，有趣。198元加一，每位大約220元，價錢不算貴，合理，不過味

尖沙咀有很多韓國餐廳選擇。經過一番挑選，The Joomak 在韓菜裏看似比較清淡，沒有其他傳統韓國餐廳d野食咁heavy，所以決定來試試。我地首先叫咗個蝦汁年糕。好鍾意佢個汁，有濃郁嘅蝦味。入面亦有d魷魚同泡菜，雖然聽落去好似怪怪地，但食落又ok韓式烤牛肉都好好食！記住除左撈埋d辣醬，一定要倒多d牛肉汁入個生菜包住一齊食，因為d牛肉汁先係精髓所在（個人認為甚至唔加辣醬都得）。最後我地叫埋野飲。呢枝水果柚子茶二人份，味道唔係差，飲落幾清爽，不過就只係普普通通咁，唔值$128呢個價。

Everything was greasier than expected and cooking isn't attentive enough. Ordered a kimchi pancake where the oil basically soaked through the oil paper. I understand that fried food isn't easy to perfect yet should consider to absorb the pancake at least once inside the kitchen and use a second oil paper when it is delivered to the customer. We also ordered another snack of which was a mini squid filled with cheese. The cheese was basically sticking to the oil paper, therefore I had to literally

為左食得健康，食少d肉。最近想搵素食餐。而尖沙咀既Joomak. 都係城中幾多人食既韓國菜。最近就出左韓式素食放題。198蚊一個人。既然係放題，咁就當然要樣樣都食啦～先食炸素魚腐，外表炸得頗香口，素魚腐口感同真魚腐真的差不多， 幾好。麻藥薯條~所謂麻藥，即係濃濃既芝士粉，配合炸蕃薯條，又幾正。食得熱氣野多，立刻叫個沙律平衡下。用料非常新鮮， 有羽衣甘藍，牛油果，芒果，藜麥等等。非常中意呢個沙律。原味煎餅，有唔同配料可以選擇，我就選左菇，好香口。水梨卷，呢個卷有杞子乾係面，入面則係蘿蔔同酸瓜等等，十分開胃。焗芝士蕃茄未來豬肉丸子，超多既芝士同蕃茄互相配合，素豬肉既口感完全將我呃到，同真豬肉一樣!未來豬肉漢堡扒~非常新奇，竟然和真漢堡扒既賣相味道都一樣，犀利犀利!韓式素食過真新奇又有趣，而且坐得幾舒服。不錯。

次次行過LCX都見到好多人排呢間韓國菜餐廳，所以都想黎試下佢既吸引力如何，原來週一週二有特別搞韓式放題同埋火鍋火題，韓國放題真係少見，仲要係素食做主題，女士食多啲都唔怕，加上同行友人係素食者，岩哂。餐廳內外餐廳十分之大，幸好較早到唔洗等位，到我地走時出面已經大排長龍，餐廳行到最入有幾個位係貼住落地玻璃對海景，我地分配唔到坐玻璃位，因為唔係繁忙時間入座，2個人都比左張大枱，都坐得舒服。食物選擇我地食左佢週一限定既90分鐘韓國素食放題，唔一定要食放題，你都可以選擇唔食放題散叫，散叫款式好多，只影左幾頁餐牌。(週一限定)90分鐘韓國素食放題 $198選擇總共有15款，包括左前菜、主菜，飲品同甜品就唔包，要另加錢，其實價錢略貴，因為選擇唔多，望望有咩食同味道如何睇下值唔值呢個價。前菜有：炸素魚腐、黑糖麻藥粟米、麻藥薯條、素泡菜芝士薯條、羽衣甘藍煎餅、原味煎餅、健康藜麥沙律及麻醬雪耳沙律。主菜有：板燒未來豬肉漢堡扒生菜包、焗芝士蕃菇未來豬肉丸子、素食風味部隊鍋、板燒芝士菜盤、素豬肉泡菜炒飯、韓國水梨卷及素紫菜拌飯。前菜類：健康藜麥沙律藜麥都頗多，沙律菜新鮮，健康前菜。前菜類：羽衣甘藍煎餅泡菜或者

板燒未來豬肉漢堡扒生菜包🐷 .今次黎試下佢地新推出既韓式素菜餐單😍。素食者又多間餐廳選擇la😁！餐單菜式選擇都唔少又特別，樣樣都好想試🤭見到呢個寫住未來豬肉做成漢堡扒。好好奇佢係咩味道就叫左黎試下😛。餐廳有個鐵板提供，但其實本生上菜既時候都已經係熟。只係我地可以放上去再煎煎佢，食落味道更香口😍。質感的確好似漢堡扒，但未來豬肉令到口感軟棉D！又唔油膩👍🏼😂包埋生菜一齊食，好惹味！當你想食香口野但又想健康D，可以去試下呢間餐廳😝

同朋友去食lunch 本身諗住食韓國野實無死架啦 點知未食已經覺得伏伏地 一入到啲服務員已經黑口黑面咁 之後點餐個時一名女服務員更係以一個好似得罪左佢全家既口臉同我地落單 其實想講以咁既服務態度仲要加一真係唔想比 之後點左三個set lunch 一個燒牛肉拌飯 一個蛋黃醬炸雞拌飯 一個咩牛肝菌素芝士年糕 先唔講啲野食 我地呢個餐係有前菜既 但最後個前菜慢煮五花肉係我地食完哂正餐先上到嚟 仲要係催左幾次先嚟 好 到味道方面 個兩個拌飯啲菜同紅蘿蔔真係不了 生到好似食梗草咁 重頭戲牛肝菌素芝士年糕嚟啦 一嚟到見到成碟得十舊年糕都知伏 食落口仲要係花生加牛奶味 人生都未食過咁奇怪既味 $88得十舊年糕會唔會有啲過份左？到最後嚟個個咩慢煮五花肉 上到嚟係可以做到又唔凍又唔熱既境界 唔通呢啲先係真正既慢煮...總括而言 成餐飯無樣野得 最正常可能只係得杯咖啡..

首先，利申我係垃圾口，但我都覺得難食，真係狗也不了。食貴唔緊要，但比d質素唔該，佢同我去熟食中心食既韓國野一樣，但佢收得貴，又冇景，服務態度差到d員工好似食左屎咁，好似我殺左佢老豆咁，西口西面。午市既前菜「慢煮五花肉」係一塊冇切過既豬肉點啲汁攞去煎，但遲來仲要凍既。主食「牛肝菌汁年糕」係花生奶味，送到上枱個時勁似一pat 廚餘咁，我真係想問個staff送上來好唔好意思，$88得十舊年糕仲要件件都痴埋一齊。講真，成餐最正常係杯咖啡。