翠林辣蟹舫

食海鲜最紧要新鲜，虽然香港有好多餐厅都以海鲜作招徕，但试过不少都名不符实，唔新鲜不特止，仲要收得好贵，简直有被揾笨嘅感觉😓。朋友生日，佢又钟意食蟹，所以就喺OpenRice揾吓idea，睇吓同佢食边间好。见到翠林辣蟹坊超多like😲，细阅menu更加见到除咗一贯嘅避风塘炒蟹同埋姜葱蟹，仲有黄金流沙蟹，又听闻呢个系佢哋嘅得奖菜式，所以就决定去会一会佢😎。收工七点几上到去，已经差不多满座，幸好我有预先订位。侍应好有礼貌咁招呼我哋坐低，枱与枱之间唔会好近，座位宽阔，感觉唔会好迫夹。第一个要叫嘅，当然系佢哋嘅招牌菜 - 黄金流沙蟹，而家做紧$688八折。个蟹一上枱，已经闻到好香嘅蟹味，未食都已经口水直流🤤。大大只嘅肉蟹，再加上炸到金黄色嘅脆脆，卖相相当吸引。虽然只蟹唔多膏，但一食落去已经觉得好新鲜，只蟹走过油所以个壳好香脆，内里仲系好湿润，实在煮得恰到好处。虽然佢冇我喺星加坡食嘅白胡椒蟹咁大只，但佢嘅美味程度绝不逊色，可以话系色香味俱全👍🏻👍🏻。除咗蟹，我哋都叫咗几个小菜，价钱由几十蚊至百几蚊不等。蚝饼炸得好香脆，最重要系多蚝仔，沾上鱼露真系绝配！喺出面食蚝饼，好多时都系炸浆多蚝仔少，感觉自己