Wildfire (已結業)

两三年前，去过一次赤柱，在美利楼食过一次好美味的烧猪肋骨，后尾却不记得是边间餐馆，呢次是怀旧去，揾了下，发现居然是wildfire。之所以话居然是, 是因为对wildfire的重唔错o既印象, 早随住圆方的一次买几千文野就送o既几次下午茶两人套餐，而消失o左。好彩当时系免费o既，觉得唔所谓。今次叫o左三样野，一份138文o既西冷牛扒套餐，一份179文o既BBQ猪肋骨，同埋一份58文o既热情果冻饮，侍应话饮品买一赠一，于是又多叫一个荔枝蓝。套餐头盘的蔬菜大虾不过不失，但系西冷牛扒又老又干，完全没有肉汁，费了很大劲同食牛肉干一样先至食完。猪肋骨都系一样o既干，唔新鲜，酱汁调的太酸，量倒是唔少。也许美利楼人少，呢d牛肉猪肉都系雪柜里太耐，先拿出来o既。两份饮品也是不知所云，唔知系用么化工原料调o既，完全没有新鲜水果的感觉。买单时候更是离谱，先系把买一赠一的饮品计o左两次，改过之后发现375文的价单比收o左43文的小费，店家解释话个赠o既饮品虽然免费，但系服务费还是要照收。系香港食o左o甘多年，第一次撞上o甘计数o既。原本呢d场合，我都会比多廿几文小费，但系既然店家o甘识计，好似就唔使我费心啦

路過見到廣告張相的食物机好,约200元2人SET TEA,於是上去食洛單的服務員親切有礼,坐在露台剛巧有龍舟比賽,舒舒服服一邊品賞這美味食物一邊龍舟比賽.上層有一個自選8吋既pizza啦, 我地点了帶子鮮蝦pizza。下層有吞拿魚三文魚卷, 炸大蝦, 雞翼,芝士野菌多士, 忌廉泡夫 同埋 蛋白檸檬撻。個pizza材料充足 炸大蝦,雞翼拼的甜酸汁很正不太甜,我朋友最喜爱這汁

下雨的晚上; 寒流襲港得10度, 7點和朋友來到, 成個赤柱都冇人咁, 出面冇, 入內都只係得4 檯人.坐下, 好餓, 馬上叫野先~有兩份menu 的, 一份係正餐, 一份係set dinner.某銀行的咭有7折但只限於正餐menu.唔理喇, 好餓, 決定兩人share, 最後叫了個三文魚caesar 沙律, 一個braised beef ribs, 及個bbq meat lover pizza!三文魚caesar 沙律都不算大碟, 沙律汁撈得好平均, 加幾粒crouton, 不錯呢.braised beef ribs係 一大舊ribs, 好多燒汁, 味較濃的一味;肉質ok, pass 啦~比殺係必叫的, 唔知叫乜好, 最後叫了的bbq meat lover pizza又真係幾多片腸在上面!係比較薄皮的, 少許脆的, 芝士半溶, 好正!朋友冇介紹錯, pizza 係必叫的 呢~服務ok.走果陣已多了好多人... 但都係情侶... 我和友人係唯一的兩支公... 好不浪漫呢

難得去美利樓, 雖然訂wildfire, 不過難得佢好靜可能係weekday, 無嘜人黎, 無其他分店個種一大班人去食肉既感覺~ 外面座位有海景, 可惜小女子太矮, 圍欄剛好擋住, 不過徹徹海風吹來, 感覺好好~waiter都算幾nice, 不過就唔係個個都有笑容, 不過就算人唔多, 坐係出面既我地需要waiter時, 大部份時間都可以搵到佢地既...點左唔記得咩名既appertizers, 帶子鮮蝦pizza, ribs, banana cream bruleepizza既帶子鮮蝦都真係好鮮, 而且超~~~大塊!!! ribs同樣好大舊 (都話係食肉), 而且舊骨係一勾就跌出黎的! 肉質好好, 好軟! 可惜同pizza同時拎出黎, 略嫌會令佢快凍...cream brulee同我想像有差別, 有雪糕球, 加香蕉片係面...仲有d唔知咩既配料...食落...有d甜而唔知做咩既感覺...整體上係唔錯, 夠靜夠舒服不過可能只限weekdays... ^^"HSBC卡有7折, 總算有d抵啦~

一早先決定同老公去赤柱食除夕飯，搵完資料就打電話去book，原來做半自助晚餐，二百五十元一位，ok 喎，不過，佢又要人留credit card 資料，話唔出現要收四十元手續費，嘩﹗惡d喎，無book到，反而book佐對面0個間—King Ludwing Beerhall。六點去到King，因為佢話要八點半交台，其實又唔想食得咁急，見到Wildfire walk in 又有位，又無話要限時，所以都係揀返佢。一坐低，佢俾佐個好近拎野食既位，心唸︰無book位，係咁架啦﹗台上有支礦泉水，個女侍應就話，幫你地斟水啦，咁梗係好啦﹗然後就去拎野食，頭盤係自助既，都有幾多食物，有煙三文魚、凱撒沙律、翡翠螺、凍蝦，我同老公都覺得翡翠螺同d蝦都幾甜，因為仲早，拎食物都幾方便，我見隔離台有個大陸佬拎滿成碟三文魚，唔駛嘛﹗坐到咁上下，見到有對情侶，佢地都係無book台既，佢地有得坐近窗口位，我見0個時仲有窗口位，就叫老公問下可唔可以轉位，點知個女侍應用不是太客氣既口吻話︰d台已經俾人book晒，心唸︰你哩d真係叫做睜大眼講大話﹗只係食佐第一輪，個女侍應就走埋黎，叫我地order main dish，我就要

因為剛剛既星期六要幫朋友預祝生日，所以幾日前就約埋一齊入赤柱行下兼食野~~美利樓內有幾間唔同既餐廳，係好隨意之下我地決定試下呢間既 Tea Buffet ~~因為我地想睇海景，所以係酷熱既天氣之下都決定坐室外，雖然有 d 辛苦，但都覺得值得的。望住個海一邊食野一邊傾計，真係好寫意~~至於食物方面，可能因為係 tea 既關係，食物種類唔係好多，大約十幾種左右。除左蔬菜+沙律、生果+朱古力噴泉、幾款甜品、麵包三文治、長通粉、焗腸、炸雞翼、炸墨魚圈、炸薯餅可以揀之外，間餐廳仲話送 2 款 pizza 俾我地 order ~~長通粉味道較淡，冇乜鹹味，要自己加返少少芝士粉落去調味~炸墨魚圈同薯餅係 3 款炸物之中比較好味，而雞翼就見到 d 皮上面仲有毛未整走，同埋炸到有 d 乾過頭...........甜品味道一般，不過夠細件，方便一啖一件~~至於另外 order 既 pizza 味道唔錯之餘，個底又夠脆，但差在唔夠熱~~而呢個 tea buffet 只係送得一杯飲品，侍應又唔主動俾杯水我地，呢方面要有待改善.........不過以整個用餐黎講，都可以叫價錢合理同埋環境舒服啦！

入到赤柱已經3點，wildfire的下午茶自助餐是3點才開始，門口waitress讓我們入内看看自助餐食物再決定是否幫襯。 食物有沙律菜，沙律蘋果，沙律青瓜（有d苦），沙律長通粉，三文魚三文治，火雞三文治，水果朱古力火鍋，熱盤有薯餅、雞翼等，甜品有cheesecake等,有個蛋撻狀的甜品比較難吃。另外，有即整棉花糖。整體食物可以接受，我同個friend坐室外可以望海景，有風扇所以不太熱，另外下午茶包1杯凍飲，waiter服務很好不停為我們加水。下午茶由3點可以食到5:30。另外，我個friend見到下午茶自助餐加1蚊可以叫個pizza。由於我地不是太餓，所以沒有叫。買單每人$120(連加一）。我覺得weekend下午茶自助餐比weekday的tea set好食好多。

同BB食pre b day dinner,request左indoor seat (near window),第一次來,環境ok, 坐得好舒服.order左個house salad, chicken wings,bbq meat lover pizza, 香草羊扒, 同個strawberry脆蛋白cake,一杯mango飲品同一杯mocktail,house salad好大碟,really my favourite,d 菜勁fresh,i love it~~~chicken wings好好味!我仲幫BB拆骨tim!!!!個PIZZA有D乾,尤其個邊...but都ok嘅~個羊扒幾好,但不太似我地order嘅七成熟,下次要order低返一兩成!!haha~個DESSERT好好味, 每人食左一個~如果係cheese cake base 就仲正!今次埋單大約 $750

今日同女朋友去赤柱走走, 去到去左赤柱正灘行行先。行到有啲餓之後, 原本諗住去泗益食返件油多士架, 但係去到先知佢逢星期二休息半日...要下次有機會先黎試返。黎到赤柱點可以唔去市集行下呢, 市集唔算大, 而且有瓦遮頭, 所以行得都幾舒服。沿路行埋去赤柱大街, 之後去美利樓二樓既wildfire問下佢個下午茶係幾點, 個侍應話三點開始有, 咁見仲有時間就去乘涼同hea下。三點返返去wildfire, 終於有得食喇!!坐低馬上點左個二人tea set, $79一個人, 一定要兩個人先食得架!!佢啲野都黎得唔算慢, 為左好野食, 等下都抵啦 xp佢成個set都幾豐富, 上層有一個自選8吋既pizza啦, 我地簡左帶子鮮蝦pizza。下層有吞拿魚三文魚卷, 煎雞翼, 炸大蝦, 芝士野菌多士, 忌廉泡夫 同埋 蛋白檸檬撻。我覺得最好食既係三文魚卷, 可能係我本人好中意三文魚既關係。煎雞翼聞落啲味好似品客薯片既bbq味, 但係食落同普通雞翼無異。炸大蝦個皮好脆, 隻蝦又好爽。芝士野菌多士件多士好酥。忌廉泡夫一般。蛋白檸檬撻啲蛋白啲甜度啱啱好混和檸檬達既酸味。而個pizza同一般出面食既pizza大

事源系我有個fd生日,一行六人打算入赤柱慶祝,之前系依度睇d食評覺得ok咪諗住試下一去到其實環境幾ok,我地原本book左坐外邊,但去到要求轉返坐入面,佢都肯,d服務態都好好落單前,有位阿姐行埋黎推介特飲,咩58蚊2杯,有酒精嘅就68蚊2杯,買一送一甘,見甘抵,當然試下,......................好勒,到最後我地埋單,盛恵$844,但明明我地原本計落都只係$600幾被騙$200,當然呢個事實要到大家上左車之後先知,呢個故事教訓大家吾好因為見d相,d景影得有幾靚,就盲目甘去,可能未必系好佢d野食又吾系特別,真系淨系靠樣靚...得個形....所以奉勸大家三思

本身來吃係想吃下午茶餐，但去到先話星期六無餐叫，但有下午茶自助餐，但吸引力唔夠，轉而散叫，黑森林薄餅，無肉，全素，配些香葉，口感清新，個邊位凍了依然好脆，點些茄汁仲正，無叫野飲，坐了在冷風機前面，再加杯凍水，即時由內至外冷透，又可以望望海景，爽…

放工來了這裡, 餐廳是隨意選的, 我們坐在露台位有sea view真係好好feel, 可以完全忘記煩惱~ waiter/waitress都好有禮貌呀我們選了:1) 磨菇風乾火腿pizza > 好脆好好食2) 牛肉...雲吞 > 這個最好食係伴碟d菜3) ribs > ribs都好食不過如果係伴薯條instead of薯粒會更開心4) 仲有一杯mint ge mocktail &綠色ge cocktail..... > 杯mocktail好藥水味呀...... 杯cocktail就苦苦地又甜甜地...飲左之後我覺得有d浮同埋勁眼瞓... 真失禮今晚真係好開心, 不過要上司破費真係好過意唔去.......... 希望可以請番佢食生日飯!! really thanks so much....

今日男友帶比我既surprise就係去左食wildfire~本身無係美利樓哩到食過野~已經好期待最初諗住係食tea set,$79一個~但後尾驚大家都食唔飽,我又未食lunch~所以就轉食lunch 喇 ! 個到既waiter好好,本身諗住食tea未夠鍾就叫我地入去坐住等~佢有三個set揀,我同男友揀左肉眼扒同煎星班既set~一個跟湯,一個跟凱撒salad~個湯好味,佢好似稀左既薯茸咁~而個salad每一塊菜都有醬~唔似平時個d要自己mix~好均勻!到主菜~肉眼扒要了5成熟~佢外面少少脆~入面好juice~有咬口但唔係好韌~!但個星班就遜色少少,因個皮好韌~~但d肉都ok!同埋佢有炸薯粒同菜做伴牒~全部都好好味 !之後每人都會有杯野飲~再上埋個dessert~係芒果味嫁...唔記得叫咩名但好甜~有d似芒果打成茸~總括泥講我同男友都覺得抵 ! 下次會係weekend試下佢個tea buffet~

TOTALLY CAN'T SATISFY ALL DEAR EATER!!!! As a weekend leisure, bf and i go for a lunch. Not only need to wait long for getting a seat, but also for the food. Althoug the waiter and waitress manner is great, the food standard make Wildfire even worse.........1. Parmaham w/ melon: I cant expect Wildfire can serve a really great parmaham, but it is already the best among the 3 dishes i ordered.2. Grilled stuff...Salad: PLEASE DONT ORDER ANYMORE!!...the salad in the parma ham is better....AND THE VE

想試下小天使, 但剛巧搞Private party, 咁就去美利樓Wildfire食tea啦~我地坐室外, 環境絕對一流!! 服務都幾好, 今日都幾涼, waiter會開埋暖爐. Tea set $79/person, 上層Pizza味道可在餐牌內自選口味, 我選了意大利芝士, 餅底薄及鬆脆 .但芝士味未見特出, 下層小食有炸蝦, 炸雞翼, 煙三文魚卷, 甜點..亦普普通通~但這價錢及環境來講, 已交足功課