The Right Place (舊墟直街) (已結業)

Cinderella主要係由橙汁、菠蘿汁同檸檬汁組成，味道偏酸，但好開胃，一路飲一路食就最夾PINE”ART”PLE主要由柑桔汁、檸檬汁、菠蘿汁配蜜糖，味道酸酸甜甜，浄飲都好好飲避風塘椒鹽魷魚鬚好抵食﹗份量比想像中多，食極都有。魷魚鬚本身已經好香脆，上面再灑左薯片碎，口感好﹗味道鹹香、送酒一流﹗如果再稍為辣些，一定更惹味﹗烤西班牙黑毛豬腩呢碟烤西班牙黑毛豬腩真係貴精不貴多，份量唔多，但真心好好好好食﹗﹗﹗外層烤到香脆，真係只係最面薄薄一層係脆卜卜👍🏻內里勁juice﹗而且腩肉應該係五花腩，因為真係睇到明顯嘅肉質分間。就咁食一定有油膩感，但一點左碟底嘅sauces后就中和晒。味道清爽又帶點微酸嘅凍蘋果淺汁，同腩肉勁夾﹗另外，拌碟嘅焦糖蘋果都好搶鏡﹗當我食左塊腩肉后，可以食返半件爽脆嘅焦糖蘋果黎平衡下口感🤪烤德國鹹豬手份量超大﹗2個人都食唔晒，建議一家人share黎食。成隻豬手烤得惹味又香脆。另外，仲有酸椰菜同薯角拌碟，呢碟菜真係大人細路都啱食！擔心唔識切豬手嘅朋友都可以放心叫，因為餐廳好細心，你要求的話可以幫你切好先上枱。

每次嚟大埔主要去舊墟直街食飯，之前食過雞煲打邊爐和韓燒，今次就黎呢條街唯一嘅西餐chill下🥳未到7:30餐廳已經坐滿人，後來先發現戶外有幾張枱，方便晒食煙嘅人😄——————————🔹吉列西班牙黑毛豬扒芝士漢堡·炒蛋·薯條 $148看到隔離枱叫這個漢堡非常大份，令我心郁郁叫埋一份😚 果然份量冇令我失望，成個漢堡超級大，中間夾著一大塊吉列豬扒、芝士、炒蛋、生菜和番茄。一拎上手唔知點食，最後切開一半😂每啖都好滿足，上下兩層麵包烤得香脆，裏面炒蛋很滑，吉列豬扒不算太厚身，外面炸得香脆，裏面肉質軟腍不乾身😋薯條是帶皮，炸得香脆可口，不錯👍🏼-🔸穀飼澳洲黑安格斯肉眼牛扒8安士 $228每次去西餐店，總會被牛扒吸引～這個黑安格斯肉眼牛扒叫七成熟，烤得剛好，切開還見到些少未完全熟透的肉，食落唔韌。餐廳還提供了紅酒燒汁和芥末，燒汁偏稠身，主要用來蘸，味道亦是鹹；芥末則減輕牛肉的油膩感😋-🔹綠茶心太軟·自家製士多啤梨雪糕 $75這個心太軟即叫即製，一切開裏面的流心綠茶醬流出來，外面的蛋糕有小小脆口，味道不會太甜，還有很香綠茶🍵🥰而自家製士多啤梨雪糕食到果肉，有淡淡士多啤梨香，所以不似市面上那些香精雪糕味

今次同大家介紹一個可以同朋友吹水放鬆嘅好地方， 半開放式嘅格局，好有情調和予人放鬆的感覺。 佢哋無論set lunch或set dinner都好值得去試。唔係太喜歡食pizza的我，佢哋嘅薄薄嘅pizza， 好香脆， 唔肚餓都可以食多幾件。 佢哋嘅意粉都非常之高質，我家姐就好鍾意食佢哋嘅牛扒，以肉眼嚟講，佢真係整得好食。 佢仲有好多好幾款雞尾酒，好有特色。

We went here for dinner tonight and we found that the style in this restaurant is similar to nathan left which we recommended a lot! We ordered the octopus with chinese fried style and it was so yummy and good for a drinkThe rice and spaghetti however are a little bit not salty enough. The pork is great though We ordered two drinks as well. TP style and mogitto. The drink was nice , I will recommend to drink here with the tasty snacks.

#Samsameatwithu早個星期係我同男朋友既週年紀念，佢就幫我揀左一間超高質素既餐廳慶祝，以表示佢高度重視我哋嘅紀念日🥳一入到去，就算滿哂座，侍應都幫我地處理好所有野，全部都好有禮貌好細心，就算我臨時轉order，佢地都無比面色，仲好溫柔🥺帕馬臣芝士蒜香黑松露薯條🍟一上枱就聞到超大浸黑松露嘅味，超多芝士碎係薯條面，差唔多完全覆蓋晒啲薯條，薯條外脆內軟，每一啖都有黑松露既味，超正，啱晒鍾意食黑松露嘅我呀!!香烤雞中翼🐥呢個燒雞翼超好食，個皮超趣，雞肉超多肉汁，又柔嫩又滑，真係可以encore再encore啊！主菜我哋就叫咗兩個Set Dinner:烤150天穀飼澳洲黑安格斯肉眼牛扒8安士🐂佢配埋蒜香嫩菠菜，靈芝菇，薯條，夠哂飽肚！牛扒仲配上餐廳獨有嘅紅酒燒汁，正啊！一上枱，我order既五成熟岩岩好，牛扒好林身，牛扒配上芥茉，係我最鍾意嘅食法，唔會太油膩，完全中和哂！安格斯牛肉芝士漢堡-煙肉煎蛋🍔漢堡分量超多，一個女仔應該食唔晒，漢堡扒有得揀幾成熟， 我哋揀咗六成熟，漢堡扒嘅油份有dd腥，可能漢堡扒要8成熟就最正啦， 但佢既肉汁非常多，入邊有雞蛋蕃茄芝士煙肉牛扒，食落口感超豐富！

#cassiegotaipo-今次要同大家介紹大埔依個影相一流嘅西餐廳𝕿𝖍𝖊 𝕽𝖎𝖌𝖍𝖙 𝕻𝖑𝖆𝖈𝖊！半開放式嘅設計令到餐廳外面望落好似外國嘅小餐館。每枱都會有個小枱燈，好有情調，影相都好靚，岩哂鐘意打卡嘅Foodie。😍.Set Dinner會包含餐湯、田園沙律同主菜。田園沙律整得好精緻，主菜我地揀左烤羊扒配普羅旺斯燴雜菜同烤西班牙黑毛豬扒配蒜汁炒意粉，肉質好juicy，唔會烤得過熟岩岩好，伴碟都整得好用心。滿足嘅一餐。🥰-另外我地仲叫左無花果配香煎鵝肝，入口即溶，有一股幼滑細膩、油脂甘香嘅味道，令人欲罷不能。咁好嘅氣氛當然要叫翻杯Cocktail ，絕對係錦上添花。🍸-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️ The Right Place (大埔)📍 大埔舊墟直街30號美利大廈地下13號舖-IG: cassiecwy/ cassiegetfat-

大埔太和越黎越多食店但我間唔中就會想食返the right place 質素有保證 唔洗跨區都有好西.🔸避風塘椒鹽魷魚鬚 🦑之前食過避風塘軟殼蟹 好好食今次食魷魚鬚 一樣咁酥脆 魷魚鬚肉嫩好易咬仲有圍住既薯片 都充滿椒鹽.🔸北海道鮮帶子x香辣蒜片鮑魚汁🍝帶子只係略略煎香過表面 嫩度100分.🔸香煎肉眼扒配薯條🥩🍟好juicy 一啲都唔韌 set dinner有得揀呢個好抵食.🔸芝士蕃茄pizza🍕Pizza夠薄身 好多芝士拉哂絲.🔸凱撒沙律🥗蔬菜夠新鮮 食到本身清甜味

聖誕大餐！...聽日就係聖誕節啦喎，諗好去邊度食飯未啊？今次就想同大家推薦一間高質西餐廳就係大埔嘅The Right Place環境都幾浪漫 每張枱有一盞細細的黃燈好有格調..Garden Salad每份有兩塊半熟嘅蛋加埋佢哋秘製嘅醬汁同沙律菜配搭得好好.Soup呢個南瓜湯好正真係食到少少南瓜蓉喺裏面再加埋脆脆麵包浸落去啲湯度食都幾正.Lamb Chop每份有三份羊架！我就帶咗10成熟！係煎之前有醃製過所以騷味啱啱好.Rib Eye強烈推介呢個係餐廳王牌記得嗌五成熟呢個真係不得了完全唔會覺得韌咬落去仲有勁多肉汁配埋黑椒汁真係冇得彈.Chocolate pudding 呢個心太軟同普通甜品店嘢都差唔多不過賣相梗係好好多啦可以打個靚卡.

大埔隱世高質西餐The right place今日我地提早慶祝聖誕呀特登揀左呢間好評既餐廳試下佢有得坐室外嫁今日涼涼地 好舒服好多人放工都黎chillchill我地就揀左最出名既鹹豬手同西冷扒西冷扒7成熟有嚼勁牛肉味濃郁配菜都用心製作加分佢d菇同菜用左酒炒好香鹹豬手勁大隻性價比超高真心 佢好味過出名食豬手既地方外皮超脆又煙韌肉質幼滑雖然外表看來略為乾身但入口就知道肉汁豐盈唔會乾唔會鞋認真推介野飲我果杯係mocktail 係橙 菠蘿同檸檬好fresh 我都幾鐘意仲有 佢其中一個侍應超級好服務好有禮貌值得再去一次呢個聖誕節日晚餐我好滿意呀放工 節日都好岩去The Right Place (大埔)大埔舊墟直街30號美利大廈地下13號舖

#TastewithTA // The Right Place 🍔🌟大埔有咩好嘢食？ 媽媽說喜歡食西餐就當然係震搵吓啲有情調嘅地方啦❤️然後叫媽咪最鍾意食嘅嘢!.🥗蟹肉木瓜香芒藜麥沙律每次食西餐都要食一種沙律，因為感覺平衡啲！這個調味做得好好！好食！.🦀避風塘軟殼蟹軟殼蟹可以話係必叫！第一係因為媽媽真係好鍾意食軟殼蟹，第二係佢啲軟殻蟹上面都會有啲薯片碎！蟹蟹都仲有啲肉食呀❤️❤️❤️❤️！.🥖香煎鵝肝多士伴無花果其實媽媽好中意食鵝肝❤️多士！加上無花果這個配搭幾有創意～🍔安格斯牛肉芝士漢堡配薯條媽媽大讚那牛肉好好食呢！賣相如味道一樣好😍心心眼！

之前在尖沙咀食過The Right Place 覺得環境食物都唔錯，就相約朋友去到大埔分店再食過！遠處已經見到餐廳招牌，係我最鍾意嘅粉藍綠色，門口比較開揚，已經見到入面幾乎滿座。幸好我們預先訂位，店員安排我們坐水吧前的四人枱位置，還給我們幾杯水，態度殷勤親切。A3紙大張嘅餐牌，每一樣都好想試吓，搞到我心郁郁。先叫了餐湯濕一濕個嘴。先叫了小食避風塘蘿蔔糕，煎炸野我一定最鍾意，所以一口氣食咗五六件，蘿蔔糕實在太好食外脆內軟，加上少少辣追住食。這裏的招牌菜12小時低溫慢煮烤乳豬件外皮香脆，肉質鮮嫩，咬一啖豬肉汁已經唧晒出嚟，可見乳豬非常新鮮。 我哋簡直係The Big Right嘅fans，之後再點了低溫慢煮烤西班牙黑毛豬鞍，配以黑胡椒燒汁，更加濃味，而且黑毛豬肉軟口，食落去質感好林，啱晒我冇牙婆😂來到這間酒吧餐廳我就不叫有酒精飲品Chilli 一番，Mango Tannin芒果味濃郁，啱晒我呢個芒果控。食咗咁多嘢都只係$1200埋單，每人平均消費$300就可以食到咁豐富、咁有質素嘅西餐，實在值回票價。

平時食西餐多數都係出尖沙咀，今次想係大埔食，先發現都有都唔錯既西餐食😜😜鋪頭近太和，入面氣氛都唔錯，無論一家人食定情侶食都好適合👍🏻 朋友叫左一個芝士焗薯條，不得不說份量真係好多，芝士好足！啱晒各位芝士控嘅朋友呀。另外仲有店員推介既黃金帶子risotto, 果然無介紹錯，好creamy, 帶子亦都非常好食。最後一位係angus 牛肉漢堡配薯條，切開一半，見到蛋汁流出黎，加上芝士同牛肉既味，簡直絕配啊！呢三款我地都非常鐘意，推薦俾大家！

二訪位於喺大埔嘅The Right Place 今次我又encore左「吉列西班牙黑毛豬芝士漢堡」，份量一如既往超級大份，黑松露炒蛋好濃味，炒蛋半熟嘅程度，連埋吉列黑毛豬一齊食，成個漢堡食落會更加juicy！「烤美國特級安格斯肉眼牛扒10安仕」，7成熟，肉質食落厚嫩多汁，點埋紅酒乾葱燒汁尼食，味道嘅層次就更多、更好味。「緬因州龍蝦尾意大利飯」，龍蝦尾肉質厚實鮮甜，意大利飯軟度適中，配上勝瓜、蝦乾、粟米蓉、玉子豆腐尼食會更加清爽。「海灣蝦卡拉布里亞辣香腸水牛芝士比薩」，辣肉腸煙醺味濃、海灣蝦爽口彈牙。「朱古力心太軟、椰子雪葩」，朱古力心太軟流心效果力好出、好治癒，味道唔會太甜；椰子雪葩食落無好似沙冰咁凍，較為易入口。「法式焦糖燉蛋、紅桑子雪葩」，香脆嘅焦糖糖衣配軟熟嫰滑嘅蛋層，口感一流；紅桑子味道帶酸，令成個甜品食落無咁邪惡。Mocktail，「百花費士」，桂花蜜遇上梳打水，即刻變身成為年輕人鍾意嘅清涼、清甜有汽特飲；「芒果單寧」，飲到粒粒芒果肉嘅烏龍茶，味道香甜、茶底濃，同街邊賣嘅水果茶好唔同；「藍莓果凍梳打」，果凍Q彈；「越空行者」，味道清爽。

今日入到黎大埔上OpenRice search左一下有咩西餐廳好食，見到呢一間好似幾有特色嘅店，所以就入去試吓。我哋今日食嘅係晚餐，一入到去成個環境好昏暗，好有燭光晚餐的感覺，而且所播放的音樂都很有浪漫的感覺。食物方面，叫咗個龍蝦燉飯，牛肉漢堡并薯條，仲有叫咗個海鮮pizza，三樣入邊我最推介就係食漢堡，不但肉汁鮮嫩，而且口感豐富。甜品方面我都好推介，我叫咗個法式焦糖燉蛋同埋心太軟，心太軟是即叫即做的，一上碟嘅時候，已經聞到濃濃的朱古力味道。一切開，熱辣辣的朱古力不停地流出。 值得一試！

已經第2次黎呢度慶祝生日啦！我地一行兩個人叫左2個set dinner,因為朋友唔太鍾意食唔多熟既牛，所以我地叫左7成熟，牛扒好大塊，7成都唔會話好硬，配既薯條都好脆，份量又多，好抵！而呢度既意大利飯真係好好食，叫左個玉子意大利飯，多汁又唔油膩，要強烈推介，而飲品都唔錯，好鮮甜。呢度服務好好，侍應好有禮貌，我一早打電話預約左係甜品寫名，寫得好靚，又送大大枝噴煙蠟燭，全場會同你講生日快樂，備受矚目，朋友都覺得好開心。