ZERO (已結業)

之前經過既時候覺得d野食都幾靚但一直無機會試大概七點左右餐廳都仲有小量位置 walk-in直接就可以入原先想切蛋糕比個驚喜朋友 但個人覺得切餅費太貴 $100蚊一個 所以就無係個度切我地叫左一個pizza 一個意粉同埋小食拼盤 3個人食都食都好飽 🤭pizza有自選pizza 可以自己揀醬同配料 不過甘懶既我當然揀返餐廳一早配好既pizza — BBQ 烤肉狂熱pizza 我習慣pizza會用刀叉食 但餐桌係用瓷面 個一切個碟就會郁黎郁去 雖然影相係幾靚 但建議可以加塊枱墊而意粉方而叫左韓式肉醬幼扭繩意粉 味道一般 但份量都算多最後叫左小食 — 雜錦拼盤呢個拼盤係4人份量 最有驚喜係墨西哥辣椒蜜餞汁雞翼 🤤🤤而目用個摩天輪裝住 影相岩矖🤣

今日放假諗住出旺角朗豪行下食飯見到門面好似唔錯諗住試下一入時明明好多二人位但扁扁要俾張門口位通道二人枱我我話想轉一轉入面D二人枱佢地D態度都已經麻麻地都算，咁之後叫完野食諗住叫佢俾兩杯水飲下，佢叫我等等啲語氣好似要佢俾錢咁，之後嚟果碟咸蛋大蝦炒意大利飯，嘩，碟飯大到我十啖都食晒，都唔預好大碟，但都正常size 呀味道只屬一般總之態度差服務差野食差，所以我都俾個差佢，價錢同佢既質素加服務完全唔成正比，絕對唔會再去，係咁多

同friends約食飯平時打開邊爐今次就想試吓其他嘢咁就揀咗呢間 順便試吓新野黎到見到佢話買三送一好似幾抵咁到去之後我哋又睇咗一陣仔Menu分別叫咗Pizza漢堡包同埋天使麵前菜有蘑菇湯同沙律蘑菇湯係現打嘅蘑菇去煮嘅湯入面仲有少少橄欖油 同埋麵包粒令成碗蘑菇湯嘅味更加出飲落有些少蘑菇粒個感覺似係似飲緊啖啖都係蘑菇嘅湯超級濃郁如果有餐包應該超級無敵夾紅菜頭沙律顏色方面都幾colorful 酸酸地幾開胃雖則紅菜頭抗氧化好高 但麻麻地紅菜頭所以就冇食芝士四重奏pizza一開六件個底唔會太過厚熱辣辣咁樣送上嚟拉開食嗰陣會有少少拉絲嘅效果但唯一一樣唔太食得出佢有邊幾種芝士唯一食到嘅係班馬臣芝士 水牛芝士其餘嗰啲芝士真心唔太食得到可能落嘅份量唔係特別多掛我好鐘意佢碟 因為係雲石仲要係勁靚囉日式照燒雞漢堡個漢堡係跟薯條嘅個漢堡真係好好食呀個份量超大夠雞肉好厚身切落去果下爆汁勁多肉汁 超級juicy薯條都炸到啱啱好新鮮炸出嚟好食啲嘅海鮮蕃茄凍湯天使麵凍湯天使麵係幾特別嘅平時食開嘅天使麵係熱食嘅但係佢依個面真係一般囉海鮮方面得啲蝦蕃茄凍湯 係有番茄味嘅但佢係極淡蕃茄味似係蕃茄蓉溝水嘅凍湯同埋佢呢一個海鮮

今日又喺旺角區搵食，行行吓朗豪坊發現咗一間西式餐廳Zero。餐廳細細地，裝修以黑白為主。食物款式方面，不外乎有意粉小食。反而比較特別嘅係佢嘅自選pizza，你可以因應自己嘅口味而選擇一啲配料，例如辣肉腸、菠蘿等等。薄餅嘅底係薄脆，食落唔會覺得好飽。至於意粉呢，就不過不失。仲有一個小食嘅摩天輪炸物，味道一般。

有人接收工既晚上先係好晚上☺️ 朗豪坊好多野食，身為mk妹咁多年都無食哂，今次去呢間西餐廳，平時見幾多人食，今次早去唔洗等位就試下啦！🤤.烤肉眼扒🥩肉食獸又出動，上菜個下已經驚嘆，肉眼扒叫左7成熟，完全無overcook，好易切好易咬👍🏻配上佢個汁，個味好熟悉，但講唔出咩味，會令人忍唔住係咁食🤣 薯條係幼的，炸得香脆，粗既話就好了🤭.香蒜蜆肉意粉🍝呢個完全失望！🤬首先份量好少，食哂都唔飽，其次係有d蜆得殻無肉，最後係個意粉竟然無咩味，我覺得pizza hut個香蒜肉絲意粉仲好味🙄 仲要呢個意粉算貴，不了不了！.芒果香蕉乳酪🥤芒果味唔夠出，比香蕉味搶左，飲到底都係香蕉味，不過配乳酪又幾好飲，乳酪唔會太酸🤨.呢間野好似pizza都出名，下次黎唔可以再叫意粉系列，另外見到人地個豬肋骨勁靚、好想食🤤.

星期五當然要食餐好嘅獎勵自己！今次咁岩經過呢間Zero Pizza，睇見啲Pizza幾好食咁，就決定同朋友一戰！原來呢到嘅Pizza 可以Build by your own self, 所以叫做Zero Pizza，一切配料、醬汁都可以自己選擇。菜式以Pizza 同西餐為主，仲有個港女打咭必備嘅小食拼盤(用摩天輪造型嘅鐵盒裝住),但今次倖存者同朋友無叫到，反而叫咗特飲，味道出乎意料日式大板燒Pizza   $138呢個完全獲得倖存者同朋友嘅芳心！Toppings 除咗好多章魚外，仲有好多木魚，充滿住成個Pizza, 加埋醬油使用日本燒汁，食落自己好似食緊章魚燒，不過係章魚燒味Pizza香蒜蜆肉意粉   $138份量略微嫌少，意粉香蒜味突出，但較油膩，味道一般木魚花八爪魚大根沙律    $78淋上酸酸甜甜嘅柚子汁一帶出八爪魚嘅鮮味，份量大，足以作為4個人嘅前菜

我們開始後正式的第一餐晚餐，他選址位於旺角朗豪坊12樓的意式餐廳 <ZERO>！ 他很有誠意！當日早上致電 book 位，訂當晚 6:30，女店員提醒，留枱10分鐘，用餐時間90分鐘！因此，我們到齊才入座！第一次來到，我對店方的美食充滿好奇心！打開餐牌，供應：小食、薄餅、意粉、意大利飯...，口味多元化！店員有香港人亦有說英文的外籍店員！這裡勝在食物上得好快，有效率，值得一讚！不過，餐廳有限時用餐！令我們不太盡興呢！ 色彩繽紛 first date dinner巴馬火腿蜜瓜意大利飯 $115通常巴馬火腿配蜜瓜，只會在頭盤出現，暖身的蜜瓜柔軟甜美，然而，油潤的巴馬火腿帶出鹹鮮，鹹甜交集， 加上芝士粉，令整體口味更香濃！卻沒有加入車打芝士，未至於做到拉絲效果！ 反而不會膩口，好一道口味清新的主菜！ 挺特別的！意式辣肉腸薄餅 $115我嚷著要食薄餅， 由他發辦選擇口味，他選了辣肉腸薄餅；一開10件，方便進食，微辣的辣肉腸好惹味，薄餅薄身又煙韌，似是店方師傅弄製薄餅底！口感討好！彩虹下的寶藏 $42他為我挑選的特飲，色彩繽紛之餘又層次分明的賣相！為我帶來驚喜！以菠蘿汁、橙汁、熱

兩個人食食左500幾但係質素同100幾差不多，炸蝦配唐辛子嘅唐辛子上到黎係凍嘅，燒豬肋骨d豬肋骨醬味道非常奇怪，豬肋骨肉好諧而且都係凍嘅，完全唔值。唔會再幫襯。

岩岩四點幾五點先食完大力水手xx,依家又要食晚餐啦😂。放假就係要不停搵新野食😍。今次去朗豪坊搵美食，見到zero 好似啲pizza都ok就決定入去試。由於岩岩食完下午茶冇耐，所以我地都唔係好肚餓，本身想叫一pizza加一意粉，但由於我覺得自己係唔會食得落，所以決定暫時只叫一pizza算。平時都好鍾意食喇沙，但喇沙pizza就未食過，所以好好奇咁叫左佢來試😁。size都頗大，心諗：好彩冇叫意粉。味道都幾好，本人覺得有啲偏辣。最後我只食左一塊pizza😅,因為本身好飽。至於芒果森林，因為見佢有chia seed,又有薄荷，好似好特別，所以就叫左來試。味道主要係薄荷多，會飲到啲薄荷葉。

很久都無去朗豪坊食晏，今天就揀呢間試下，佢哋 set lunch 有六款；先來個湯，個色好似西班牙凍湯，當然不是凍的味道酸酸辣辣，個味道調得吾錯，幾好飲；主菜本來想食魚，點知侍應話無，唯有食牛，反而有少少驚喜，牛肉幾冧，上枱前已為我們切好，個牛肉汁加水種豆苗有一種好清新感覺；$118午餐包甜品和飲品，個芝士餅吾太甜，吾知係咪買現成的；最後叫杯熱檸檬水。

ZERO 我不是第一次到，之前我見到餐廳門口ZERO Café Deco, 應該係有質素既餐廳，因為本人之前去過山頂及現在The One 既 Café Deco, 所以有信心，上次食佐Pasta, 今次Order 佐（1）墨西哥辣椒蜜餞汁雞翼，嘩😋我食到好似追酒飲咁，因為皮脆肉滑，醬汁又好好味，所以每當食一隻雞翼時，我不斷要用湯匙裝好多醬汁，（2）鹹蛋大蝦意大利飯, Wow... 😋我至愛既鹹蛋，真係好香呀！好快彼我 KO哂😅如果份量再多D D就好喇，好味道😋😋😋

Order咗一客雞翼、pizza同嘢飲，上菜速度同嘢食ok。但埋單時check單，無啦啦有一項$1 charity嘅收費，我望住張單幾次，阿manager都無反應同個同事傾計，過咗陣先有啲串咁同我講嗰$1係for charity，如果我介意可以同我取消返。其實唔係$1價值嘅問題，係你無表明、我無同意同唔知受惠機構下，我「被捐錢」，咁同屈有咩分別?如果餐廳真想為慈善出力，不如將全單1%捐出/ 某一款菜式收益作慈善用途/ 放捐款箱，而唔係掛住慈善嘅光環，但要顧客幫你埋呢條數。奉勸各位要幫襯嘅話記住check單!

星期日的旺角很多人，等了大半小時才有位置。食物素質不錯，不過最大問題是張檯是用瓷磚拼貼的，很滑😂很難用刀叉切。自願pizza 有不少項目可以選擇，下次會考慮再來。

食物非常一般，值六十幾既意粉同最多一百既拼盤，價錢貴一倍，環境麻麻，坐得唔舒服，明明有二人坐四人枱但死都唔會比你轉，，半間鋪空晒都要屈你入角落，經理態度極差，想受氣就去。

因為要相約好友交收東西，又見好耐冇一起食晚飯，咁就不如揀個中間點交收順便食個晚飯啦～平時行開朗豪坊都成日經過呢間嘢，見到啲人好多都點一個摩天輪形嘅小食拼盤，但係一直都無試過～咁就同朋友提議試下呢間啦～去到大概7點，都開始多人，侍應都話要等一等～大概等咗十分鐘度就比我哋入去坐啦～原來呢間主打係食意粉薄餅類嘅～佢個薄餅比較特別～可以自選餡料同埋pizza醬～既然咁少有可以自選餡料～咁梗係先點一個自選pizza～點自選pizza好似車仔麵咁～比張紙同筆你自己揀～佢連芝士都有幾款可以選擇！呢個就係我哋嘅自選pizza啦～我見到佢有叻沙醬但係今次決定先試一下海鮮醬，然後加咗巴拿馬火腿，燒鵝，菇，火箭菜同埋水牛芝士～呢個配搭聽落去都幾...奇妙～但係有得揀無理由揀得咁正路㗎嘛！梗係試下自己mix下啲fusion嘢可能會有意想不到嘅收穫呢～個pizza好快就上到～熱辣辣～一望，係薄批嚟嘅，上面鋪滿咗好多巴拿馬火腿！而火腿下面係好多舊燒鵝～中間夾著芝士同埋菇同埋火箭菜～試一下呢個奇妙嘅配搭～又出奇地好食喎！個燒鵝肉厚但係都算嫩滑～原來個海鮮醬唧喺平時點燒鵝果種甜醬...所以絕對無違和感～我總覺得自己似