The Mafe Cafe (已結業)

和朋友好耐都冇試過玩board game心血來潮 突然間話要玩 好啦 ~ 咁搵搵下之後就揀到呢間啦一入到去侍應已經好好禮貌係我哋坐咗去卡位呢度係有set dinner, 價錢有$80幾蚊到$120不等包一杯野飲我今日想食清少少 叫咗個凱撒沙律 $88, 再叫咗杯芒果乳酪 朋友就叫咗日式黑椒牛柳粒飯 $114,再叫咗杯士多啤梨乳酪跟住係menu見到黑松露薯條 決定叫埋佢啲嘢食好快嚟到凱撒沙律啲菜好新鮮 啲麵包粒好香脆 醬汁落得啱啱好 啱我呢啲鍾意清新味道既人牛柳粒飯啲牛柳好軟熟 加埋啲汁撈飯好快食晒薯條新鮮炸起 非常香脆 加埋啲黑松露醬係一流呢度啲博game都好多選擇 有一櫃俾你㨂 有三國殺 猜猜畫畫等 再加上有多部電視喺度放 一定唔會悶最後埋單差不多$300 以呢個價錢 食得唔錯 遊戲又多選擇 又可以靜靜地為埋一角玩 係唔錯嘅選擇

唔係有人推薦我我都唔會識走上黎因為佢實在太隱蔽，近油麻地個邊既樓上cafe環境都幾大，都有廿張檯，更有較大型卡座適合多人聚會還有一個玩具櫃，提供不少遊戲例如有層層疊講完環境講食物啦！食物都很好質素👍🏻🔶藍莓乳酪$44（跟餐減$38）成晚既敗筆就是這杯野飲，唔覺有乳酪味又無藍莓味，放左一陣見到佢有透明水沉底，似係糖水，混合唔到變左個味好奇怪而且太甜！最好叫其他飲品🔶Mocha$44（跟餐減$38）呢個ok，味道正常🔶忌廉煙三文魚天使麵$108👍🏻好好味啊！佢好濃濃的忌廉，味道不會太淡！而且煙三文魚都不會太咸🔶日式黑椒牛柳粒飯$114👍🏻啲牛不是cheap野，真係食得出牛味同埋好嫩口，不會硬骨骨不是咬唔開個啲！份量都好多🔶心太軟配雪糕（跟餐加$35）呢個甜品都好出色，外面個蛋糕是脆的加上熱熱的流心朱古力醬，而且不會太甜，很好

今日友人話要去cafe玩下，坐下。就揀左呢間cafe。一見到個menu，真系覺得唔貴，價錢合理。位置舒服，空間其實都好大，枱同枱既距離都好闊。忌廉煙三文魚配天使麵天使麵比較幼身同柔軟，份量都好多，佢個汁系甜甜地，仲好香濃，相當好味。但洋蔥就比較多😂😂😂日式黑椒牛柳粒飯，牛枊粒細細舊，飯同牛柳粒份量都好多，三色椒炒得好香，個汁味道好食，都系同天使麵一樣，個汁比較甜，撈飯系一流。呢到仲有心太軟配雪糕，價錢仲好抵食，跟餐只係加$35，個皮外脆，入邊流心，流心度高，👍🏻👍🏻仲熱辣辣，甜度適中，特色拼盤，有雞翼，洋蔥圈，咖喱角，薯角，魷魚🦑圈，反而拼盤冇咁出色，可能玩左陣先食，涷左就令到炸物無甘出色，但系黎到一個地方休息下玩下，個人認為小食系必須叫的😂😂佢d飲品好多都有個特別名稱，我叫咗杯戀人（士多啤梨玫瑰綠茶），同埋柑吉梳打，我比較喜歡戀人。最後都好多boardgame玩，遊戲仲好齊全。好岩一大班朋友黎玩呢間cafe相當唔錯，食物水準高，唔系好多人，但職員安排既位置相當寧靜，黎談心，同黎玩下系好舒服既一個地方。

每次聚會為了方便大家，都會約在旺角見面。今次大家選了一間樓上咖啡室，餐廳頗大，分為兩間房，有卡座，適合十個人的聚會。見餐牌的價錢也公道，晚餐配一杯$38飲品，也可以加錢吃甜品。除此以外，餐廳也提供了不少卡game，也有迷你麻將和積木等。⭐️忌廉煙三文魚配天使麵$108我點了一份天使麵，天使麵的份量挺多的。煙三文魚捲成花的形狀，仿如一朵橙色的玫瑰，賣相一流。天使麵配上忌廉，口感幼滑濕潤，吃起來還有點甜，配搭軟軟的三文魚肉，味道不錯。⭐️蒜香雞翼$52雞翼很香脆，不過雞皮有點過韌，但好在味道夠，大家吃得很滋味。⭐️意式番茄肉丸$78其實黑椒肉丸，一邊聊天，一邊吃正適合。⭐️紅莓果茶$56由紅莓、芙蓉花、薔薇果、蘋果的乾果浸泡而成，沒有糖分和咖啡因，入口酸味突出，隨後回甘。含有豐富維他命CE、滋潤肌膚、消滯解脂。⭐️心太軟+雪糕$48一戳下去，朱古力醬緩緩流出，外面焗得紮實香濃，裡面流心暖呼呼的，配上雪糕，是最佳的飯後甜品。

晚上約了朋友見面，於是搵間樓上cafe坐下，順便自己食個晚飯。餐廳裝修好簡單，空間幾大，適合同班friend聚會，又有電視機同卡 game，唔趕客幾舒服。入夜之後開始多客，氣氛幾熱鬧。飲品選擇幾多，總有一款啱。⭐️黑松露野菌忌廉意大利飯$108上台時義大利飯還冒著煙，黑松露的香味非常突出，入口米飯軟硬適中。我好鍾意食黑松露，陣味好香，好好食！份量都夠我一個人食。⭐️藍莓乳酪$44乳酪味道很突出，口感香醇滑順。整體黎講呢度幾好坐，食物都唔錯。

5大3小，一行8人，俾左張超大既枱我地，我地叫左個$138既set，會有3碟主菜，包括一碟意粉，一盒天使麵同一個焗飯，仲有一客沙律，同一大碟小食，叫set就會包晒咁多樣野食，不過食物份量會按人數比例出，而且飲品仲要係無限添飲，小朋友仲有半價添，而且職員服務態度非常好，我地食到淨返最後到碟意粉未到，有得女職員就行埋黎問我地夠唔夠食，我地話可能唔夠(心諗必要時再加野食)，點知個女職員居然話：唔緊要，我叫廚房個意粉大碟整少少先~而且啱晒大人同細路，有超多board game玩，亦都唔殘舊，又唔限時又無限添飲，野食同飲品亦都算好味~服務又好，絕對會再幫襯~

放工後同閨密行旺角潮特，行到攰攰地就想搵間樓上cafe。 閨蜜帶我黎到Mafe cafe ,這裡環境舒適， 坐得舒服的, 食物款式算多。 窗外五光十色的彌敦道，感覺香港很美，很多綠色植物亦令環境更加舒適。這𥚃還附設一個玩具櫃，提供不少遊戲，其中更加較大型卡座，適合多人聚會。黑松露野菌忌廉意大利飯 口感軟綿意大利飯味道香濃，還未吃已聞到香濃黑松露味，飯的軟硬度適中賣相還算不錯，混合忌廉及芝士在意大利飯內，感覺十分豐富！ 忌廉煙三文魚配天使麵 用三文魚做的玫瑰花，碟邊有點點香草裝飾，有心思。 Oreo奶昔最上層有Oreo、朱古力碎和朱古力醬然後奶油，囗感Creamy甜甜的很適合喜歡濃郁甜味的朋友，一直喝會感覺甜入心窩。食推介黑松露醬薯條，薯條炸得很脆，配上黑松露醬和茄汁兩種口味，令人吃完一條又一條！停吾到口!大戰四回後, 我贏左!!!

約咗友人喺旺角Cafe傾計食飯，雖然係平日，但都幾多人。餐廳入面掛咗唔少田園風格既畫，感覺好舒服好relax。我地點咗2個dinner set，仲有心太軟同埋芝士焗薯條。忌廉煙三文魚配天使麵 ($108)煙三文魚既賣相似玫瑰，入口肉質嫩滑，而且帶有淡淡既煙薰味，唔會好鹹。至於醬汁帶有忌廉和牛奶香，質感濃稠，緊緊裹住天使麵，唔錯！日式黑椒牛柳粒飯 ($114)比起天使麵，牛柳粒飯需要等耐d，但都值得，碟飯有濃濃既黑椒味，而且亦夠汁。而牛柳粒入味之餘又嫩滑，好惹味👍芝士焗薯條（＄48）選用咗粗薯條，上碟既時候熱辣辣，芝士份量唔少，滿足到我呢個芝士控~心太軟+雪糕 (跟餐加$35)🍦心太軟係即叫即整，朱古力味好濃，蛋糕外層香脆，一切落去裏面的朱古力漿好似火山岩漿咁慢慢流出嚟，配埋呍呢拿雪糕，一熱一凍好好味呀😋飲品就分別加＄7和＄2點咗榛子朱古力同熱咸柑橘蜜。朱古力帶有淡淡榛子味，而咸柑橘蜜味道都可以。

呢間餐廳係以前同朋友嚟玩boardgame 先識嚟，鍾意佢地d 位置闊落又坐得耐。行街行到攰上嚟食下坐下傾計都幾舒服。今日買左新書，想搵個地方食飯同坐低睇書，就上左嚟。點左D 煙肉卡邦尼意大利粉 $102煙肉卡邦尼意粉嘅煙肉份量都ok，意粉面灑上芝士碎，食嘅時候撈埋落去就會溶入忌廉汁內。成個意粉好ceamy，主要鹹味嚟自煙肉。意粉唔會太軟爛，整體味道ok。紅莓果茶（熱）$56跟餐加左dd 錢點果茶飲，紅莓果茶有紅莓、芙蓉花、薔薇果、蘋果，有助消滯解脂。心太軟配雪糕 +$35心太軟夠熱有蛋香，外殼幾脆，流心度高。可惜味道偏鹹，朱古力味唔濃，一定要加雪糕食至啱味。但呢度真係好好坐，適合想搵地方休息、玩game 嘅人。

意粉好食又足料！一定會再黎. I got the Carbonara and Truffle Risotto and both were beyond my expectations. The price was right too. Very reasonable and a drink is included.

有時要係旺區搵到一間可以俾朋友之間慢慢傾解，嘢食又滿意既，其實都幾難下。估唔到今次可以遇到，真係有意外之喜。由於朋友放工時間唔一致，要前後腳先到齊。由約左7點半，坐足3個鐘，餐廳都無趕人走，俾我地慢慢坐，甚至餐廳有提供桌上遊戲，俾我地玩。我同朋友仲重溫以前既遊戲-飛行旗😂餐廳有提供dinner set 同party set可以揀，由於得幾個人，就叫左dinner set 食。1. 黑松露忌廉意大利飯，黑松露味好濃郁，飯粒粒分明，硬度適中，唔會太軟亦都唔會太硬。呢碟飯係呢餐飯全場最受歡迎㗎😂2. 日式黑椒牛柳粒飯，牛柳粒切到細細舊一口一舊啱啱好。牛柳唔會話要好大力先食到，反而容易食到，一啖食到牛肉味。平時都唔會點食牛肉，今次都食多幾舊✌️3. 鮮茄焗豬扒飯，我朋友至愛😂鍾意多多醬，酸酸甜甜，撈埋啲飯擺埋落口，享受當中味道。4. 薯條反而就冇乜驚喜，比較乾身，薯仔味都唔重，反而俾佢嘅黑松露醬搶鏡🤣5. 心太軟專登叫餐廳最後先上場，新鮮滾熱辣打，一啖食落去感受到佢嘅溫度。可能今次師傅有少少失手，心太軟底部有少少燶，可惜左少少，不果我地都清左佢😆😆

旺角樓上Cafe嗎啡☕️.一班舊同事見面，去cafe都係一個唔錯既idea！不過對上一次去旺角樓上cafe已經係還青澀歲月既時候....🙈見呢間好評都勁多，但係覺得中左伏，食物好一般般😨.一行五人點左Party Package Menu💁🏻‍♀️🥗沙律有日式芝麻醬沙律，配料有蕃茄仔同粟米，芝麻醬都落得好多！五人可以點三個主菜，份量會因人數調整。有忌廉蘑菇雞皇飯🐔、西班牙鴨胸燴長通粉🍝、芝士忌廉焗吞拿魚天使麵🧀🐠三種都好有茶餐廳既味道😂色、香、味都爭少少😅稍為喜愛芝士忌廉焗吞拿魚天使麵，都幾creamy呑拿魚份量超多！.特色小食拼盤好大，有黃金咖哩角、香炸脆薯條🍟、香草瑞士雞翼、香脆什菜春卷、炸洋蔥圈，幾種都唔算脆口，炸得唔香，唔係熱辣辣上枱啊！薯條同洋蔥圈稍為好點了🙈.特式飲品可以選兩jar🍹🍹 : “魔術師”含有玫瑰+青蘋果汁，金桔青檸就正正常常啦。.雖然食物一般，不過可以一班朋友有個唔限時既地方傾計聚舊，都幾開心的😄

1️⃣忌廉煙三文魚配天使麵 $60唔係用金寶罐頭湯既醬，係自己用忌廉開～煙三文魚砌左朵花🌸影相一流，味道都唔錯唔會好咸2️⃣黑松露野菌忌廉意大利飯 $60好重好重忌廉味，有一小片芝士喺上面，好正😍野菌味濃，冇咩黑松露味整體食得多會溜😬3️⃣薄荷朱古力，玫瑰咖啡 (跟餐)中規中矩，都係用糖漿調出黎既味*另外一提，服務態度一般般，店員阿姨有啲黑面▪️▫️▪️▫️▪️▫️▪️▫️▪️▫️▪️▫️▪️▫️▪️▫️味道: 7.5/10CP值: 8/10

有日同朋友行油麻地，行到攰攰地，想搵間cafe 坐下Hea下，上網見到Mafe Cafe 都唔錯，所以就上左黎試下，我揀咗幾款值得推介同大家講下忌廉煙三文魚配天使麵出面食忌廉天使麵，通常都會好膩，依個天使麵絕對唔會，好juicy ，而且食完會想繼續食，加埋我最鍾意嘅煙三文魚，好好味日式黑椒牛柳粒飯牛柳粒一d都唔鞋，仲好嫰滑，加埋三色椒，顏色好colorful，賣相唔錯，幾好食我朋友叫咗芒果奶昔，而我就叫咗士多啤梨奶昔，奶昔唔係淡而無味嗰種，飲到係用新鮮士多啤梨打，好refreshing ，值得一試朱古力心太軟配雪糕食心太軟最開心，因為最中意督穿個下，感覺好開心，朱古力唔會太甜，甜度啱啱好，配埋雪糕，一冷一熱，感覺唔錯食埋甜品好滿足，我同朋友仲玩左幾款 board game，用黎消磨時間一流~~

餐廳地點較為近油麻地出口，屬於旺角的尾段，而且高氏大廈本身也不難找到位置。當日比較倒楣，升降機壞了，要走3層樓梯才能走到上去。一進去也是典型CAFE的格局, 我跟朋友就找個位置坐下。點了兩份意粉, 我點了香草煙三文魚白汁天使面,，友人則點了白汁吞拿魚芝士焗天使面。本身對食物不是說太有期待，始終都是CAFE。食物味道未必會太到位。但沒想到味道真的挺好的，煙三文魚給的份量都很大方， 白汁吞拿魚芝士焗天使面的芝士都多得能拉絲～在飲料方面我點了Cafe必點的冰的薄荷朱古力，朱古力稍為淡少少，但也是挺好喝的。友人點了乳酪，但不太夠冰，呢一點要改菩。最後套餐可以另加$28要心太軟/芝士蛋糕的甜品, 我們都點了心太軟來吃, 這個是很好吃而且巧克力不會過於死甜,有主食飲品甜品每人$150埋單, 是挺不錯的了。