Up a Notch Homemade Pasta & Pizza (已搬遷) 新店位置

小編私心系列 - 手工意粉❤️我要食盡香港唔同地方嘅手工意粉🥳呢間都開咗一段時間，喺D2 Place一個比較隱蔽d嘅位，唔算好多人，坐得舒服，嘢食都唔算好貴🤪嚟到呢度當然要試吓個手工意粉啦，整得係夠煙韌嘅，但唔算好掛汁，可能醬汁比較少掛🧐醬汁味係番茄味，要讚下個龍蝦係夠新鮮彈牙，肉質唔會韌，食得出濃嘅龍蝦鮮味，好食🥳松露薯條係厚切薯條，正常水準，松露醬係好食嘅，薯條點松露醬真係無得輸！另外叫咗個牛油果帶子塔，賣相係擺得好靚嘅，食落酸酸鹹鹹，好適合做開胃菜😆

朋友推介荔枝角一間做手工意粉非常出色的餐廳，餐廳位於荔枝角D2，今次特別選了是日精選，包括黑松露闊面及雲吞。首先講一下環境，環境非常寬敞，而且有鹿頭裝飾，感覺小清新。餐牌方面也有很多選擇，特別是飲品，令人花多眼亂。田園沙律$78 有各式各樣的沙律菜，整體比較小清新，也有一些Nuts，作為開胃菜非常不錯。忌廉南瓜湯$58南瓜湯味道比較甜，有甘筍的香味，另外蒜蓉包香味十足，也有很多牛油，質素甚高。是日精選黑松露煙肉闊面$128 這是最闊的一種手工面，非常獨特有彈性，而且煙肉也是用了比較脂肪含量高的部位，質感不同，黑松露香味十足。黑松露雲吞$108這種雲吞裏面比較出的是芝士香味，好似一個有一個的太空飛碟，擺盤有趣，加上有些蟲草菇，加添口感和健康。Americano $38雙檸玄米茶$58兩款不同飲品，各有各特色，雙檸玄米茶配搭可以，令成餐飯清新得多。

讚1.食物水準有意外之喜。炸栗米惹味。薄餅既批底好出院，批邊脆，中心煙，芝士濕潤。手做意粉相當滑溜，魷魚爽，明太子醬少辣開胃。連炸雞都炸得幾多汁。雞尾酒都幾有層次，唔會死甜。彈今次既野食又無乜問題

同妹妹去完荔枝角掃貨，好攰，揾間坐得舒服啲的餐廳食個飯。點知行到up a notch，見到牆上特別的塗鴉，就不斷拉住我入去。入到去，店員一見到我帶住小朋友，立即安排我坐到梳化卡座，又立即拎二個cushion俾妹妹墊住，非常貼心。今日得我同妹妹，所以只叫左個凱撒沙律同意粉凱撒沙律$78+煙三文魚$20妹妹都爭住要食個沙律，可能有沙律醬又有不少煙肉碎。Carbonara Spaghetti $108呢個同平時食開既Carbonara有點唔同。平時大多係白汁，但呢個竟然係蛋黃汁，好香既蛋味，撈落個意粉到creamy得黎又唔會太咸。驚蛋黃汁唔夠濃味？唔驚，意粉入面有豬煙肉條，撈起來一起食都夠好味。另外原來佢地既意粉係每日新鮮手做嫁，唔怪得之妹妹食唔停啦

早前在D2 Place發現了新的西餐廳進駐 原來這裡的主廚曾於米芝蓮三星餐廳學藝 難怪食物質素有驚喜🤩這裡除了手工意粉外 還有手工薄餅及原創料理 加上簡約典雅的裝潢 在內用餐份外舒適自在💆🏻‍♀️.餐廳主打手工意粉及薄餅 由廚師每日新鮮製造 魷魚手工幼麵質地煙韌 麵條亦很掛汁 魷魚和明太子忌廉醬配搭得宜🍝 煙豬面肉煎香後鹹香惹味 配搭蛋黃汁烹煮 意粉散發獨特香氣 絕對是味蕾的享受🤤.香港不乏意式餐廳 要成功突圍而出真的需要花點心思 餐廳設計時尚簡約 菜式上亦有不少fusion款式 每道菜都能感受到廚師們的用心製作 加上價錢相對港島的意式餐廳親民 非常推介大家一試👍🏻

第二次黎依間餐廳食，第一次感覺唔錯野食又幾好食。不過今次用餐體驗真係唔係幾愉快，希望餐廳員工可以改善吓d態度啦。首先我地今次book咗枱12:30入座，我地食得快食到1:10左右已經埋好張單。咁諗住坐多一陣就走啦.....(嗰時係total 入咗黎差不多九個字)有個staff行埋黎話”唔該可唔可以快少少，出面有人等緊”，重要係一講完依句野就即走，比時間我地回應都冇，完全冇禮貌😑 都唔知點解要無啦啦受你地氣其實係我地食得快姐，點解要好似搞到我地霸住張枱咁，仲要其實你地如果有d禮貌提醒客人我覺得係ok嘅。你如果有用餐時間麻煩早響，但係我地連d最忙碌嘅餐廳(e.g. 壽司郎60mins) 嘅用餐時間都未過，咁我諗你地真係要檢討吓應該要點樣對客。

同朋友來附近上蛋糕班，7點幾落堂來到D2 place,超多人吖，就搵左呢間餐廳來試下啦！佢標榜自家意粉同pizza‼蘑菇忌廉湯配蒜蓉包：蘑菇忌廉湯入口好濃，好多蘑菇，配埋勁脆勁香蒜蓉包來食，真係勁快飲晒啦，連蒜蓉包都想單點多一份來食吖~牛扒：叫左5成熟岩岩好~牛味好濃，肉好嫩，勁愛再encode,不過d鹽太多，有d鹹。薯條炸到勁脆，又好香薯仔味~明太子墨魚條意粉：成個意粉都勁好食，墨魚條好彈牙，明太子醬好配意粉真係好夾，食到最後連汁都唔放過吖！呢間餐廳每樣出品都好正，下次要再試下佢既另一主打pizza, 見到台台都叫，可惜太飽食唔落啦!

開業了幾個月的小店已薄有名聲,今天就慕名來光顧,店內裝飾簡單而又有特色,尤其門外的一幅壁畫,menu也是十分簡約,選擇並不太多,但這更代表能夠聚焦於他們的拿手小菜。手做pizza當然是必試的,我特別鍾情於芝士,所以叫了一個四色芝士pizza,味道更勝預期,不過regular嘅size略嫌未夠喉。另外更要了一個炭燒豬鞍扒,伴碟也很豐富,當然那個主菜炭燒豬鞍厚身而又肉質香嫩可口剛剛好。另外也點了一些小吃:包括牛油果塔和炸單骨雞翼,整體上食物和環境都很愜意,下次應該待禁聚令放寬,多些人一同來試其他的菜式。

D2 place食肆林立,要造出一條有特色的食路,談何容易。今天是平日的晚上,諗住搵間特色的餐廳撐枱腳,就被這間餐廳的簡約設計吸引著。甫坐下,發覺枱面的碟子圖案也很吸睛。店長已經熱情地介紹今晚的時令特色菜,就隨他建議選了一打藍芝士意大利雲吞,賣相和味道都很滿意,稍謙味道未够濃烈,可能要適應本地客吧!另一前菜就是牛油果他他,很清新,當然這裏主打的手工薄餅不可錯過,也試了他的四式芝士薄餅,很脆口和香氣撲鼻,另外就是他的主打菜式-燒封門柳,一個字-正,建議一定要試。整個晚上在寧靜而又帶著愉快的心情和愛人享受這頓非常滿意的晚餐。

好耐沒有去D2，上openrice睇下有咩好食，見到呢間啲相唔錯，咁啱又想食pizza，就試下，點知就好失望下。首先係星期六午餐時段，呢間餐廳就冇人排隊唔洗等，我地3人一入座就安排張門口嘅枱俾我地，咁我地見到入面仲有枱，咪想轉枱，點知有個侍應就話啲枱俾人book咗，咁無辦法就照坐，坐坐下又有另一條友同我地講可以轉入去，咁fine，但心情已唔多好。講下食物，叫左3個午餐，首先係蕃薯南瓜湯，味道正常。之後係煙肉手工麵，份量極少，又硬，味道普通，條麵係闊，但得個3-4條，真係食完同冇食係冇分別，咁你都收我$148會唔會有啲過份呢？第二道菜係夏威夷牛肉pizza，份量正常，牛肉加菠蘿感覺好港式，作為一間以pizza做主打嘅餐廳，味道普通冇乜驚喜，餅底尚算脆身但overall我覺得好一般，$138價錢合理。第三道係藍芝士雲吞，份量都係唔會食得飽個種，雲吞皮偏厚同硬，入面啲芝士好稀，總之唔好食。加左松露薯條，成餐飯最好食係呢個，份量合理，薯條炸得夠脆，松露醬都好味。餐飲叫左咖啡，夠大杯，但比較苦，尚算正常。最後想講女仔食完成餐飯都係唔飽，男仔真係唔知點。仲有呢間餐廳啲枱好細，我地3人坐4人枱已經叫

位置在荔枝角 D2 Place，即荔枝角站D1 /2 出口附近，很方便。 餐廳就在三樓，做了例行防疫程序後入座，職員專業也好禮貌。沿途看出店主放了不少心思，環境優雅，餐枱、椅、餐牌都有特式。 愛好者不少得點安格斯肉眼扒、Pizza😍先來一個 Homemade pizza - Parma Ham (Reg/$138)with tomato sauce, mozzarella cheese, parma ham, arugula跟朋友共享很適合了！脆脆簿批加上芝士、Parma ham 等材料使食慾大增。 隨後就上Roasted Black Angus Rib Eye Steak (10oz) $208 肉眼扒點了半成熟，肉質厚身而中間呈現鮮嫩粉色，咀嚼更能體會好Juicy，咀嚼也有質感。 Mocha (Hot/ $48)好綿，味道唔錯。Orange and Peach Black Tea (hot/$48)香橙蜜桃紅茶 （熱）這套精美的杯碟能帶給我兩驚喜！ 沒想到配上枕頭搬的杯座很相親呢。 香燈帶出香氣也十足，甜酸度使我refresh 感十足 😎

朋友失業了二年，終於早三個月前終於找到工作，她的公司位於荔枝角，為了慶祝她順便渡過試用期，我就相約她到D2 Place 一期三樓的Up a notch簡單吃頓飯。餐廳裝潢時尚，很適合這裡消費的年齡層。而且很適合二人情侶或朋友來邊談邊吃，而且上菜，都會加分。覺得餐牌很有心思，都是手寫的，很用心亦費時。除了餐牌上的食物店員亦會棒來「是日精選」的大餐牌來介紹，感覺服務不錯。隨之我們點了「是日精選」的《Roasted Black Angus Rib Eye Steak (10oz) $208》選擇了五成熟的安格斯牛扒，廚師亦做得到，切開牛扒可見中間位置半熟，但不至於過生，火喉控制的剛好，碟上灑上了岩鹽及有汁料調味，半碟還有薯條和沙律菜。另外再點了一個Homemade pizza -《Parma Ham (Reg/$138)》餅底薄身香口 長方形的Pizza感覺特別好吃。用上茄醬、mozzarella cheese, 巴馬臣火腿及芝麻菜作配料，豐富又有多重味道。《Mocha (Hot/ $48)覺得這裏飲品的賣相很不錯，用的杯碟都有心思。《Orange and Peach Black Tea

燒封門柳 (10oz)🐂🥩呢個位置既牛本身肉味濃郁又嫩滑😃佢個燒法令到成個牛既味更突出😄同埋好sweet咁幫手切好曬😃同埋佢個燒汁都好夾個牛🤤個薯條都外脆內軟食得出係即炸即上🥳法式油鴨髀🦆雖然佢寫係油髀但係一d都唔油😄😄d肉腍到超易分開肉同骨🦴同埋有2個醬汁所以個層次都好豐富😌😌但係本身個鴨都有香味☺️所以唔加醬汁原汁原味都好食🤣廚師發板雞尾酒🍸叫左一杯cocktail 同一杯mocktail 😇整體2杯都好fresh🤣🤣🤣酸酸甜甜都開胃

今日同friend一齊去咗D2 place行手作市集，行完梗係要搵個地方坐低食下野、傾吓計啦！咁行過間餐廳，見到環境幾靚，價錢又OK，咁就揀咗呢間餐廳啦🤣🤣我哋兩個人叫咗1份牛扒、一個意粉同埋一個小食share，睇落份量唔多，但係兩個女仔食就啱啱好！牛扒我哋揀咗肉眼（五成熟），塊扒有我塊面咁大😍😍肉汁鮮嫩，伴碟嘅薯條又炸得啱啱好，非常唔錯！意粉我哋揀咗野菌忌廉汁配自家製闊面，個汁調得唔錯，唔會太漏！小食我哋揀咗水牛城蛋骨雞翼，辣辣地，非常惹味😍😍呢度食物水準唔錯，環境OK，適合幾個朋友坐低傾偈，下次有機會一定要再黎試吓！

D2 place近年愈黎愈多gimmick，而且各式各樣既餐廳都愈開愈多，今日同朋友黎左up a notch，係一間有自家製手工麵既特色西餐廳餐廳環境夠寬敞，而且整個格調都令人感覺舒服田園沙律雖然加左黑醋，但有鮮甜既菠蘿中和返，非常清新既開胃菜忌廉南瓜湯香甜creamy既南瓜湯，配上極出色既牛油蒜蓉包。牛油蒜蓉包絕對值得另外再單點！黑松露雲吞係餐廳既signature之一，手工製既麵皮，包有黑松露餡既意式雲吞。連埋松草花放入口更有雙重口感。黑松露煙肉闊面$128闊麵而係自家製，比一般市面上見到既更闊，而且口感更煙韌。配上炒香左既豬面肉，入口特別香。加上creamy松露醬汁，非常惹味仲有好多唔同款式嘅特色飲品，質素唔錯！