Wheatfield X 羅宋湯專門店 (已結業)

今日我到中環上培訓課程，聽說中環街市對面有間俄式海派羅宋湯最近很紅，我想上課前應該可以吃一碗吧。中午1點去到，瘋狂的人龍，想到食物有一定水準才有那麼多人排隊, 就等一下吧! 還好, 食客都很識做, 食完就離開讓位給在等候的人, 大概10-15分鐘後，就輪到我啦! 哈哈～ 雖然餐廳細細, 夾雜些嘈雜聲, 但是我一坐低就隱約聽到背後傳來音樂聲, 立刻令我剛剛在等位時候的焦慮一掃而空。看到好特別的餐紙, 需要些時間閱讀, 好彩有位著制服先生好似知道我唔識落’柯打’主動行過黎好有禮貌問需要幫忙嗎? 經佢講解之後原來好容易就’清楚明白’喇! 來到這裡當然要試下主打’海派牛腩羅宋湯’跟上海麵. 另外經制服先生介紹叫左唐沁蛋同蝦多士飲奶茶. 因為只有我1個怕食唔晒唔好浪費, 最多下次再黎幫襯過. WOW！WOW！WOW！湯好濃好好味, 牛腩諗得黎彈口, 制服先生話d湯係骨湯淆出黎, 所以味道同一般係出面飲會好大分別. 又唔會口渴即係無加味精啦! 唐沁蛋一定唔可以錯過, 我1年最少去2次日本, 仲比美過係日本食, 蝦多士有蝦鮮味, 多士好脆, 真係唔知點可以保持脆卜卜. 奶茶由我小學已經開

主打羅宋湯真心好味，湯底味道十足 ，加埋上海麵個配搭好特別，食完飲埋碗湯飽晒。紅菜頭湯味道比起羅宋湯清，但紅菜頭清甜味依然重，唔錯。 加配兩塊燒豬髀肉，唔錯。半熟溏心蛋亦非常入味，一定要記得加蛋！喜歡食牛脷嘅人可以追加個牛脷粒，牛脷味道醃得幾好，好香口！鋪頭設計都好特別，車廂嘅設計靚，坐落都舒服。一定會再嚟試下其他湯底+配菜！

路過見到有新嘢咪試吓囉..原來主打羅宋湯, 套餐選擇不算多, 只有兩個, 如果好似我咁覺得唔多啱心水, 咁就可以自由配搭, 基本麵食$58起跳, 我就揀咗豬骨羅宋湯上海麵再加$22小食秘製炸雞翼.羅宋湯味道都香濃帶點點胡椒辣味, 我估都係大量疏菜加茄膏煲成, 同自己比心機煲嘅味道相似, 燒豬髀肉有兩大薄片, 味道幾好, 不過就乾身”鞋”口咗D, 上海麵麵質都算OK, 唔會好腍. 至於秘製炸雞翼就無咩意外驚喜, 有D香草味咁, 炸得非常脆咁啦.因為已經要成$80, 所以就無叫嘢飲啦..眼見佢店員都有成7-8個, 座位大約40個啦..所以服務得都算好, 不過如果要水就要同佢講, 唔會主動比客. 另外呢度最低消費$46, 其實呢度都唔算平, 以我今餐$80計, 講真呢個價位中環都仲有好多選擇, 我都知生意難做, 不過要KEEP到可能食物水準要有D突破先得啦! 

一行三個西裝友，行過見到有人排隊，就胆粗粗入去試下🤓 12點40分到，等咗5、6分鐘有位，等位仲其間有位哥仔出來介紹一下食乜，態度親切。店地方不大，但三名西裝友排排坐都唔覺迫，地方同餐具都乾淨✨，開心點餐去。1. 羅宋湯，味夠濃，料夠多👍🏼👍🏼有一位鐘意再辣少少，加完Tabasco source 就剛剛好。2. 蝦多士，乾身，鬆脆，唔油膩。一碟2件，每件一口嘅Size，fit 晒。3. 半熟蛋，正👍🏼👍🏼👍🏼有流心，仲有絲絲花雕味(唔知係咪)，技術同意境水平好高😌4. 餐飽，面有少少脆，又夠鬆軟，夠誠意。好食固然重要，其實餐廳服務都好好，店員友善，效率又高😊下次一定再嚟👍🏼要試下其他小菜色，因爲湯加麵其實都好夠飽肚😋😋😋

而家到外面食野，最重要已經唔係食物味道，要求既，係食物夠新鮮熱辣！因為如果一樣食物唔夠熱，就算幾好味都會減一定分數。呢間Wheatfield X新嘗試，果然有新驚喜。舖頭好乾淨，侍應們都非常有禮貌，應該加以鼓勵！點了招牌菜海派牛腩羅宋湯上海麵，加個而家好少見的廣東小食蝦多士。仲有個雜菜，好有驚喜，因為係好惹味嘅雜菌加絲瓜，一分錢一分貨！好夠熱同新鮮！喝完成碗湯都不會覺得咸或口渴，仲有，最重要既係杯奶茶！非常濃烈的茶味，一問之下，原來係正宗的絲襪奶茶 

平日係中環番工,午餐都係食開茶餐廳、快餐等。呢兩日見到呢間新開嘅食店，裝修又新㯋，即刻入去試下！原來呢間Wheatfield X 已經係第二間分店，門口仲有呢間餐廳嘅起源同簡介：我鐘意個menu 夠簡潔同有幾種不同湯底可以選擇！仲可以配唔同配菜，有啲似西式車仔麵咁!今次我就試左招牌羅宋湯配上海麵，另加魚柳塊同炒雜菜。羅宋湯真係好香濃，我直情將成個湯底飲曬！魚塊亦都好大件同好滑，好襯個湯底。而上海麵因爲吸左個湯底啲汁，加上麵質彈牙，諗唔到會咁夾咁好食另外個炒雜菜亦都好驚喜，估唔到係用雜菇同翠玉瓜加車厘茄，炒得好香口總結，所有食物質素都比預期高！而重點一提，啲待應嘅服務態度出其地好，除了會細心介紹食物外，食完嘅時候亦會問下你對食物嘅意見同有咩改善嘅地方！真係好surprise 睇黎以後Wheatfield X 將會成為我嘅中環飯堂啦下次要再黎試埋其他湯底同配菜至得！

由細到大都好鍾意飲紅湯，覺得紅湯比人一種兒時味道，100% comfort food，所以食親港式西餐都一定叫紅湯同埋要跟餐包所以當我經過見到新店Wheatfield X寫明Borsche & Noodles, 正正主打系我最愛嘅羅宋湯，就知道一定要去試下。我叫左最傳統海派牛腩羅宋湯，配上海麵，Topping加溏心蛋－半熟流心剛剛好，好味！羅宋湯牛腩番茄味道夠，仲帶有傳統輕輕嘅辣味，堅正。 Side dish叫左個薯仔沙律，足料鋪頭設計理念系似地鐵車廂，餐牌都似地鐵路線圖，相當有feel。羅宋湯不嬲飲極唔厭，而家徐左配餐包，WHEATFIELD X可以試到唔同口味－豬骨再可以加上海麵，拉麵，西式意粉，仲有種種吾同配菜等吾切再去試多次啦！

A newly opened restaurant with modern deco in central. Excellent service and food. I tried the Russian Borsch soup with linguini. Adding Soft boil egg, roast beef and prawn toast. The roast beef is huge, soup is so tasty with lots of beef stew and fresh veg. , soft boil egg is cooked just right. Prawn toast is crispy and yummy. I will definitely come again.

今日天氣忽然轉冷，中午時分走在中環街頭，突然一位侍應遞過來一張傳單，侍應說店內有熱辣辣嘅羅宋湯，正值飢寒交迫，二話不說就走進店內。餐廳新淨企理，裝修走簡約路線，以灰色、白色作為主調，感覺舒服。桌子上放著點餐紙最基本係一碗湯麵，另外可以加餸/小食/餐飲，豐儉由人我點了牛腩羅宋湯配日式拉麵，另加魚柳。等左唔係太耐，呢碗熱辣辣嘅麵就出現咗！湯頭濃郁但不會過咸，湯比較杰身，有各種已經煮腍哂的蔬菜，同埋七八粒大大粒的牛腩粒。煎魚柳有兩條，可惜浸了湯變腍咗，冇咗香脆的口感。這個日式拉麵怎麼好像上海麵麵質軟滑，很掛湯，和這杰杰地的羅宋湯頗為搭配最後，有餐廳負責人問食客對食物的意見。如實反映了牛腩粒炆煮得不夠腍及不夠入味的問題，負責人說牛腩賣得太快了。他亦說會和廚師反映意見，力求進步。感覺餐廳好有誠意，希望食物質素可以更進一步，將上海式西餐帶俾更多食客。

今日係中環中心開會開到2點半先走得，非常餓，行到祖庇利街見到間餐廳裝修非常特別，成條隧道咁，叫wheatfield x, 應該跟銅鑼灣間麥田廚房有關，係就非常好，事關佢既羅宋湯非常好飲，一飲就停唔到口。入去坐低之後，一看menu, 真係同麥田廚房一樣主打羅宋湯，又有我至愛既秘制雞翼，但呢間就好似麥田廚房快餐版。 張menu好似車仔麵做法，例如可以揀羅宋湯配上海麵或拉麵，再加小食等，剔完再交比waitor。我梗係揀羅宋湯再配上海麵，再加秘制雞翼及凍檸茶。羅宋湯真係好正，湯底濃再加上軟腍腍既牛腩，而家再加上海麵食簡直係絕配，我差不多是一口氣食晒，雞翼亦冇令我失望，皮脆肉嫩，好明顯選食材同煮功都好用心，如果選擇多少少會更好。其實我想再點其他食物，好想試下俄式清雞湯加拉麵，因為趕時間下星期一定再來試。絕對值得推介。

上兩個星期六，經過中環租庇利街，見到中環街市對面 <金華> 附近即將開一間新餐廳 Wheatfield X！上星期六經過，貼上告示昨天 2月20日星期一開始試業！我一於中午自己走來幫襯！店子跟 Wheatfield Kitchen <麥田廚房> 是同一飲食集團或老闆，這是新支線！一去到餐廳門口，靚女店員在店外派傳單，一張雙面印刷的餐牌，不論價錢怎樣，我都會幫襯！ 餐牌設計也玩味，食物選擇好像列車路線！以列車裝潢，簡約白色與橙色色調，設計新穎有創意，打破沉悶的框框！令人驚喜！座位靠牆身及中央的長桌子；連餐墊紙也印上中環站的字眼！至於餐具，店員可提供，亦可在牆邊蓋好的容器找到，放置糖包，匙羹及筷子！供應上海式西餐：麵，羅宋湯作主打，另有紅菜頭湯及俄羅斯清雞湯可供選擇！食客可隨意選擇個人喜好散叫食物，經典套餐看起來幾豐富，況且，不用傷腦筋選擇！聽男店員介紹，店方的羅宋湯屬於海派！告訴我等於對牛彈琴！原來上海自開埠以來，受西方影響，後來，俄羅斯人湧入，當時的俄羅斯西餐廳供應羅宋湯；上海式西餐因而引來香港！ 師傅熬製羅宋湯已有四十年經驗！為了配合香港人及不同食客的