Wheatfield X 羅宋湯專門店 (已結業)

平日餐湯如果可以選紅湯和白湯, 十居其九也會選紅湯, 因為紅湯蔬菜多, 而且有肉的湯份外鮮味, 是次特意前來試其羅宋湯。早餐 E $42 + 螺絲粉 $5熱飲: 阿華田火腿扒 + 鮮奶炒滑蛋 + 牛油多士火腿扒偏厚實, 鮮奶炒蛋一般滑。多士烤得外脆內軟, 塗上牛油, 牛油即溶。海派羅宋湯 (牛腩湯底) + 螺絲粉羅宋湯用料十足, 牛肉大件且多, 質感軟綿。椰菜紅蘿蔔亦不少, 湯並不油膩, 感覺健康。起初怕份量不多, 加了螺絲粉, 其實不加也夠飽足。

好食到連我本身無特別鐘意羅宋湯都覺得好好食😍啲牛腩好淋，配羅宋湯一齊食好夾🤤湯底一啲都唔會覺得太杰，又濃又好食，襯埋烏冬食好正😍雖然lunch食覺得食完之後唔係好飽😂

朋友近排推介話中環有間主打俄式羅宋湯上海麵嘅麵店，裝修仲用左俄羅斯地下鐵車廂為靈感，咁有趣，今日難得經過，緊係要試試佢啦。見佢湯底主要分俄式羅宋湯、紅菜頭湯同俄式清雞湯三款，我決定先試紅菜頭湯，夠特別呀。紅菜頭都可以話係新一代健康食品，佢天然紅色素，可以協助肝細胞再生，有好好防癌作用。紅菜頭汁就飲得多，紅菜頭湯就真係第一次試。健怡紅菜頭湯配燒豬脾肉拉麵($62)本身以為會有紅菜頭汁個種青草味，不過飲完一啖發覺只有淡淡嘅甜味，好清新！而且紅菜頭亦煮到好淋，配合比較硬身嘅拉麵底，一軟一硬非常有口感。燒豬脾肉香口但唔油膩，健康食物其實都可以做得好好味。總括黎講都真係超值之選，湯底真材實料，比味精湯健康得多，會多多黎幫襯。

聞說中環有好味羅宋湯，見到餐牌價錢都好貴，所以等到下午茶才試。我叫了豬骨羅宋湯上海麪(連三大塊豬脾肉)，加埋涷飲都要$68，雖然真材實料，但實在有點昂貴。間中一試尚可，因為同價下午茶的還有許多選擇。。。除非真的對羅宋湯情有獨鍾吧

這間也是我的飯堂，每星期總會有一天在這間飯店吃lunch。每次都是點牛腩羅宋湯配餐包，今天的餐包還是暖暖的，皮也脆脆，好味道！一向都喜歡吃西餐，有頭盤/湯 主菜 甜品和飲品。這間餐廳將西餐頭盤的湯變成主菜，羅宋湯可以選擇牛腩或豬肉，也可以配上海麵、拉麵、烏冬、白飯或餐包！如果不是太肚餓的話，配餐包已經好滿足！羅宋湯內的配菜有菜有紅蘿蔔，配菜豐富，湯底濃郁。將餐包點羅宋湯黎吃，牛油也不需要了！只是美中不足的是有些牛腩不夠腍。

每次喺中環落車之後,沿路行去目的在,都無發現過有呢間餐廳,到今日終於發現咗,睇睇餐牌, 原來主要買羅宋湯,睇完就即刻入去食!!可能今日星期6 嘅關係,around 2ish 都仲有好多位!!2個人, ordered 2個餐:-海派牛腩羅宋湯配牛腩 (烏冬)-健怡紅菜頭湯配燒豬腩肉 (甜餐包+牛）紅菜頭湯底: 味道非常清甜, 無咗平時嘅草青味, 而且經過煲熟嘅紅菜頭都依然爽口湯料: 除咗紅菜頭之外, 仲有西芹, 薯仔, 所有湯料都清甜入味甜餐包: 同普遍餐廳嘅不無多樣, 但伙今日呢個比較乾燒豬腩肉: 過熟而變得乾溏心半熟蛋: 有鮮甜味, 夠入味牛腩羅宋湯: 牛腩味濃而不"漏", 因為配菜夠多, 所以比較"傑", 但濃稀度適中湯料: 西芹, 紅蘿蔔, 薯仔, 椰菜牛腩: 多牛腩, 超級入味, 熟而"淋"烏冬: 有咬口, 不過不失整體用餐舒服, 分量足夠有餘,雖然有上錯情況出現, 但員工亦能非常專業地處理,實在值得加許!!

我其實都好鍾意飲羅宋湯，但係羅宋湯多數都係用牛嚟煲嘅，唔食牛嘅我就比較少選擇。今日經過中環呢間羅宋湯專門店，佢竟然有豬骨湯底嘅羅宋湯，好開心！本來諗住係去第二度食麵包做午餐，即刻轉軚，試吓呢間羅宋湯專門店有幾巴閉先。Menu上都有幾款套餐為主，但係湯類就分為四大種，有羅宋湯分為牛腩及豬骨兩款口味，另有紅菜頭湯同俄式清雞湯。朋友叫了一個全日特惠套餐$72， 唔算平！包任何一款羅宋湯+薯仔沙律+甜餐包+熱飲賣相就麻麻地，羅宋湯味道偏甜，薯仔沙律好一般，餐包完全冇特別，只可以話食完都算飽嘅！我就叫了一個自由配搭套餐$62一個湯底可配麵、烏冬、飯或餐包。叫完之後都有少少後悔，因為原本專程嚟係為飲咗羅宋湯，但加咗烏冬之後好似冇咗個真正意義，湯又唔夠熱又唔多雜菜，烏冬又唔夠彈牙，食到滯滯地嘅感覺，最奇怪就係嗰三塊乾淨淨鞋口嘅䐁肉，無好過有！

今日同同事食飯唔知食咩好，就黎到呢間餐廳，貪佢夠近又好食。😋 餐廳位於翠華隔離，地點十分易搵。去到無人排隊即刻可以入座。餐廳內座位較少，係一排排長枱，如果3個人以上可能會比較難安排座位。今次好好彩啱啱好有相連嘅3個位。枱上面有齊紙巾、餐具，調味料等，十分方便。👍餐牌中除左有招牌羅宋湯，湯底仲可以揀雞絲清湯或健康嘅紅菜頭湯。而麵方面，就有多款可選，包括常見嘅意粉、上海麵、拉麵等，唔想食麵亦可考慮餐包。可以隨自己口味配搭。另外仲有多款配料、小食及套餐。 一坐低左就見佢新推出左個撈麵，於是叫左個牛腩羅宋湯上海撈麵加半熟蛋。落單無耐個湯就黎到啦。但隻半熟蛋就去左同事碗豬肉羅宋湯度，希望下次伙記落單時小心啲。😅個羅宋湯超級足料，有好多蔬菜同牛肉，蔬菜煮得非常軟。而牛肉可能煮得比較耐，好韌，而且每一件都好大件，食左一半已經放棄左。羅宋湯比想像中辣，很惹味。不得不讚一讚隻半熟蛋，大小比一般雞蛋大，內裡流心，火候掌握得啱啱好，而醬油味十分入味。個湯，啲菜同隻蛋我會比5分滿分佢，但牛肉就要減番2分。😣撈麵都好食！味道剛剛好！同事嘅紅菜頭湯都好味！試左一淡發現原來比相像中易入口。今餐盛惠$80以單品黎講價

中環的中午時段等位好難，難得有間食店等一陣就有位，仲要係中環中心附近，毫不豫疑去試一下。今次食左個牛肉羅宋湯，個羅宋湯好似好食過一般街果D，有小小辣，幾惹味。朋友食左個個餐係分開湯同其他野食（好似係類似燒豬肉），淨湯個湯再濃D，好食D，值得去試。

同事推介這間羅宋湯餐廳，我第一反應是覺得用湯作主打很特別。看完餐牌後，始終不習慣沒有粉麵飯下肚，會覺得不夠飽，所以點了紅茶頭湯底配豬脾肉配拉麵。其實我也想點羅宋湯的，畢竟這個是此店的招牌，但難得看到紅茶頭湯底又好想食，最終選了後者。紅茶頭湯底很清淡，內有多條切成條狀的紅菜頭，並有被紅菜頭染成紅色的薯仔。紅菜頭其實也不是什麼很好吃的食物，就是個人感覺吃完立刻健康了。薯仔已煮到很軟很"淋"，吃的時候很易被它的粉噎住要咳。豬脾肉很像日式叉燒，有三大塊，味道一般，有點"鞋"。其實我原本是比較想吃牛腩，可惜不能配紅茶頭湯底。拉麵很有驚喜，喜歡這個硬度，麵條又爽。下次會試招牌羅宋湯呢﹗

唸唔到食咩的晚上，一路由上環行到中環，見到有羅宋湯做主題的專門店，好新穎。唔講唔知，原來係一開始的羅宋湯以紅菜頭為主料。佢主打有四個湯底: 牛腩羅宋湯，豬骨羅宋湯，紅茶頭湯底及俄式清雞湯。見到餐牌有溫馨提示羅宋湯有微辣，怕辣的我本身想試清雞湯，但問左staff表示其實羅宋湯唔辣，唔食得辣都可以試。另外麵底可以選擇上海麵，意粉及拉麵。同朋友分別試了豬骨羅宋湯同牛腩羅宋湯。羅宋湯真的不太辣，我唔食辣都接受得到呢個辣度。豬骨羅宋湯。羅宋湯比較杰身，味道比一般羅宋湯要濃，入面材料多，很足料。燒豬脾肉賣相有點似日本叉燒，切得很薄，肉質有咬囗。牛腩羅宋湯的牛味濃。羅宋湯+麵($68)，加$10可以加配凍飲，其實都有點貴。

這天在中環碰到一位舊同學，大家都說吃膩了中環一帶的快餐，一定要為這頓偶遇的午餐找找新意思，我們便決定試試這家以傳統港式羅宋湯為主打的餐廳。我們點了牛腩羅宋湯上海麵，除上海麵外，還有日式拉麵和自制意大利麵可供選擇；十分鐘後，熱騰騰的湯麵到枱，呷一口羅宋湯，用番茄、雜菜和牛腩熬出來的湯不稀不稠，味道亦很有傳統港式風味，加了少許辣椒仔更惹味；但上海麵煮得略腍，口感一般；値得一讚是這店的奶茶也冲得不錯。倘若你想尋找昔日的道地香港味道，這家的羅宋湯底食物可以一試。

平時係中環食早餐，有時間一定係裕興，不過今日得半個鐘，當然搵間快靚正既。呢度以羅宋湯出名，就梗係點呢個撚手菜。羅宋湯可以揀係豬骨湯底定牛腩湯底，諗住後者會香濃d，所以揀左佢。羅宋湯口感好濃厚，有大量蔬菜同幾件牛腩，好足料。湯底好濃郁，有淡淡牛肉味。曾幾何時到過俄羅斯飲羅宋湯，呢度都幾相似。（唔好以為正宗俄式羅宋湯會好唔同，其實港式已十分類似）另外，炒蛋都算滑同香，麵包係新鮮，而牛油都唔吝嗇地用上anchor，整體性價比唔錯啊，可以再黎。

未黎食之前已經幾時收到佢ＧＥ單張，睇落都幾吸引，今日終於黎左試啦！我今日食左廚師推介Ｂ餐～淨海派牛腩羅宋湯＋香煎咸牛脷豬仔包　（＄８８／ＳＥＴ）原本都有少少擔心驚唔夠飽因為得個湯同埋一個包，感覺少少貴，但係食完之後發覺係好夠飽的！講左個湯先，感覺好足料，飲完冇好口渴，應該唔多調味料，有好多菜，而且煲得夠軟，牛腩都好多同好大舊，牛腩好香，幾好食的～個湯呢就酸味適中，有Ｄ什菊湯的ＦＥＥＬ，岩我～我揀左牛腩感覺就有Ｄ牛尾湯ＦＥＥＬ～講埋個咸牛脷豬仔包先，牛脷的味好濃好香，不過我就覺得唔夠大塊同厚，不過都不過不失的，個豬仔包就夠脆，但係冇咩驚喜的地方，所以價錢如果貴Ｏ係個湯度係抵的，牛腩同牛脷都有分加，但係個豬仔包可以再多少少心意就更好了︿︿

睇個店名同格局就知係新派餐廳。平時對蕃茄湯羅宋湯既食物比較留意，呢間直情係專門店，所以雖然feel到唔會平，但好想試一下。餐牌選擇唔算多，比較有趣既係發現左原來呢度既配既主打唔係通粉螺絲粉，而係上海麵，餐廳牆上亦都周圍貼哂介紹羅宋湯配上海麵既剪報。最後我都點左海派牛腩羅宋湯上海麵。講到明羅宋湯一定有少少辣，姐係對湯底有咁上下要求。黎到覺得好大碗，湯既菜料不少，有不少菜，牛腩就得幾舊唔係多，但質素幾好。成個麵感覺都幾健康，湯底唔係得個鹹字，配上海麵有啲似拉麵咁掛住d湯食，原來都幾夾，食兩啖之後就咁飲下湯又得喎。湯微辣，個人唔係好夠暖個陣黎就岩哂呢。最後我幾乎清哂成個湯，好味。不過無錯價錢係較貴，再配茶啡要另加錢。