Wing's Kitchen (已結業)

今天是我同男友既拍拖周年紀念日，男友特登bk 左呢間餐廳慶祝，六點幾就到左，都未有其他客人，餐廳每檯都有蠟燭，增添浪漫既味道，我地點左最貴既二人餐luxury set餐廳既裝潢散叫menu 套餐前菜有煙三文魚沙津，不過冇咩醬汁，冇咩味，但菜還新鮮之後有龍蝦湯，幾濃味，如果有多d 料就更好我叫左杯Mango Tango,味道okmain course 有黑松露忌廉帶子飯，幾好食，帶子煎得甘香，飯亦帶有濃濃忌廉味另一個是8安士美國牛排，岩晒食肉獸既男友，不過份量不多，味道ok，薯條剛炸很鬆脆可口最後還有甜品布丁，口感幾滑溜

見openrice  都幾多好評就膽粗粗去試下，但完全失望！！呢碟什麼辣蝦天使麵，有相為證，賣相完全唔掂，蝦只係手指甲咁大極細粒，碟天使麵亦完全係白灼無味，所謂既辣係用左D 碎辣椒伴碟！😡 朋友另外叫左漢堡薯條，薯條淋到⋯價錢亦唔係平，不會再來。

預約了星期六7:30pm, 去到即入座，就算冇約應該都快有位。環境靜，岩傾計牛油果軟殻蟹pizza幾好食，蟹份量都多雞翼一般, 三文魚沙律一般豬肋骨味濃，good2人埋單$650

等到嬲！本黎happy friday好開心，仲期待左食漢堡包幾日，懷住興奮心情黎食晚餐。準時7點半入座，叫左一個wings to go, lobster burger 同墨魚汁乜乜意大利飯，滿心歡喜等開餐，點知一等，等左一個半個鐘先黎左一罐可樂同一枝啤酒。等左9個字，終於黎左一個wings to go, 仲要只係，普通炸雞翼，好似食緊KFC咁。等左一個鐘，個侍應行埋黎問我地叫左乜，我呆左，好無奈咁話佢知啦，我就問，其實整左未？佢頭也不回咁走左，又行番去部電腦度篤，之後埋黎話焗緊。最後用左個半鐘先出一個burger 食完個burger先終於黎個飯。個lobster burger 1啲都唔好食？呢餐飯食3個菜等左個幾2個鐘，途中仲有客人頂唔順等到走左。浪費我好多時間，又貴又唔好食，以後不會再來。

行經這間餐廳門口，見到餐牌竟然設有多款套餐價目，感到新奇，所以進去一試， 一人套餐、二人套餐、甚至多人套餐均有。一人套餐都有好多嘢食，因為不是太肚餓，所以最終並沒有叫套餐，只散叫了一個西冷牛扒及一個比利時窩夫鮮果雪糕甜品。西冷扒配薯蓉~薄切牛扒伴薯蓉用木板上枱感覺好有架勢，薯蓉分量好大，食落唔似係用粉開嘅薯蓉，而係用新鮮嘅薯仔做成嘅薯蓉，因為食落會感受到有粗粒嘅薯仔肉同幼滑嘅薯蓉混合在一起， 唔似一般薯蓉，只係食到軟綿綿嘅感覺，而係都有一D咬口。薄切牛扒食西餐就比較少見，不過正因為喺薄切嘅關係， 要做到塊扒唔會硬，就更見功夫， 牛扒都好有牛肉味道， 唔見血，但係唔會覺得硬， 塊扒食落係有肉汁同埋鮮甜嘅。比利時窩夫鲜果雪糕甜品~ 兩塊厚厚的窩夫上面承載著士多啤梨生果和雪糕， 賣相都幾吸引， 窩夫烤得脆脆的， 沾上忌廉及士多啤梨雪糕一齊食， 能夠同時感受到軟、硬 同冷、熱的口感， 作為甜品是個不錯的選擇。

前幾日係我同男朋友既記念日，我話佢知我想食西餐，咁佢就負責搵好食既餐廳啦。當日佢就帶左我去Wing's Kitchen，呢間餐廳好方便，無論係紅磡/尖沙咀/尖東行過去都好近。除左散叫之外，佢仲有一至八人套餐，價錢都好合理！呢度環境一流，燈光好有浪漫氣氛，每枱都會點著蠟燭，真係好適合情侶，特別好似我地慶祝記念日既情侶！介紹下食物先～龍蝦湯賣相好靚，佢專登比左邊個碗龍蝦湯我，話個賣相完完全全係個心型黎煙三文魚沙律好大碗，仲要係一人一碗，超多唔同既沙律菜，再加上蕃茄仔，好健康呀西冷扒，因為我唔想食得太生，所以叫左七成熟，西冷扒肉質細嫩，無得頂墨魚汁海蝦意大利粉，海蝦係新鮮蝦，又好大隻不過要留意一樣野，食呢個意粉係會食到成口烏卒卒咁，好得意餐飲就嗌左凍朱古力同凍檸檬蜂蜜，味道唔會太甜呢間餐廳氣氛一流，食物賣相又靚，用完openrice既88折優惠都係五百幾蚊，好抵

今日約左中同黎尖沙咀行街濕平，搵間舒服優閒既餐廳hea 下當然唔少得。經過寶勒巷，見個呢間餐廳menu幾岩食咁，於是就9秒9衡左入去。我地叫左個二人餐首先黎既係餐湯估唔到有幾隻蝦係入面 爽口彈牙 配埋龍蝦湯份量十足 酸酸地 夠fresh 開胃岩哂我地每人揀左個主菜我揀呢個西冷扒好juicy 唔UN 所以好易切 立即比我地KO估唔到 香脆得黎又唔油 點少少少茄汁 好味是日甜品賣相唔錯 撈埋士多啤梨醬一齊食都唔會太甜環境寧靜優閒 同出面大街人來人往既氣氛成一大對比MENU 選擇唔少

係尖沙咀睇完中醫每次經過寶勒巷都會見郅Wing’s Kitchen, 晚上入面點了蠟燭, 感覺氣氛不錯, 今晚約了表妹食飯, 一於試下Wing’s Kitchen, 餐廳地點在尖沙咀寶勒巷位, 係尖東站或尖沙咀站行去大約8分鐘, 地點方便。睇左餐牌覺得單點價錢也不便宜, 雖然有2個套餐, 最平套餐主菜只有意粉PIZZA的也要$408, 最後要了Deluxe Set Dinner for 2 persons ($408)Deluxe Set Dinner包括 :是日頭盤及是日餐湯主菜 : 卡邦尼扁意大利麵 Popeye Pizza 大力水手薄餅是日甜品咖啡或茶是日頭盤 : 煙鴨胸沙律沙律菜新鮮, 煙鴨胸兩片薄切。份量唔多, 幾啖食晒。是日餐湯 : 磨菇湯磨菇湯不錯, 飲到有粒粒的磨菇碎, 鹹淡適中。如果配埋有餐包仲好呢。卡邦尼扁意大利麵意大利麵夠彈牙, 煙肉片也很多。醬汁夠濃。Popeye Pizza 大力水手薄餅內有蕃茄,菠菜,芝士等材料, 可惜份量太少, 不夠飽肚。是日甜品 : 咖啡慕絲上面畫了W字,代表店名 Wing’s, 甜品普通。連埋加一, 每人約$220, 感覺唔算抵, 因為

又係好姊妹gathering食好西嘅時候， 今次我哋揀咗位於尖沙咀嘅Wing's Kitchen ， 方便我哋喺加連威老道行完街後大吃一餐！Menu 嘅選擇都唔少不過我哋後尾就揀咗呢個luxury dinner set,2個人食豪啲！我哋揀咗八安士美國頂級殼飼西冷牛扒同埋黑松露醬鮮帶子意大利燴飯，飲品就揀咗English breakfast tea 龍蝦湯比想像之中鮮甜，湯內亦有幾隻鮮蝦，不愧係luxury 三文魚沙律以前菜來講，我覺得份量都算豐盛，同埋佢落嘅黑醋都唔少，酸味更令人開胃！黑松露醬鮮帶子意大利燴飯香味濃郁，如果帶子可以多多啲就更好啦西冷牛扒配薯條真係一流，塊牛扒七成熟，咬落唔痴牙，我哋兩個比較細食嘅女仔幾乎食唔晒，薯條就炸到好金黃，放左一陣凍左都冇扁塔塔甜品我諗就係咖啡果凍，甜味適中，口感香濃，作為dinner ge 完結真係好正我哋比較早嚟呢度，黎到時冇乜人，氣氛都幾幽靜，侍應姐姐仲幫我地點埋蠟燭營造氣氛添，情侶來呢度都唔錯丫

今日星期日本來係放假，唸住可以係屋企好好休息，但一早答應左個朋友，要幫手係尖沙咀睇下個event場地，睇完都已經大概傍晚5點幾至6點既時間，所以決定食埋晚餐先再返屋企辛苦左一日，當然要食餐好既，對自己好d餐廳坐位與坐位之間好闊，環境簡單而舒適，真係坐得好舒服首先，我就叫左個龍蝦湯個湯好香滑，龍蝦味又好重，裏面仲有蝦仁8安士美國頂級西冷扒，配菜可以選擇炸薯條/薯蓉，我就簡左薯蓉呢個薯蓉真係好好味，入面有細細粒既薯仔，係我至愛既粒粒口感薯蓉而且薯蓉係加左牛油，令整個薯蓉更加濃味更加香食完個薯蓉都已經飽飽地，份量真係好大份嫁！五成熟既西冷扒剛剛好雖然已經好飽，但仲想叫多個甜品食呢個朱古力布丁配上士多啤梨醬一齊食好正呢間餐廳真係間不錯既西餐廳，坐得舒服，食物又好味，下次帶男朋友一齊食先

從尖沙咀走著走著，不自覺的在這家餐廳門前停下腳步，大概是被它的燈光所吸引在門外，已看到餐廳內佈有紫色的小燈泡作裝飾，有種滿天星星的感覺看了幾遍門外的餐牌，這家餐廳也有滿多的選擇，便決定一試餐廳內還沒有氣氛的，佈置著不同的油畫，感覺還不錯大概是因為時間還早的關係，用餐的客人不算太多，還滿寧靜，滿有氣氛的！選擇還真的滿多的，害我們花了不少時間，才決定該點什麼呢除了散叫，這家餐廳還有套餐的，好讓有選擇困難證的客人，更容易選擇，哈沒多久，前菜便來了坦白說，沙律很難可以做到別具一格吧！所以請大家把重點都放在酥脆芝士上緊接著的是意粉最叫我滿意的，不是意粉的質感，也不是巴馬火腿。而是滿口蒜粒的感覺呀這個鮮茄醬意粉，配上濃濃的蒜香味道，超喜歡就是了當我還左沉醉於蒜香世界的時候，主菜也來了。我們點了五成熟的，所以肉質都比較嫩，而且還滿juicy的。只是在對比之下，我還是喜歡那個意粉所以，若果大家也很喜歡蒜香，那個意粉，是必點的，絕不後悔啊

餐廳情調十足 ，環境昏暗，內裏滿怖紫色小燈泡，而每張枱都有燭光 餐廳做緊幾樣promotion ，價錢合理飲品亦有買一送一的西班牙sangria但因為聽日返工原因，所以就冇叫酒精飲品所以就叫了mocktail ~Daniel's cocktail 因為有orange lime and red pomegranate ，所有味道較酸，感覺維他命C十足Menu 選擇多，一共叫了三道菜1️⃣Avocado & Mozzarella Cheese Fingers Salad $118沙律分量十足，芝士手指香口，而且有拉絲效果，牛油果營養價值高，雖然配上邪惡芝士，但感覺良好2️⃣ 8oz US Beef National Prime Striploin $228Medium 牛扒配上薯條，十分可口，牛肉多汁，亦鬆軟3️⃣Spaghetti with Parma Ham & Buffalo Cheese $158Pasta 蒜香濃郁，有數塊parma ham，配以茄醬，十分開胃啊

First time been here for lunch as the lunch here was very expensive, now they lower down the price.Environment was goodI ordered the cheapest set which was a burger, after I ordered I found out it was a chicken burger. Chicken still nice, very soft fired chicken meat. With taste of mushroom. Bread was soft too .

下晝同朋友仔去咗尖沙咀行街，去到尖東個頭都六七點，於是喺附近搵左尼間餐廳dinner，係岀面已經望到入邊成個燈光呀環境氣氛都營造得幾浪漫，最重要咁啱有位，入到去見到九成嘅枱都留座，下次尼的話都係book定穩陣d呢度嘅空間好闊落坐得好舒服，睇下menu dinner set都有好幾個選擇，仲有為唔同人數而設，啱晒一班人尼聚下呀慶祝呀咁平時牛扒就食得多，見佢呢度有羊柳簡就試啦，朋友仔就簡左個黑松露帶子飯Dinner set先尼嘅係挪威煙三文魚沙律，份量都充足，三文魚都有三四片，醋適中，唔會話好酸，疏菜都好新鮮跟住就係龍蝦湯，我好鍾意飲啲湯系好"結"，佢呢個湯啱晒我口味，除咗有好濃郁嘅龍蝦味之外入邊仲有一隻隻嘅細蝦可以咬下跟dinner set本身有茶或者咖啡而加五蚊就有得轉果汁個啲，我就點左杯蘋果汁，無講係咪既榨，飲落同平時差唔多到主角羊柳啦，送過尼個時已經聞到好香嘅羊味，佢哋除咗羊有五成七成同全熟簡之外，仲有配薯蓉同薯條我就揀咗薯條，盤上面都比左好幾種醬，好似蜜糖芥茉等等個羊煎得啱啱好，一啲都唔"un"好易切，羊咩好濃，帶有少少羊臊味，唔怕既可以一試，份量我覺得好足夠食完個羊都有返咁上下

同朋友想搵一間可以坐得耐的餐廳食飯，於是就去咗我哋事先前一日有訂枱既，因為都驚要等好耐，好彩訂咗枱唔駛等！而餐廳嘅環境都幾靚，坐得都幾舒服，加上燈光好柔和，都幾有情調架，適合男女朋友或者夫婦一齊來食飯又或者慶祝紀念日之類！睇一睇Menu都發覺有唔同嘅菜式，實在花多眼亂，為咗令我哋可以快啲決定，所以我哋最後都叫咗一個2人既luxury dinner set，套餐包晒前菜、主菜、飯後甜品同飲品，感覺都幾唔錯！先來嘅當然係挪威煙三文魚沙律，呢個前菜相當唔錯，而且沙律以黑醋為主要調味，感覺好健康仲好開胃！之後上菜嘅係龍蝦湯，龍蝦湯味道濃郁，鮮味十足，果然冇令我失望，值得推介之後就到主食，我叫左黑松露鮮帶子意大利燴飯，唔好睇小黑松露嘅份量雖然好似唔多，但事實上味道都相當突出，而且個意大利燴飯嘅米粒都幾特別，口感同一般食嘅米唔同，相對硬身啲，口感粒粒分明，比一般泰國米大粒d,幾有咬口！當然唔少得是日甜品，個雞蛋布甸雖然比我想像中甜，但係都幾滑，口感好綿密，算係吾錯。整體來講嘢食質素都算唔錯，而且環境都坐得舒服，只係唯一一樣要改進嘅地方，就係上菜速度有點慢，可能係小店人手唔多，不過為咗食好嘢等多一陣