影片
更多
2013-04-10
490 浏览
雖然與女友幾個月便會幫襯一次UCC，但只係首次為佢寫食評。喜歡UCC係因為價錢合理，環境亦相對寧靜舒適。同其他食家一樣，最欣賞佢節日唔會有指定菜單同任何附加收費!!上年同女友響情人節幫襯都係同平時一樣菜單同收費。響經營食肆愈來愈艱難嘅銅鑼灣，真係值得支持一吓。今次點咗：咖喱焗牛肉飯 @ $77加咗 $35轉成套餐漢堡奄列飯 @ $86士多啤梨朱古力夾餅 @ $52結論：主菜加$35有湯、沙律吧與飲品，而且只係其中一位轉餐都可以。UCC主菜算大碟，加上一客”能者多得”的沙律，即使2位男士Share都足以飽餐一頓。沙律吧材料有菠羅、番茄仔、蜜桃、生菜、吞拿魚、蝴蝶粉、提子乾、Jelly糖、薯仔沙律等漢堡奄列飯：奄列飯配牛肉汁，但實際上只是蛋蓋飯，並不是日式的蛋包飯做法。蛋整得太熟令到好乾，蛋蓋著茄紅飯，但色澤豐富，味道不足，好在牛肉汁味道夠濃。漢堡口感同味道都好似宜家肉丸，算幾好吃的。咖喱焗牛肉飯：炒飯底上面佈滿芝士同牛肉片，牛肉唔鞋，味道都幾好，如果咖哩充足d會更好。士多啤梨朱古力夾餅：點夾餅嘅原因係因為做緊推廣，加上想同另一間同區大熱食肆出品嘅夾餅比較一吓。相比之下，UCC嘅夾餅無咁鬆
喜歡UCC係因為價錢合理，環境亦相對寧靜舒適。
同其他食家一樣，最欣賞佢節日唔會有指定菜單同任何附加收費!!
上年同女友響情人節幫襯都係同平時一樣菜單同收費。
響經營食肆愈來愈艱難嘅銅鑼灣，真係值得支持一吓。
今次點咗：
咖喱焗牛肉飯 @ $77加咗 $35轉成套餐
漢堡奄列飯 @ $86
士多啤梨朱古力夾餅 @ $52
結論：
主菜加$35有湯、沙律吧與飲品，而且只係其中一位轉餐都可以。
UCC主菜算大碟，加上一客”能者多得”的沙律，即使2位男士Share都足以飽餐一頓。
沙律吧材料有菠羅、番茄仔、蜜桃、生菜、吞拿魚、蝴蝶粉、提子乾、Jelly糖、薯仔沙律等
漢堡奄列飯：
奄列飯配牛肉汁，但實際上只是蛋蓋飯，並不是日式的蛋包飯做法。
蛋整得太熟令到好乾，蛋蓋著茄紅飯，但色澤豐富，味道不足，好在牛肉汁味道夠濃。
漢堡口感同味道都好似宜家肉丸，算幾好吃的。
咖喱焗牛肉飯：
炒飯底上面佈滿芝士同牛肉片，牛肉唔鞋，味道都幾好，如果咖哩充足d會更好。
士多啤梨朱古力夾餅：
點夾餅嘅原因係因為做緊推廣，加上想同另一間同區大熱食肆出品嘅夾餅比較一吓。
相比之下，UCC嘅夾餅無咁鬆軟同蛋香味無咁強烈，但比較脆口。味道各有千秋，同樣值得一試。
聲稱用上日本熊本出產嘅士多啤梨，食落無咁甜而帶淡淡的草莓味。但士多啤梨份量有d少，而且上枱時已經夾咗士多啤梨嘅夾餅，好淋。令夾餅變得既無朱古力味，亦無蛋香，兩者相加亦唔覺有咩特別，失敗嘅嘗試。都係普通個兩塊好食d。
環境：店內環境非常整潔，吧枱亦相當寬闊，唔會好似其他食店嘅吧枱坐得咁辛苦，而且吧枱可以睇到水吧沖調各飲品嘅情況，尤其沖調虹吸咖啡。是等食期間非常特別的表演節目啊
服務：
依舊有禮的服務態度，而轉咗套餐，可以叫侍應安排主菜後上，等ko左個餐湯同沙律先上主菜，以免食物放耐咗變涼
张贴
