莆田 (荷里活廣場)

营业中

休息中

上次食完莆田，真系好中意佢原汁原味嘅煮法，睇到佢出咗时令menu，即刻试试。宜家有七款时令海蛎节菜品，每款睇落都好美味。如果想试多2款，仲可以用特价$228拣其中2款菜品TIM。冰镇南日鲍鱼，用咗自家制鲍鱼汁慢煮后，再放落雪柜冰镇，鲍鱼食落鲜甜弹牙，仲有少少酱香。白切羊肉，落咗姜葱香料等白灼羊肉，羊肉紧实羊皮爽口。哩种处理方法，即可以食到羊肉原味，又唔会觉得膻。推荐点埋莆田特制辣椒酱，辣椒酱酸辣惹味，同羊肉好夹。经典捞汁海蛎，今次时令菜品。海蛎过水之后，加入秘制捞汁再冰镇，捞汁加入大量蒜蓉辣椒，酸辣鲜甜入到海蛎，好惹味。海蛎个头唔算好大，不过胜在肉质鲜甜饱满。酒香竹筒虾，我同FD最爱。落咗数十款药材煲制，其中当归最抢味，饮落回味清甜。芋泥香酥鸭，鸭肉外裹左芋泥酥皮一齐油炸，切开唔会散开，烹饪水准好高。芋泥绵密松软口感同鸭肉好夹，再加埋酥脆外皮，口感好丰富。薄荷枇杷冻，枇杷鲜甜多汁，啫喱唔会好甜同埋有淡淡山楂香。落咗少少薄荷香精，让成份甜品味道更加清新。