Wheatfield X 羅宋湯專門店 (已結業)

平時都間中都去食，見有優惠食多次先。味道保持水準，温度冇問題。有機會多d去呢間食。This restaurant I visited quite often. Now they have to-go offer and it make me pay extra visit. Food is still good and the to-go pack keep the dishes warm. Definitely will try again.

中環行行下肚仔餓 咦 有間自稱羅宋湯專門店好似好好味咁 當我起玻璃窗外睇緊menu鋪內既姨姨就好熱情咁邀請我入去試下 好好食架見佢咁有信心 就試下佢講有幾好食入到去睇到 真係好多選擇同配搭即係出現左選擇困難症然後個呀姨好明顯見到我唔知簡咩好佢介紹左個全新推介menu裡面既師傳秘製撈麪好好 然後就叫呢個一睇到個湯好吸引 個麵完全俾我忽略急不及待 即刻一不而飲 佢個湯原來係用牛腩煲既 牛腩煮到軟淋 肉質仲係好得 絕對唔係湯齋咁簡單 配埋湯既甜酸雜菜煮成既精華成為一個好味湯湯真係唔怪得佢叫羅宋湯專門店 真係好味 店員果然無叫錯我入黎 真係好介紹呀至於被我忽略左既麪係類近蔥油麪 簡單講講佢個味道同麪質兩方面 食落好似k字頭個隻蔥油拌麵咁 都好食 不過真係俾羅宋湯搶曬招點

直都有同事推薦呢間主打羅宋湯的餐廳，今日午飯時間特意過來試下，點咗個B餐，揀咗牛腩羅宋湯同埋一個澳洲肉眼脆豬仔包，牛腩味好濃，個湯一上枱就聞到了，裡面配料好多，而且煮得非常軟熟了，牛腩好腍身，湯底加上小小牛腩味道好好味，豬仔包份量唔細，味道都唔錯，真係好香脆。

Openrice 推廣自取午餐,加埋Mastercard優惠使用,原價$110嘅套餐,Openrice做推廣$68,再用Mastercard埋單再平$30蚊,今日個Lunch只係用佐38蚊,係中環區嚟講簡直係沙漠中嘅清泉。講番今日嘅套餐份量足夠,唔會因為平佐而用料不足,以羅宋湯出名嘅Wheatfield,真係冇浪得虛名,味道口感十足非一般餐廳比較,飲完係想繼續再飲,另外個豬扒包,包香脆生菜蕃茄新鮮,豬扒亦相當淋,細食嘅女仔食半個巳經飽,總括嚟講呢個係超值午餐之選。

Lunch有時都諗唔到食咩好，唯有睇下Openrice 中環有咩好食，睇睇下發現呢間主打羅宋湯嘅餐廳。一向都好鍾意飲羅宋湯嘅我，今日lunch一於尼試下。我同個同事大約12:45pm到，唔洗等位就有位（隔離嘅太興排晒長龍）。餐廳食物唔算多選擇，就係呢兩頁餐牌。其中呢一頁有一半係早餐同下午茶。我點左羅宋湯加咸牛脷豬仔包，再加左星期三嘅小食糖心蛋。羅宋湯好味，夠濃咸牛脷豬仔包就不過不失啦。而糖心蛋都好味同事點左個羅宋湯螺絲粉，加餐包。佢話兩樣都好味整體尼講，食物質素同味道幾好嘅，會再光顧。但呢個價錢，我期望個湯宋湯會係再大碗d多料d，所以亦都解釋到點解lunch嘅繁忙時間都仲有吉位。

一直都聽聞呢到既羅宋湯出名，終於都有機會來試。 Menu 主要都係吾同款式既羅宋湯配麵/ 餐包。鐘意試新野既我，最後叫左佢新推介既羅宋湯配上海撈面，聽個名已經感覺好fusion 牛腩羅宋湯：平時食飯既羅宋餐湯都係細細碗，來專門店食大大碗都係第一次，好足料好多菜，牛又夠大件，一個字：正！ **d牛沈曬底，張相影吾到，其實佢真係好多料架 撈面： 揀左上海面。未食之前都有d後悔揀左上海面，因為擔心口感太 heavy。但食既時候，意外地一d膩既口感都無，面質又吾會太軟，軟硬度岩岩好 $60-70 一碗湯配個餐飽/ 面，抵吾抵食，性價比高吾高，就真係見人見智。但鐘意食羅宋湯又未食過呢間既都可前來一試

中環食野選擇本身唔係太多，唔想食嚟食去都係大型連鎖茶記，就諗住試下新野，見到e間野叫羅宋湯專門店，就想入去試下，因為本身都幾鐘意飲羅宋湯！佢有唔同配塔嘅，可以叫一個湯底再加一個粉或飯，但好可式嘅係配螺絲粉要加錢，真係無諗過，因為覺得通粉螺絲粉e d係好基本嘅粉類。 於是，就揀咗個套餐，有杯野飲同薯仔沙律，個人覺得份量可以多份少少，因為個湯同沙律都幾細碗下。e個就係招牌羅宋湯，有得揀豬或牛，係幾好味嘅，因為好濃！跟住仲叫咗個紅菜頭湯底配拉麵，e個比較特別，清清地，幾健康。

落中環食lunch，呢間主打羅宋湯底嘅餐廳係我最喜歡嘅餐廳之一。今日叫左一個羅宋湯牛腩烏冬，羅宋湯好足料，好濃味同足料，牛腩都好腍，湯又夠熱，好好味，令人想一試再試。

平時喺街飲羅宋湯都係以餐湯形式，今次呢間店就以羅宋湯做主打，感覺幾吸引，所以叫左碗嚟食。豬骨羅宋湯烏冬 $62隔離左右都叫左羅宋湯烏冬食，羅宋湯味幾濃，有少少辣，我唔係特別食得辣都接受到。仲有三塊豬脾肉，有啲肥膏所以好香口。烏冬就自家手打，幾彈牙，浸耐啲連湯一齊食好好食。份量適中，一個人食飲哂啲湯先夠飽，如果多啲烏冬就好。

大半年前已經發現有呢間羅宋湯專門店晌公司附近，但諗住好似一般茶餐廳既質素，茄膏水加兩粒西芹三粒紅蘿蔔溶哂既薯仔同埋鞋到痴牙既牛腩粒仔，所以就算我超鍾意飲羅宋湯都無衝動去試。直到今日lunch time既時候，睇吓 open rice搵靈感，居然見到呢間店評價頗高喎～！好！就俾次機會試試佢～！由order 到拎走，只係三分鐘左右，可能因為過咗 2pm 店內得一個食客，所以極度快手。外賣 packing非常企理，返到office 一打開個蓋以為阿姐唔記得放湯所以咁快手，點知睇真d，有個貼心位～原來外賣盒分咗上下兩層，我 order牛腩羅宋湯配螺絲粉，上層膠兜放粉，下層放湯，唔怕浸冧哂d粉，一撈個湯，omg, 有成5，6舊大大舊既牛腩，仲要煲得好冧，個湯非常濃郁，但如果平時食開清淡可能會嫌佢咸，我重口味之人覺得正喎～！另外檸檬茶個茶底都 ok, 唔苦澀～店內乾淨企理，整體有85分，係會回頭既食店。

終於嚟到試羅宋湯專門店啦！ lunch time 都幾full~~ 我地都係叫左豬骨羅宋湯跟麵，上海麵同羅安湯好夾😛 麵比較吸湯，飲落好濃嘅番茄味，但唔係茄膏味的😋😋 而且叉燒都幾腍，食落唔會好肥😀 湯有好多好多蔬菜，所以食哂真心飽！另外牛腩嘅又另一個味，牛肉味十足，好足料！ #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn#

這裡平日午餐時間不用等位，而且有「面壁位」，是一個人獨食的好去處。因為只為羅宋湯而來，加上怕配甜餐包會不飽肚，所以選擇了基本款：海派牛腩羅宋湯配螺絲粉。什麼是海派？在這裡，港式茶餐廳的羅宋湯稱為海派羅宋湯，而傳統羅宋湯則稱為健怡紅菜頭湯。當然，這裡也會提供俄式清雞湯和海派羅宋豬骨湯底，是不吃牛肉的人士另一種選擇。主角華麗登場，羅宋湯是小時候在茶餐廳喝到的感覺，但味道更濃郁，配料豐富，加上一點牛腩的香味，剎那間童年的回憶都浮現了。從圖片看起來，這碗羅宋湯螺絲粉更像是東北大亂燉，賣相麻麻，但用料很足。個人比較喜歡紅蘿蔔、牛肉等配料切成一大塊，吃起來帶點口感。牛腩燉得軟卻不爛，雖然略韌了些。畢竟是羅宋湯專門店，對牛腩要求不應該太高。要不是定價略高，真的很推薦各羅宋湯迷來一試。

呢個週末一早就起身,要陪阿肥嚟中環簽文件同埋去百年唱錢,再等佢去埋銀行搞手續嘅時候,肚子餓到咕咕叫嘅我又點可以唔上openrice度搵下附近有咩好嘢食呢!本來我都環繞住搵一啲比較類像all day breakfast嘅店舖嘅,不過搵搵下又俾我𥄫到呢度竟然有一間係「羅宋湯專門店」啵,阿肥知道咗之後二話不說就唔理咁多即刻衝過去,不過就真係好近呀,離開銀行之後兩條街就到。基於佢係地舖嚟,所以路痴都應該唔會搵錯XD不過嚟到嘅時候都有少少驚訝,因為佢哋門面都非常樸素,同我心目中嘅「專門店」係唔同樣嘅,裡面嘅人客亦唔係好多,好似快餐店型式咁,自己鍾意坐邊度都得。同阿肥坐低咗之後就睇下餐牌有咩揀,好彩都唔係太多選擇,好容易就揀到心頭之好啦!真係好餓呀~我哋各自都嗌咗一個餐,阿肥仲嗌多樣小食添,今次嘅體驗感覺好好,真係要同大家分享一下。Set B-淨海派牛腩羅宋湯+燒澳洲肉眼脆豬仔包($88蚊)：呢份係阿肥叫嘅,佢嚟嘅目的就係羅宋湯,當然就係叫番個牛腩羅宋湯喇~就咁睇碗湯好似冇乜特別,同普遍嘅都係差唔多樣姐,又有幾「專門」呢(?!)阿肥試咗幾啖之後就牛咁眼咁望住我,我話：「做咩呀?唔好味呀?」佢竟然係

今日lunch點左牛腩羅宋湯配上海麵。整體上都ok既，而份量都算多。呢間都算係一間比較新穎少少既餐廳同有好多種唔同配搭。如果係本身食開以前港式羅宋湯，鍾意食濃味d同辣就可能會有少少失望啦。佢個湯的確比較淡味，而且配上海麵又俾d麵吸哂d湯，所以如果真係要食，強烈建議湯同麵分開。到講價錢啦，我自己覺得佢其實係比較偏貴左少少60幾蚊一碗麵又要另外加8蚊加餐飲，成個餐要70幾蚊老實講唔係太低食。到服務，呢間野就俾我感覺似係d半自助型式，地方都算係乾淨。整體其實都唔錯既，只係偏貴左少少。

叫了兩次早餐外賣。店員有禮殷勤。湯足料好味，少少偏甜。我成日都想去.. 但店位處嗰條街太多白鴿喺頭頂飛來飛去，我好驚D白鴿，所以至今不敢再去...........