影片
更多
4天前
21 浏览
BEDU系我至爱嘅中东菜餐厅之一呢间嘅烟熏鹰嘴豆泥同蜂蜜烤菲达芝士都非常出色包你食过一次会再嚟翻啅🤤餐厅位置系喺食肆林立嘅中环歌赋街店内有半开放式厨房座位有kitchen counter 同dining table拣环境都几有情调，气氛系唔错记得上次嚟庆祝生日仲会送shot添𑁍 Weekend Brunch Menu $395p.p. +10% 𑁍包一个拼盘、两道前菜、两道主菜同一道甜品唔好见每样份量好似唔多今次食到去甜品已经饱到上心口😂餐厅嘅Brunch Menu会定期转而招牌烟熏鹰嘴豆泥同扁面包系长驻喺Menu𝑴𝒆𝒛𝒛𝒆 𝑷𝒍𝒂𝒕𝒕𝒆𝒓𓇬 HUMMUS BEL LAHAM𓇬 PITA BREAD𓇬 FATTOUSH SALAD拼盘前菜包括咗必叫嘅Hummus同扁面包Hummus如薯蓉般绵密顺滑加咗烟熏Paprika、羊肉、松子仁同焦糖洋葱Brunch Menu嘅Hummus系特别加咗羊肉将羊肉整到一丝丝，入味又唔膻搭配烟韧焦香扁面包，令人欲罢不能果然系招牌菜，再次食都食得翻上次嘅味道😉配菜仲有个沙律，调味酸酸地好开胃可以夹埋沙律同Hummus落个包度一齐食𝑨𝒑𝒑𝒆𝒕𝒊𝒔𝒆𝒓𝒔𓇬 H
呢间嘅烟熏鹰嘴豆泥同蜂蜜烤菲达芝士都非常出色
包你食过一次会再嚟翻啅🤤
餐厅位置系喺食肆林立嘅中环歌赋街店内有半开放式厨房
座位有kitchen counter 同dining table拣
环境都几有情调，气氛系唔错记得上次嚟庆祝生日仲会送shot添
𑁍 Weekend Brunch Menu $395p.p. +10% 𑁍
包一个拼盘、两道前菜、两道主菜同一道甜品
唔好见每样份量好似唔多
今次食到去甜品已经饱到上心口😂
餐厅嘅Brunch Menu会定期转
而招牌烟熏鹰嘴豆泥同扁面包系长驻喺Menu
𝑴𝒆𝒛𝒛𝒆 𝑷𝒍𝒂𝒕𝒕𝒆𝒓
𓇬 HUMMUS BEL LAHAM
𓇬 PITA BREAD
𓇬 FATTOUSH SALAD
拼盘前菜包括咗必叫嘅Hummus同扁面包Hummus如薯蓉般绵密顺滑
加咗烟熏Paprika、羊肉、松子仁同焦糖洋葱
Brunch Menu嘅Hummus系特别加咗羊肉
将羊肉整到一丝丝，入味又唔膻
搭配烟韧焦香扁面包，令人欲罢不能
果然系招牌菜，再次食都食得翻上次嘅味道😉
配菜仲有个沙律，调味酸酸地好开胃
可以夹埋沙律同Hummus落个包度一齐食
𝑨𝒑𝒑𝒆𝒕𝒊𝒔𝒆𝒓𝒔
𓇬 HONEY BAKED FETA +$40p.p.
𓇬 TURMERIC SCALLOP CEVICHE
个蜂蜜烤菲达芝士都系一定会叫食过翻唔到转头🤫
仲记得第一次食嘅时候完全系被惊艳到
一上枱系热辣辣，会见到啲蜜糖不停冒泡
食法就系趁热将成块芝士同蜜糖搅拌捞匀
咸香浓郁芝士中渗出香甜蜂蜜，特别滋味
同样可配扁面包食
姜黄酸柠汁腌带子卖相几靓带子鲜甜软滑，酱汁加入橙汁、柠檬汁及罗勒油
酸味突出，系清新又醒胃嘅一道菜
𝑴𝒂𝒊𝒏𝒔
𓇬 PAN FRIED RED SNAPPER FILLET
𓇬 SAFFRON CHICKEN
香煎鲷鱼鲜美香口，配上微酸希腊乳酪几特别乳酪酸度减轻腻滞感，带出鱼香
伴碟有塔布勒沙律，系中东常见配菜
口感烟韧，酸度十足
另一主菜藏红花牛油烤鸡香气诱人鸡肉多汁嫩滑，香料味浓
配上带有清新柠檬香嘅北非小米一齐食
好有饱足感
𝑫𝒆𝒔𝒔𝒆𝒓𝒕
𓇬 CRUNCHY KATAIFI +$50
侍应会喺你面前将朱古力浆淋上甜品上底部嘅金丝蜜酥有啲似焗到金黄嘅米粉
松脆金丝蜜酥吸收朱古力浆后会变湿黏
撒上开心果碎增添坚果香
开心果雪糕入面好多开心果粒，奶味较出
𝑫𝒓𝒊𝒏𝒌𝒔
𓇬 Green Garden $65
𓇬 Bikr Pinkalada $65
拣咗两杯MocktailsGreen Garden系青瓜柠檬梳打水
再加入薄荷及黑椒糖浆调配而成
清甜冰凉，感觉清爽又解腻
另一杯Bikr Pinkalada以酸甜为主导
混合咗石榴汁、五香粉椰子糖浆及柠檬汁
呢杯肉桂香气较突出
张贴
