影片
更多
2021-12-20
47 浏览
平时碌ig见到呢间古早味蛋糕都想试好耐，之前去ssp买野顺便试下😎，反正晏啲约左朋友可以叫多几只味每人试少少。因为有想食既味，所以特登dm讲定要咩味😝。老细好有心解释囍源既古早味蛋糕同坊间既系唔同，用左水浴法焗，所以要用耐啲时间先慢慢焗起个蛋糕，同埋唔㶶边唔㶶底！屋企人系劲唔钟意食平时㶶边既古早味蛋糕😂，所以佢超开心🤩。听老细讲佢啲馅都系自己整，唔系来货咁hea，所以觉得价钱都合理👍🏻。拣呢间既原因除左系黄店之外，仲有佢有极多味，试完都真系无令我失望！🔅特浓肮脏朱古力 ($85)作为朱古力控梗系一定要一黎就打大佬食个最邪恶既味道😎。蛋糕本体就好湿润，好松软，松熟程度应该系我食过既古早味蛋糕no.1 💛。朱古力味几浓，唔算好甜，太足料食到好轮尽🤣。中间层酱如果想再香啲我觉得可以焗热啲就溶溶地好食啲。🔅咸蛋奶皇 ($75)呢个蛋糕系原味，蛋香味比朱古力味重，奶皇味都几香，又唔算好甜。中间层奶皇酱都系加热左会好食啲香啲，用电饭煲保温焗番热几分钟就可以，唔建议摆焗炉，应该会无左湿润既口感！🔅芝士 ($70)囍源既芝士味同我台湾食过既芝士古早味蛋糕唔同，佢唔系就咁摆一片片芝士落去，系混合左几种芝
老细好有心解释囍源既古早味蛋糕同坊间既系唔同，用左水浴法焗，所以要用耐啲时间先慢慢焗起个蛋糕，同埋唔㶶边唔㶶底！屋企人系劲唔钟意食平时㶶边既古早味蛋糕😂，所以佢超开心🤩。听老细讲佢啲馅都系自己整，唔系来货咁hea，所以觉得价钱都合理👍🏻。拣呢间既原因除左系黄店之外，仲有佢有极多味，试完都真系无令我失望！
🔅特浓肮脏朱古力 ($85)作为朱古力控梗系一定要一黎就打大佬食个最邪恶既味道😎。蛋糕本体就好湿润，好松软，松熟程度应该系我食过既古早味蛋糕no.1 💛。朱古力味几浓，唔算好甜，太足料食到好轮尽🤣。中间层酱如果想再香啲我觉得可以焗热啲就溶溶地好食啲。
🔅咸蛋奶皇 ($75)呢个蛋糕系原味，蛋香味比朱古力味重，奶皇味都几香，又唔算好甜。中间层奶皇酱都系加热左会好食啲香啲，用电饭煲保温焗番热几分钟就可以，唔建议摆焗炉，应该会无左湿润既口感！
🔅芝士 ($70)囍源既芝士味同我台湾食过既芝士古早味蛋糕唔同，佢唔系就咁摆一片片芝士落去，系混合左几种芝士，所以就多层次啲，无咁单调👍🏻。
💬见舖头门口大大只字写左低糖少油，试完都真系无咁甜(一次队几旧特浓朱古力觉得甜就唔计啦😂)，冻/热都好食，最钟意佢系真系又够湿润又极松软。如果怕中伏可以买半件原味试下到底佢口感有几正🤤。同埋店家好贴心系可以送落去地铁站交收🤣 👍🏻。仲有可以印字上蛋糕面😎，印咩字，你识拣啦💛。
张贴
