XOXO Café Lab (已結業)

随便转转，被这里的漫画海鲜意面惊艳到了，南瓜很香，芝士和南瓜汁混合在面里十分入味香浓，有机会会再来尝，位置就在TKO街市上面，十分方便，不知道为什么标签是台湾菜，菜单上大都为意面扒类的西餐

又是一個人午餐的繁忙日子,一上厚德商場,有多間食肆可供選擇，但今日入左呢間，因為有個阿姐招左我入去。這間店其實挺舒服，上餐都快，有扒餐之類，但我想食個快飯，所以叫了個簡單的豬軟骨烏冬。一眼見到個碗烏冬，好似好淺色，和MENU的有點不同，不過生活在香港，都明白『相片只作參考』這個道理。幸好味道不算淡，豬軟骨雖然好似好淺色，以為無乜味，但夠味之餘不會很濃，可能無加色素，這樣想的話又好像不錯。如果點指定午餐的話有H牌雪糕食，好像不錯。但美中不足是...竟然售罄了!我不是太失望，因為我不是為雪糕而來，但隔離有幾位客表示失落。唔....售罄又不收起招牌，好像不太好，但侍應說可以在發票留下標記，第二日來可以補回。雪糕雖吸引，但又未至於吸引到我一連兩日去同一間餐廳LUNCH,所以都是算了。

本身諗唔到食啲咩，見到呢間餐廳好似轉左餐牌， 而且比之前多咗人去試，就諗住去試吓，叫左個牛油果雞肉意粉同埋蕃茄汁魚柳蛋包飯，蛋包飯可以自選醬汁同餸，有牛肝菌汁，蕃茄汁，餸有魚柳，豬柳，漢堡排，牛柳粒，個人認為牛肝菌汁最好食，魚柳有兩塊都幾好食，炒蛋質地也不錯。個人推介牛油果雞肉意粉，牛油果醬同雞肉出奇地夾，食落每一啖都有清新不油膩感覺，而且份量也足夠，值得再食一次，加$15有蒜蓉包同餐湯。餐廳環境舒適，裝修漂亮。記得餐廳未轉型之前，食物是凍的而且不好吃，但更次給我一個很好的印象，令我認為再給一次機會也是值得的，值得推介，下次也會再吃。🤤

本身叫Set Lunch,附送餐湯及蒜蓉包，蒜蓉包雖然唔係熱但都脆口，但餐湯飲落帶酸，問侍應佢話係薯仔湯，我同佢講個湯酸，佢就即刻換過個沙律比我…好似預先知有問題甘…西冷扒：要5成似10成，牛扒味道ok但個汁唔得左肉眼：完全無牛味雖然我無食雞，但同埸好多人食，我諗食牛係中伏左…雖然唔會有一次機會，但不得一提員工服務態度好好

係屋企附近有時諗唔到食咩都會幫襯呢間鋪頭最近見佢嘅餐單轉左 於是就試吓啦今次嚟呢度食晚飯 同朋友分別叫咗一個意粉同一個西冷扒餐share食 牛扒12安士148 呢個價錢唔包任何飯同薯菜於是我哋另外加咗52呢個價錢包括左三個小菜我哋分別叫咗沙律薯角同埋薯仔 希望有返少少澱粉質落肚 牛扒來講都算大塊呢個價錢呢個質素中規中矩 唔會話太大驚喜太大失望 另外呢度唔算好多人所以唔使成日排長龍 如果喺附近住嘅朋友都可以考慮吓食呢間 個人覺得佢嘅早餐同午市都幾抵食如果唔鍾意食意粉同牛扒可以考慮食佢嘅蛋包飯 個人覺得佢蛋包飯加上牛肝菌汁算係呢度最好嘅餐 同埋呢間鋪頭都有好多優惠有時會送雪糕等等 大家經過不妨留意下

已經有一段時間無黎Xoxo，原來現在惠顧午餐就送Haagen Dazs ！哇哇哇！次次黎親都係叫蛋包飯，今次都唔例外，叫左 自家製漢堡牛乳蛋包飯，送餐湯、蒜蓉包漢堡大件厚身，飯的份量都好多，一開始己經分左一半俾同事，哈哈！滑蛋加咖哩汁撈飯一流！食完啖啖肉，旁邊重有沙律菜，既新鮮又健康！開頭我地重係半信半疑係未真係食午餐就有得送Haagen Dazs 架！就黎食完時問一問員工⋯⋯ 係真架！ 仲問我地要咩味添～ 雪糕有三款季節限定，我擇左意大利芝士餅麻糬，裡面有D麻糬粒，煙煙un un好得意平時出面買杯Haagen Dazs都要廿幾三十蚊！現在個午餐$56 送埋杯雪糕，呢個午餐真係好飽，好超值！

晚餐時間同同事想食cafe，由於怕等太耐，而餐牌D牛扒有一吋咁吸引，於是決定比多次機會佢，為牛而來，所以二話不說來了兩客牛扒加ABC全餐，但上菜次序就好亂，正常係湯，沙律，前菜先到扒，但呢度先嚟焗薯，跟住嚟湯，再來就扒，之後先嚟沙律同白菌。乜都唔講，淨講塊西冷，一個要五成熟，一個要六成熟，嚟到五成有七八成熟之餘，塊扒仲只係暖，慢D食都凍咗，六成嗰塊直情係韌嫁，伏咗，埋單＄200有找，雖然價錢合理，但質素比茶記都不如，無下次

早2日同事食完話好抵，於是今日就心思思去食喇！叫左個lunch set 牛肝菌汁吉列魚柳牛乳蛋包飯先黎一個餐湯+蒜蓉包，個包都幾好食之後個飯就出現喇～ 魚柳好多，又好脆，夠晒熱個飯就係普通白飯，上面有一大塊滑蛋蓋住，個蛋整得唔錯，都幾滑又有蛋味個飯仲有配埋沙律菜，即刻覺得食吉列魚柳無咁熱氣唯一不足係牛肝菌汁唔夠配晒成個飯食，下次試下叫多汁先食完飯比錢嘅時候話我知原來送haagen-dazs雪糕🍦個餐都只係$56加一，但竟然有平時出街買嘅size嘅haagen-dazs雪糕送(買要廿幾三十蚊杯)實在抵！抵！抵！

麻麻地。需然好平，但係真係一分錢一分貨。 春雞係性價比之選，不過只有比背同亦入到口。雞胸完全係鞋到食唔到。 粟米係新鮮粟米不過完全唔甜 。牛肉係勁多根， 有渣，得個厚同大字。完全無牛味。 不過百零蚊期望實在唔可以太高。整體黎講咁嘅價錢係咁嘅質素。

今時今日的餐廳單靠食物已經不夠，所以這間XOXO Café Lab就以創意突圍而出。單看餐牌已經可以發現不少創意菜色，令人耳目一新，同時令有選擇困難症的人苦惱，不過可以問問店員詳細介紹菜式今次試下佢午餐，午餐menu 有三個section 蛋包飯丶全日早餐同意粉，我覺得佢啲野好吸引，雖然冇食蛋包飯但見其他人食賣相好靚，我叫左個海鮮意仲包餐湯野飲，加期間限定Haagen-Dazs,好抵食$6x一個lunch ，我本來諗住係食環境，因為餐廳環境好開揚，但原來食物都好有水準！好鍾意食魷魚，但係炸嘅又嫌太熱氣，所以要咗個七味燒魷魚。外脆內軟，肉質 彈牙， 七味粉輕輕灑在上邊，但又唔會太過濃烈蓋住咗魷魚嘅鮮味，值得一讚。 分量比較細，小食多滋味！飲品係熱嘅蜂蜜檸檬水果茶，喺突然間凍到得返幾度兼非常乾燥嘅冬天，用蜂蜜滋潤，十分重要；加啲檸檬，多啲維他命c，等身體都強壯啲，減少感冒嘅機會。水果種類好豐富，有唔同質感，咬口一流 ，顏色亦都夠吸引，味道好之餘，打卡呃like都唔錯！

Xoxo下午茶餐 午餐一餐過將軍澳嚟呢間xoxo都係週到。今日嚟到啲窗簾落晒睇唔到景呀，下晝好搶眼嘅陽光曬到入嚟，不過落咗簾，就黑蚊蚊感覺就唔係咁良好啦 ，不過都冇所謂啦一餐半餐， 食完就走 ，又唔係喺度打躉。今日食咗個咖哩蛋包飯 ，再整返個豬仔骨拉麵 ，咖啡奶茶就唔再講，不過今日我哋兩個都無整杯檸檬茶， 其實講真日日出嚟食，都係冇乜新意，唔係呢間就嗰間 ，食完咁就算啦!醫飽個肚。豬仔骨拉麵爽夾滑 食落有咬口咖哩蛋包飯 咖哩汁好正牛腩都好好味

Very Yummy! I l love the tea here, it is very tasteful. They also have Haägen Dayz ice cream. The service is also good. But they don't accept the Octopus Card, they only accept the credit cards and cash.

夜晚一個人搵餐廳，見到呢間未試過就入左去。本身想叫T骨 但又想食雞扒，最後叫了個什扒餐。餐湯幾好飲，餐包都幾脆。飲完之後都幾開胃。鐵板一到果陣賣相相當吸引，等鐵板無咁熱之後開始食啦，點知牛扒同雞扒肉質十分”鞋”，好似煎好左之後放足全日。我走左豬扒，所以唔知豬板係點。好既方面就係份量相當多，但係真心無胃口繼續食落去。我見餐牌上其他菜式好似唔錯，不過扒餐就真係.....可能唔好平日夜晚食啦，應該中午扒煎完賣唔哂，之後放到夜晚。

收到通知 今晚無住家飯食唯有同hubby去屋企附近開飯本想在東港城 開餐但間間都排隊排到傻唯有轉陣到 tko gateway見到XOXO cafe Lab仲有位就咁揀中左佢地門口display +裝飾都有田園feel俾人覺得好舒服見到他們menu都幾吸引而入面都唔錯今次hubby叫左鐵扒餐 美式什扒意粉 黑椒汁 跟餐湯 及包而我本身想揀menu泡抱鍋飯餐牌話等15 mins點知waiter話要等30 mins咁唯有886轉叫左鐵鍋烤肉 ge韓燒肉汁烤牛肋骨等左10minshubby個餐到了個汁有點少要再refill有煙肉 香腸 牛扒 雞當然hubby要俾1,2 啖我食下la個雞扒好鞋 d肉質似雞胸牛扒 我覺得ok仲有d 粉紅 唔會太熟至於我果個呢 都好快到左白飯呈蛋包狀 好厚實上面都有d紫菜碎點綴至於個牛肋骨係第一舊 易撕開 唔軔外其他都軔到 不行不過個汁係好好味總結 裝修好靚 但食物可以有進步空間

朋友之前黎食過，極力推介要帶我黎試。之前都去過九龍灣店，我就覺得麻麻地，份量又少，唔知呢間係唔係一樣?!雖然話呢間係台式餐廳，佢o既餐牌幾 fusion ，乜都有。餐廳剛好有個1週年午餐精選優惠，都算幾抵食。朋友就揀左牛肝菌汁牛柳粒牛乳蛋包飯，我就揀左日式咖喱汁吉列豬排牛乳蛋包飯。日式咖喱汁吉列豬排牛乳蛋包飯:蛋包飯其實只係一大片炒蛋舖係飯面而已，絶對唔係包住，蛋好滑。日式咖喱汁唔辣，甜甜地，下飯唔錯，豬排醃味唔夠，只靠日式咖喱汁吊味。吉列豬排炸得鬆脆，但唔夠熱，豬排已切成細塊，較易入口。最驚喜係配埋沙律，唔係沙律菜，係落埋沙拉汁，食落好fresh，好特別，食吉列豬排都冇咁熱氣。牛肝菌汁牛柳粒牛乳蛋包飯:蛋包飯算ok，蛋好滑，牛柳粒就有啲韌同硬，份量算ok，牛肝菌汁就似平時啲燒汁咁，食唔到菇味。配埋雜菜沙律，好豐富，夠健康，唔會只得啖啖牛柳粒。其中一個餐要左升級優惠，即加 $5有是日餐湯同蒜蓉包，飯已食完都未黎。曾經都叫過侍應，不過叫極冇反應，又係我睇你唔到。最後都費時摧，總之埋單時講明冇黎就算。