聚來車仔麵

营业中

休息中

🌗车仔面套餐C （四𩠌加粉面） $45 冻饮加$2如果想自由搭配𩠌嘅话就唔好拣餐，因为套餐嘅选择唔多，胜左份量够大，拣左牛腩、萝卜、生菜、芝士肠，牛腩份量尤其足料，大概有四五大件；萝卜清甜旧旧都无渣！辣椒酱🌶系分装系汤匙之内，辣度可随自己喜好再增减。🌖招牌鲜煎饺子（8 只） $40 饺子有分椰菜饺同韮菜饺，可以拣双拼。饺子皮薄馅多，外皮煎得香脆，咬落仲识滴汁。椰菜饺清爽鲜味，韮菜饺味道浓烈，煎饺本身就会比较油，但点左醋就油腻感减半。🌖招牌鲜炸肉丸 $28肉丸劲松软，软绵绵到无牙都食到呀！内里松软但外面炸得香脆，比起宜家家私嘅招牌肉丸，呢个绝对更胜一筹‼️美中不足系配菜方面选择左酸腌蔬菜，如果配搭红莓酱就真系无得顶😍！OMG！唔记得咗问老板有冇卖急冻肉丸，等我放系屋企随时拎出黎食。🌗蒜泥白肉 $28呢道小食不太推介，肉切得唔够薄又太干，蒜系蒜粒而非蒜泥，食完吓唔走吸血鬼㖞。📢车仔面以外其实仲有饭餐架，唔好比个舖头名呃左😆。