夜明け

营业中

休息中

今日去咗荔枝角D2 Place一间叫「夜明け」食席前寿喜烧做晚餐，餐厅嘅环境阔落清静，私隐度几高，师傅会喺席前为食客煮寿喜烧，一边烹煮一边介绍食材同煮法，非常有亲切感。我哋嗌咗两个「A4和牛寿喜烧一人前」套餐加炸天妇罗三品。🍊 前菜非常精致嘅一道前菜，上面系味道鲜甜嘅北海道松叶蟹肉，口感细腻；下面系大豆味道浓郁嘅京都腐皮，入口即化，口感柔滑；配上味道清新嘅柚子醋，非常开胃🍊 茶碗蒸师傅用85度嘅热水隔水蒸出嚟嘅茶碗蒸，蒸蛋口感非常嫩滑，入口即溶，上面采用兵库县达到刺身级别嘅武士蚝，轻轻煎香后嘅蚝充满鲜味，配合浓郁嘅蛋汁、鲣鱼汤汁同蟹柳丝，系一道好出色嘅茶碗蒸🍊 炸天妇罗三品炸天妇罗配有咖喱盐、岩盐、抹茶盐同萝卜蓉天妇罗酱汁，为天妇罗带来唔同嘅口味；炸花竹虾嘅虾身爽口弹牙，虾脚拆咗出嚟再炸非常脆口；九州沙鮻鱼嘅炸粉好薄，食落无鱼骨而且鱼肉唔松散：山口县嘅野生舞茸炸完之后好香口🍊 宫崎A4和牛餐厅采用宫崎A4和牛，和牛系由师傅即场用机器切割，控制好每一片和牛嘅厚薄同大小。和牛寿喜烧一人前嘅份量有两片西冷和牛同四片肉眼和牛，肉眼和牛会采用关西寿喜烧嘅做法，先用和牛嘅脂肪起镬，再加砂糖喺锅入面