Wheatfield X 羅宋湯專門店 (MOKO新世紀廣場) (已結業)

今晚去咗旺角行街，近近地去左moko 醫下肚一行入moko 見到有間新快餐店，岩曬Fatbrown 要求，平、靚、正嘛套餐價一百蚊有找，夜晚常餐之選<經典羅宋湯套餐$72>羅宋湯套湯包一碗羅宋湯，前菜有薯仔沙律，主食加十蚊可以將餐包轉做奶油豬羅宋湯專門店梗系要食羅宋湯喇羅宋湯濃底濃郁，少少微辣同微酸，幾開胃奶油烘完熱辣辣，牛油同煉奶混為一體，無得輸<廚師推介套餐$88>廚師推介套餐特點系可以配豬扒包，夜晚口痕想食常餐必推豬扒包幾脆口，略嫌唔系夠厚，味道系幾入味

去一田買d野, 一上電梯見到新開左間餐廳, 羅宋湯專門店幾冇新鮮感, 晚餐就揀左依度!餐廳既座位係快餐店格局, MENU當然款款都配有羅宋湯, 可揀飯, 撈麵或湯麵。海派羅宋湯(豬脾肉)對比平時飲開港式羅宋湯, 真係足料好多而且味道豐富好多, 啖啖都有菜入口, 味道酸中帶微辣, 豬脾肉大大片又軟熟, 係好味!手打烏冬口感煙韌, 唔係cheapcheap烏冬, 醬油已經撈好哂索哂係烏冬表面, 咸中帶少少甜, 不錯。麻辣雞絲有麻辣油既香氣, 但辣勁不大, 雞絲唔會韌仲幾嫩口, 好食。香煎雞扒 (+$12)雞扒肉質嫩滑, 表面煎得香口。一個餐已包埋熱飲, 埋單人均100蚊左右, 一d都唔貴, 可以回頭!

今日放工我們到了旺角東的Moko商場，這間羅宋湯專門店食晚餐客人都幾多，食物選擇配搭唔少環境舒適寬敞，明亮又簡潔的設計有好清晰的餐牌套餐，每款都可以自由配搭；用QR code去點餐，喜歡環保的方式（QR code點餐都好清楚簡單）（羅宋湯牛腩麻辣雞絲配白飯）我一向喜歡羅宋湯的香濃，酸酸甜甜帶少少微味，更配有不同雜菜，有番茄、洋蔥、椰菜等等，牛腩大件有咬口，牛味都香，而個湯汁稀濃度剛好男朋友點了麻辣醬汁撈麵配汁燒豬髀肉男朋友選了特飲，蘆薈蜂蜜特飲，清涼解渴又中和濃味，不錯撈麵配上麻辣醬汁好惹味、拉麵彈牙，軟硬剛好，又唔會好油膩小食是另外上碟的，麻辣雞絲都幾香口嫩滑、汁燒豬髀肉幾香軟幾美味，配有黑椒粒，口感不錯服務都幾好，親切有禮

位於新世紀廣場，開咗一間羅宋湯專門店😋平時飲羅宋湯多數都係西餐廳，估唔到竟然有一間羅宋湯專門店😌好奇心驅使下，試一試啦😛❣️牛腩羅宋湯螺絲粉餐 $82 (香煎雞扒 +$12)最重要當然係食湯底啦！呢個羅宋湯味道濃郁，牛腩唔韌，食落又有香味，除咗螺絲粉之外仲可以揀烏冬、麵等等，不過我個人覺得螺絲粉配羅宋湯最夾😋冇令我失望呀！而香煎雞扒係必選配搭！雞扒煎得幾香😌❣️小食拼盤 $58三種小食裡面，最正係蝦多士‼️佢有別於一般蝦餅，個外皮好似多士咁脆口，而咬落去好軟林林，蝦蓉又有咬口，口感好豐富，味道有驚喜😋 而雞翼同沙律就不過不失，味道不錯。整體而言，餐廳環境坐得幾舒服，服務態度幾好，經過可以一試😋😋😋🔺🔺🔺🔺🔺🔺🔺🔺🔺🔺🔺🔺🔺🔺🔺❣️ 整體評分: 7/10💰 人均消費: $100🔺🔺🔺🔺🔺🔺🔺🔺🔺🔺🔺🔺🔺🔺🔺

聖誕節快到了又有藉口裝裝身了！ 在旺角新世紀MOKO 廣場裡入貨後找地方休息，兒時必吃羅宋湯加粉麵的想不到有專門店 🥳🥳遍佈港九的 Wheatfield X 羅宋湯專門店 而旺角就設在1樓 😌環境開揚，燈光通明。 除了羅宋湯還有其他健康菜 如 紅菜頭湯、清雞湯配豬髀肉及波菜麵，或許不愛粉麵也可選擇套餐中配脆豬仔包～ 豬骨湯套餐 HKD 85 螺絲粉麻辣麵底 + HKD 2 麻辣嫩雞柳絲 HKD 3凍檸茶 + HKD 3 而小妹挑選了秘制醬油撈麵中的海派羅宋羅配豬髀肉 螺絲粉 加 自家制麻辣醬 及 麻辣雞柳絲 凍飲 加 3蚊 羅宋湯濃郁帶小許辣，內有豬髀肉肉質口感柔軟；而添加了麻辣醬的螺絲粉辣到很強 很喜歡 😎 麻辣雞柳也不鞋口 整體這裡適合老少咸宜地方，不止職員服務態度很專業也解答到客人疑難。 👍🏼另有外賣😍

Wheatfield X 羅宋湯專門店 旺角太子道西193號Moko新世紀廣場1樓103號舖晚餐人均：$80-100牛腩羅宋湯（套餐$88）牛腩羅宋湯非常足料內有洋蔥蕃茄椰菜蘿蔔粒，甜度和辣味適中，牛腩粒鬆軟很易入口亦沒有冰鮮雪藏味，非常推介這個長時間精心熬製的羅宋湯😋😋香煎薄牛扒脆豬仔包牛扒有濃烈的肉汁，豬仔包質感外脆，兩者配合得非常合襯。熱蜂蜜生薑茶（+$13）不會太甜有薑味，非常適合在這個有秋意的天氣飲。豬骨羅宋湯（套餐$85）有兩大片豬腩髀肉非常鮮甜，羅宋湯足料夠熱，性價比很高👍🏻👍🏻麻辣嫩雞柳絲味道普通有少少辣，雞柳唔會太咸，較健康👍🏻撈麵非常欣賞這個撈麵的特製醬汁，麵有很好的質感😙熱蜂蜜紅棗茶（+$13）這杯飲品有很多紅棗，這杯飲品都值得推薦給大家。

羅宋湯呢家野，真係平有平做，貴有貴做。好話唔好聽茶餐廳食個lunch都有，罐頭湯番屋企煲又得。一直moko多近食開飯，早個幾月見有一間叫做Wheatfield X 羅宋湯專門店，行過望望真係主力賣羅宋湯。有日終於好奇心驅使，入去試下。叫左個羅宋湯撈麵套餐，個羅宋湯真係落足料唔係罐頭湯開嘅，可以選配牛腩。落得肉煲嘅羅宋湯一定足味，無死鹹味又有肉味。撈麵佢個醬油底好入味同掛湯，加埋炸蒜同蔥花真係唔錯。值得一試！

#跟住我食唔中伏。羅宋湯由細飲到大，多數係大小餐廳嘅例湯但多數都味精味又油膩，再唔係就紅卜卜但無乜味.今次去咗呢間羅宋湯專門店堅持每日以30斤牛骨煲成真材實料羅宋湯講明唔用罐頭茄蓉，而係用新鮮靚茄😍仲係自己切，唔係叫供應商切定用心做！不馬虎！為做好海派俄國菜 #欣賞.味道方面，個湯真係好正！微微酸辣好開胃，可選擇牛腩或豬脾肉牛腩夠軟腍超香牛味，豬脾肉大片不過我覺得唔夠嫩滑湯底好濃郁，而且勁多料，夠晒原汁原味👍🏻.用心做嘅食物，今時今日真係好難得❤️....#太子 #旺角 #羅宋湯

以前係中環返工間唔中都會食呢間羅宋湯專門店，今晚同朋友係moko行街果陣偶然發現呢度都有分店就去回味下～我地叫左個全日套餐牛腩羅宋湯跟白飯，雞扒同熱可可，另外加咗小食六隻炸雞翼同埋奶油豬～羅宋湯好足料，牛腩唔韌，味道偏酸同重胡椒辣味，好開胃👍 個人認為如果羅宋湯配麵食會搞到個湯底太稠，所以中意配飯多啲👍雞扒外層嘅雞皮煎得好香脆，裡面食落好滑唔會太鹹👍雞翼同樣炸得好香脆亦唔會太燶同太油膩，調味適中～奶油豬賣相好吸引，面頭勁多牛油同煉奶， 不過底下既麵包其實幾厚所以食食下都係唔夠奶油，如果將個奶油包打橫切開再搽多次奶油就更好😂 (但底下既麵包幾軟熟，朋友拎左黎點羅宋湯食😅)而杯熱可可就略嫌可可味唔夠濃郁🙈食物整體水準都幾高，而且份量多一定夠飽，性價比唔錯👍👍

平日食西餐，羅宋湯飲得多，今日揀咗新世紀 呢間羅宋湯專門店。揀咗兩個自選套餐：海派牛腩羅宋湯，配拉麵，汁燒豬脾肉。先飲啖湯，好足料夠味，豬脾肉唔會太肥膩，味道確係唔錯。另外試咗 清雞湯配手打烏東，個雞湯真心好飲，我地兩大碗湯底都飲清光，飲完無口渴👍🏻👍🏻👍🏻加咗碟「香煎雞扒」多汁好juicy。連揀飲擇食嘅小朋友都大讚好好味😋要我下次再帶佢嚟食。仲見到冰櫃裡面有湯包可以買返屋企自己煮，足不出戶都可以食到呢個味道，好方便呢...

係moko既Wheatfield X 羅宋湯專門店終於開左, 之前係佢圍哂板裝修既時候已經期待緊, 因為未食過以羅宋湯做主題既餐廳, 感覺幾新奇!餐廳座位同枱都比較細, 不過環境夠光猛又乾淨企理, 兩個人坐低都尚算舒適。MENU有好幾款以羅宋湯作配搭既餐, 今次我同朋友都揀左秘製醬油撈麵套餐, 當中既湯底, 麵底同小食都可以跟自己口味搭配。海派羅宋湯(牛腩)主打既羅宋湯真係唔簡單, 橙紅既顏色, 入口味道香濃, 酸辣有層次, 牛腩煙韌, 而且十分足料, 每啖湯都會食到入哂味既蔬菜, 又香又開胃!手打烏冬 (+2自家麻辣醬)手打烏冬質感煙韌彈牙, 秘製醬油味道咸香, 極力推介中意食辣既人加2蚊麻辣醬, 加左麻辣醬後整個味道更提昇, 更惹味!香煎薄牛扒 (+$12)牛扒已切件, 肉質軟熟, 肉味香, 值得加錢轉既。海派羅宋湯 (豬脾肉)豬脾肉有肉香又冇豬酥味, 有D似平時食拉麵既CHA燒咁, 而且超大塊, 不錯!手打烏冬冇加麻辣醬既撈烏冬, 一樣濃味可口, 而且仲有D炸蒜粒增加風味。香煎豬扒 (+$12)亦都係已切件, 豬扒煎得乾身唔油膩, 頗香口。整體泥講食物係幾高分, 比較起MOKO既

前排我和朋友行moko商場，看到有一間新開的羅宋湯餐廳，覺得好有興趣，所以今次我們便一齊去吃一吃這間餐廳。今次我們都各自揀了一個湯粉餐，我朋友揀了海派羅宋湯配牛腩烏冬，而我便揀了健怡紅菜頭湯配豬髀肉螺絲粉，小菜方面，我們揀了一個是日蔬菜和麻辣雞絲，再加了一個燒汁豬髀肉飯團，飲品方面，特飲就半價可以飲，但係我見到飲品餐牌有即磨咖啡，所以我咪揀了咖啡。湯粉方面，羅宋湯都幾多配料，而且湯底有少少酸酸地，幾開胃，而且很多很濃味，很好吃，再加埋烏冬吸埋啲湯汁，令到佢味道更濃郁，還有就係它選用手打烏冬，口感會比較好，條條都好幼細，容易入口，牛腩炆得好腍，而且每款都有大約四至五舊左右，都不錯。另外健怡紅菜頭湯，雖然清清地，但係紅菜頭都非常多，令到成個湯很好飲，而且紅菜頭很健康，可以增強鐵質，所以都唔錯，加上之前睇電視聽到好似話真正俄羅斯嘅羅宋湯係會加紅菜頭，所以我哋嘗試將兩個湯底Max埋一齊，結果覺得佢好好味，呢個配搭其實都唔錯，而豬髀肉其實都有好多塊，味道又唔會太搶味，所以都不失是一個不錯的選擇。飯團方面，跟餐換購只需加10蚊，而且紫菜非常脆，飲圑有少少燒汁配豬髀肉十分配合 。小

有幾次行過【WheatfieldX 羅宋湯專門店】都想試， 因為本身都幾鍾意飲羅宋湯，但每次都好多人排， 見佢越開越多分店，今次教好時間就去試下。小熊妹放學後行咗一陣街，避咗peak hours, 1:30pm 之後去 相對人流少啲，可以悠閒哋用餐 。😆我哋叫咗:💖海派羅宋湯牛腩配手打烏💖香煎薄牛扒💖糖心蛋💖迷你蝦多士💖奶油脆豬仔包💖凍蘆薈蜂蜜四季春呢道嘅羅宋湯非常足料，湯底係用上30斤牛腩煲五小時再加入炒好咗嘅紅麵、番茄、椰菜、西芹、甘筍……等多種配料！🥰除咗不同的自選套餐外，亦有$8up 的多項優惠小食。😋

早前經過新世紀時見佢裝修緊，知道係開一間羅宋湯專門店，已經心思思想試，本人鍾意飲羅宋湯但係識煮罐門湯😭，所以知裝修完就即刻嚟試吓啦一上扶手電梯已經見到，餐廳整潔，座位夠寬敞叫咗一個羅宋湯套餐($82)，大大碗羅宋湯可以揀一款面，套餐仲可以配飲品，另加$12可以多一個燒豬脾肉大大碗羅宋湯送想來嘅時候非常之香，我哋揀咗個羅宋湯係用豬髀肉而唔係用牛腩，但一樣味道濃郁，睇Menu知道佢用咗好多蔬果熬製而成。所以先有依個質素，燒豬脾亦都好香唔鞋，好味另一款我哋就加咗雞扒，呢排都大大件，配埋羅宋湯加烏冬超級滿足☺️

出開黎順便去刺激下經濟 見到附近啲舖頭都轉左唔少 見到有間羅宋湯專門店係新開嘅咁就去試吓豬脾肉羅宋湯賣相唔錯 聞落去好香濃 味道方面 湯甜得來帶少少酸 兩者比例岩岩好 雜菜好多都好fresh 有紅蘿蔔，薯仔，蕃茄等等 好足料好豐富 成個湯感覺好香甜濃郁而又帶點清新既感覺 汁燒豬脾肉脆豬仔包 豬仔包好脆 夾住兩塊豬髀肉同埋啲配菜 都好大個包 浸一浸羅宋湯然後食 濃郁既羅宋湯係充滿成個豬仔包 又係另一番風味上海撈麵 麻辣底個麻辣汁勁香 好惹味 上海麵都好掛汁同彈牙 夾埋個餐本身既羅宋湯酸酸甜甜咁