What The Food Cafe (已結業)

駕駛、遊車河必食～工廈幫邊有一個很大的咪表停車場，非常方便拍車。光顧5次以上，每次都會點鰻魚飯～其他食物，burger、意粉都不錯的，可以放心試。屬於非常有誠意的工廈cafe，值得推薦。鰻魚飯好味～88第一次吃的時候覺得很驚艷。蛋分量好多，起碼有4隻蛋，蛋汁滑滑的，好香蛋味～鰻魚今次烤得太黑，但味道不錯。一個人吃分量有點多，可以share更好。唯一失色是裡面的飯，顏色很深，但味道卻很淡。海鹽咖啡很香～套餐配麵包及羅宋湯羅宋湯很出色，足料，可以吃到大粒牛肉，辣辣的，很開胃♥️一個人的悠閒晚飯，覺得很滿足。

星期三夜晚帶埋BB同朋友一齊去食晚飯，其實係之前係FB見到段片，介紹佢個鰻魚蛋包飯好吸引，所以特登去試🤤其實如果唔係老公揸車，我應該未必會去，因為要帶住BB，仲要地點唔太方便😅火車站行去大概十五至二十分鐘，而且係全露天ge情況，仲要係夏天😅不過對於一大班朋友咁去黎講，成班friend 行下傾下計，應該問題不大🙆🏻‍♀️好！入正題！首先，個餐包好好食😂好香、夠熱、鬆軟、仲有少少甜。平時食西餐我係唔會食個餐包ge，因為我食完個包，再飲埋湯就會食唔哂個正餐🤦🏻‍♀️但食次我成哂成個🥺可能你會覺得我好誇張，但真係好好味🥺而我係已經食完飯之後，再食多半個🤦🏻‍♀️而我亦有問同行ge朋友，大家都覺得個包係自家制ge😋第一味上ge就係今晚最想試ge鰻魚蛋包飯，相中ge鰻魚無我係短片見ge咁長，原來因爲原條鰻魚係要加$28🤔咁加唔加就大家自行決定啦🤷🏻‍♀️但整體黎講個蛋包飯係好好味ge，蛋好滑，飯有鰻魚汁，但條鰻魚我認為係買現成加熱，但整體都好好食😋👍🏻豬仔骨，好入味、夠”林”唔”鞋”口、唔會有渣、肉唔痴骨👍🏻朋友都讚好味，只係我覺得芥末味重左少少(應該係我自己問題)雖然影相賣相好似差左少少，但佢係好味ge

今日同兩個朋友去咗一間喺粉嶺嘅隱世美食餐廳，間餐廳喺工業村裏面嘅工廠大廈一樓，不過原來要話自己係果凍大廈員工先可以入去食嘢架。我哋三個人總共嗌咗三樣嘢，分別係小食拼盤、蒲燒鰻魚蛋包飯同埋黑松露野菌芝士薄餅。先講呢個小食拼盤啦，上到嚟嘅時候我哋都嚇親呀，因為真係好大份呀。我其實都炸得幾好味，又唔算好油，不過略嫌成班都係揸出嚟嘅好似有啲熱氣咁囉，但係佢真係大分到我哋三個人加埋都食唔晒呀之後就係蒲燒鰻魚蛋包飯，原來呢個飯係喺呢間餐廳必嗌架！個人覺得好好味，而且好足料，推薦大家都食呢個。最後就係黑松露野菌pizza啦，真係估你唔到呀，真係好好味，而且好香黑松露味啊，而佢個底又唔會太厚，所以咬落去都有脆脆地嘅感覺，正！

見朋友影既menu好似幾得意無論圖片定食品個名都幾有趣所以就特登去幫襯下粉嶺既工廈。。 一啲都唔就腳！喺一個話自己係鄰近既巴士站落左車就一路行大概十至十五分鐘到 工廈個名唔太明顯 周圍又差唔多樣 所以都有啲難度好啦去到呢道食字既牆 右手邊就係入口啦去到大概兩點半左右 叫左三樣野食 唔知係咪三個主食所以跟左三個湯同包湯係傳統羅宋湯 唔稀 有牛 少辣包就略嫌唔夠軟身 應該烘返熱少少會好啲見到有得叫pizza 就好想食 結果又好食薄pizza 係好食既打圈既千島醬一黎靚 二黎唔會令pizza 太乾身個邊夠脆 但可能火力太足 有部分位置係燶左但少少炭邊都有種風味😂不過上左年紀都會覺得熱氣左啲鰻魚蛋包飯蛋包飯做到少少流心效果最上層係鰻魚啦 第二層係蛋包飯圍邊既係蛋汁 上面就係鰻魚汁整體唔覺好大碟 但食落會覺得漏可能有用奶或者忌廉之類整都好食既 同一定會飽叫左個burger 係配薯角 個包睇落都係脹卜卜但都係烘到有啲乾同脆身 成件事對個上年紀既人黎計都熱氣得濟最後係野飲 一個洛神花山楂梳打味唔重 但唔太討好 配茶應該就正路得多一個檸檬梳打 冇咩好彈同讚 就係正常野一個接骨木花西柚梳打係小時候食既某

同老婆下午走左入粉嶺見客，本來以為係市中心地方😄點知個幢大廈好鬼山旯旮😅見完客搜尋下有乜地方可以醫下個肚，點知同一幢大廈竟然有間cafe個名仲好攪鬼下，咁就一於去試吓

老實講，如果唔係朋友生日，我係唔會山長水遠走入粉嶺工業區食下午茶！好彩有驚喜，食物質素真係唔錯！由於我地3點先去到，基本上等於包場，得我地呢枱（可能始終地點比較偏遠）所以都好快有得食，唔洗點等！環境氣氛都唔錯，可惜背光好嚴重，所以影相唔夠光，連朋友個樣都睇唔清如果唔係咁遠的話，都會再黎幫襯的

當晚人少少環境好安靜 我同朋友兩人去晚餐邊食邊傾計 慢慢坐咗好耐鰻魚蛋包飯鰻魚香甜 蛋唔算好滑 但整體都唔錯明太子意粉擔擔蟹籽 濃香鮮味 但較乾身焦糖脆脆拿鐵焦糖脆脆好出色！又脆又香！美中不足係今次用咗鐵杯裝炸薯角.整體食物一般 沒有特別驚喜旨在坐得舒服 係粉嶺黎講算係高質

雖然我住喺粉嶺，但係好少喺附近食嘢，朋友介紹呢間位於粉嶺工業大廈嘅呢間人世隱世餐廳，係少有嘅粉嶺美食。星期六嘅晏晝嚟到都要等一陣位，建議預先book咗會更好。店舖嘅裝修好特別，而且仲有啲棋類，可以比一大班人嚟呢度開party，但我當日所見比較多散客。講返嘢食，我叫咗個意大利鴨髀飯，加錢轉左越南咖啡。第一次飲越南咖啡覺得好得意，上面到咗熱水，中間係咖啡粉，一滴滴咁滴落嚟，下面果層會有煉奶，但係感覺有啲甜，都仲係好飲好特別！個鴨髀飯真係不得了，炸髀好林申，食得出佢應該好多功夫，連個飯都充滿着鴨髀嘅油香味，好食，夠晒飽！下次會再嚟幫襯😋支持粉嶺嘅美食

粉嶺唔少人都覺得係美食沙漠，除咗火車站同華明商場嘅連鎖食肆，最近都要到上水先叫有啖好食！但原來距離粉嶺火車站差唔多 10分鐘步行距離嘅工業大廈內仲有一間滄海遺珠！今次我 依莉詩 就去咗呢間慢活cafe，hea足成個下晝喇！和風 Fusion 菜CP值高「What The Food」呢個餐廳名已經夠搞鬼，連 Menu 都加咗唔少急口令同港產片金句，睇完會令人會心微笑。而菜式就主打 Fusion菜，當中嘅花生醬煙肉芝芝牛肉漢堡就鹹中帶甜，好衝激味蕾！另外仲有麻辣食雞有雞味燉飯、泰國風味冬蔭公意粉 同 蒜香辣肉腸沙茶風味比薩都非常特別。而飲品方式唔單止有越南滴滴咖啡，仲有補脾養血紅棗桂圓茶等多款養生茶。如果唔飲咖啡，都有一系列「無啡」Latte 可以揀，都幾多元化。蒲燒蛋包飯係呢度嘅招牌菜。原條肥美嘅蒲燒鰻魚，甜度適中唔膩，日本蛋蛋香十足，煎得啱啱好，又厚又滑，再配埋珍珠米炒飯同木魚花紫菜，好有日式風味！花生醬煙肉芝芝牛肉漢堡亦都份量十足，一啖咬落去花生醬同肉汁勁澎湃，加埋煙肉增加鹹度，鹹中帶甜，好衝激味蕾！花生醬嘅粒粒同煙肉嘅脆亦增加唔少口感，食半個都己經好飽！套餐包嘅羅宋湯同新鮮麥包都好

藍妹提過幾鐘意食蛋包飯，同事推介我食粉嶺既呢間蛋包飯。粉嶺近近地竟然有間蛋包飯未試過，當然要狗衝去啦。😁果到9點就關，好早就last order，所以想去要自己留意時間。即使住附近，但果到真係幾格攝，冇車其實幾難去到。😂—「WTF」，「What The Food Cafe」，幾鐘意佢呢個玩字既Gimmick。Menu好有趣，用圖好得意，仔細睇下佢啲菜式名，幾搞笑嫁。😆—杯都係自己既Logo，加分。—招牌蒲燒鰻魚超級滑蛋包飯個賣相唔錯啵，鰻魚唔係食過最大條既，不過都算OK，厚身既，不過好似特別多細骨。😣蛋包飯最緊要既一定係滑蛋，呢個滑蛋好正，非常滑！蛋味突出，佢加左少少甜豉油，甜甜地更正。🤤男朋友好欣賞佢既飯唔係白飯，佢係炒飯，而且落左麻油，超級香。😍—無敵拿破崙一世香腸長通粉平時多數食卡邦尼，好少食拿破崙，藍妹發現都係鐘意食蕃茄既拿破崙多啲，酸酸地非常開胃。😆炒得幾乾身，不過長通粉每條依然掛住左啲汁。男朋友話通常拿破崙都會用辣肉腸呢啲比較重味既腸，但呢間只係用普通腸仔，實在失色。😞—兩個人食個晚餐，都唔算貴既。蛋包飯係值既，但係拿破崙就差左少少啦。

星期六加完班諗住返屋企食飯，點知屋企人打黎話佢地出左街，咁橫掂都係啦，就約同事一齊過隔離大廈食埋晚飯先返去囉。因為好近，所以成日過黎WTF食，lunch time可能人多，漏單情況都幾嚴重。今日食晚餐又有驚喜喎，出品快之餘仲擺盤靚靚，不愧係粉嶺排名第一的打卡熱點，有賣相又好味，價錢不貴份量又大，加上玩味性質的裝修，實在係粉嶺難得一見。唔講咁多廢話，即刻去相睇下食左咩啦。晚餐出左新餐牌，靚左，食物款式多左，價錢就無乜變。睇左一陣餐牌，決定要主食加甜品，放假對自己好啲嘛。主食有餐湯同餐包送，餐包微暖軟身，帶黑糖味香口又好食。餐湯就係WTF嘅招牌羅宋湯，足料味濃，酸酸地夠開胃。非一般creamy明太子忌廉意粉（$84）主食方面，自己揀左食意粉，上枱時好香啊。黎個top shot先，份量都幾大㗎。果然如餐牌名咁好creamy㗎，每條意粉都黏住忌廉汁，仲有好多明太子同木魚絲，鹹鹹地幾好味。麻辣食雞有雞味燉飯（$82）同事揀左食飯，要左呢個中西合璧嘅麻辣手撕雞意大利飯。賣相精緻，雞同飯的份量都不少。飯軟腍吸飽湯汁夠香口，雞絲辣辣地好惹味，兩樣加埋一齊都幾夾喎。海鹽焦糖脆脆鮮奶（+$20）跟主食飲品

-有同事講過粉嶺呢有間唔錯嘅工廈cafe☕， 環境唔錯、嘢食ok， 既然放假就入新界行一圈🚗，順便食好西😋。門口入去已經夠曬 colorful🌈又有愛麗絲😍睇住嘅 Board Games CornerWTF秘利制醬燒蠢豬豬🐷肋骨（$98）［配薯菜］醬汁甜酸度 + 少少辣好惹味，賣相、口感和肉質都不錯。 配埋薯角🥔🍟perfect。來自美國西冷牛排🐂記得揀幾成熟 ［配意粉］8安士 （$118）我揀咗 6成熟，肉質嫩滑 + 牛排厚身 + 大件，2個人開心share 啱哂。意粉🍝連醬汁好味。無敵羅宋湯羅宋湯果然無敵，配料十足👍。加埋熱辣辣嘅包🥖，可以點煮啲湯食。跟餐飲品有半價，抵！！黑糖鮮奶🍼 （$38 > $17）黑糖味濃郁，甜度適中。玫瑰🌹山楂茶梳打 （$44 > $22）山楂酸甜，玫瑰清香。啱哂夏天☀️飲，絕對可以解暑止渴。比利時窩FU伴雪GO🍨 （$42）好少見有豆腐味嘅雪糕，試下先。配埋朱古力🍫窩夫， 唔等喇，即食。我坐呢個位幾正，一路食一路對住出面翠綠嘅草原🌳🌳。環境舒適，場內佈置別具心思。同事果然冇介紹錯嘅好地方👍。=============What the fo

這間位於粉嶺「業豐街」工廈一樓的食店「What The Food」，雖然跟沒有任何直接關係，但是「What The Food」所在工廈旁邊那幢工廈，偏偏就是我腦中風入院前上班工作的公司，現在辦公室所在的地方。我現在已經忘記了，六年前沒有在「腦中風」這場飛來橫禍之前，有否跟隨過以前上班的公司同事搬到粉嶺上班，然後可能曾經幫襯過「What The Food」這間餐廳，食了「What The Food」的美食。連同上次手提電話未報銷之前，拿着電話光顧「What The Food」的經驗，我現在已經是第二次來到粉嶺，第二次上門光顧「What The Food」，我兩次光顧都是食了同一款的食品。那款食品就是「花生醬漢堡包」，雖然「花生醬漢堡包」在香港島裡面的著名大廈，大廈樓上某間知名牛肉漢堡包快餐店裡面，也是有名的秘密餐點，要直接向收銀店員要求才能吃到。但是我暫時未食過，那間中環高級漢堡包快餐店裡面的秘密餐牌食品「花生醬漢堡包」，反而我提早在粉嶺工廈樓上餐廳「What The Food」裡面，食了人生第一個「花生醬漢堡包」。我抱着一股，對前工作崗位仍然擁有懷念感情，光顧開在前工作崗位旁邊，工廠大

一家大細 冒住雨去食。 有d失望lor首先去到其實服務就真係冇乜㗎喇， 水都唔會畀一杯你…… 要叫兩三次先勉強畀你……野食方面:#湯好飲個包係熱嘅# 招牌鰻魚飯…… 分量都足夠， 但味道就一般， 冇啲人講到咁非食不可……# 威靈頓牛柳…… 呢個就真係中伏舊牛肉完全係乾爭爭冇汁冇味…… 淨係食到少少鴨肝醬味…… 舊牛肉好似係隔夜燒定， 但又賣唔去…… 第二日再匀返熱賣果隻…… 求其包塊酥皮上去…… 焗一焗就去…… 簡直不知所謂……# 飲品方面係中規中矩·# 想叫定甜品話食完先起…… 店員都話唔得， 即叫就要即上…… 大佬呀你係咪做生意㗎……可能上水粉嶺，真係無咩有質數食店…… 所以呢間店，先被捧上神枱！！老實講呢個價錢，加埋呢個地點……及呢啲咁嘅質素...大家真係未必特登入去呢度食。。。

夜晚同老婆去睇戲，諗住睇之前食個早Dinner，上網搵到呢間cafe既鰻魚蛋包飯唔少人話好食。門前面條走廊已經好有特色，有唔少卡通公仔喺牆上面。新鮮麥包，個包仲熱辣辣，好軟熟。羅宋湯，唔會稀框框咁，味道好香好濃，而且辣辣地幾好飲。黑色狂牛，以前飲開黑牛都係可樂加朱古力雪糕，但呢杯狂牛就加埋咖啡做底，飲落都唔錯。WTF水果茶，個果汁底唔係好甜幾好飲，仲有唔少果肉，上面加左啲花聞落好清新。軟殼蟹Pizza，餅底好薄，邊脆內軟，而軟殼蟹炸到好香，少少腍好易咬。蒲燒鰻魚蛋包飯，黎既主要目的就係想食呢個飯。鰻魚唔算大塊，但啲肉就幾厚，而且用埋鰻魚汁燒更加香。滑蛋唔係全熟所以好嫩滑，好濃既蛋香味。而飯就係珍珠米用鰻魚汁炒，所以入味。