牛大人台灣火鍋吃到飽 (大鴻輝(荃灣)中心)

营业中

休息中

牛大人午市任食火锅分三个级数， 由148蚊至208蚊不等，如果钟意食牛嘅建议叫最贵个set，因为澳洲M5和牛同美国安格斯牛，油花都会靓过最平𠮶餐嘅上腹肉好多，而且价钱都唔算差好远，仲会畀最平个set多咗好多鱼浆鱼滑类嘅食品可以任叫，都抵玩嘅。最惊喜系原本90分钟嘅午市放题，荃湾店星期一至五自动变成无限时，可以由中午十二点打到四点半，学生哥仲有85折，所以深受学生欢迎。虽然咁抵，但现场所见大约只有10枱客，所以都会安排坐到窗边大卡位，有风景睇之余仲好阔落。鸳鸯锅要加50蚊，呢日叫咗几转澳洲M5牛，质素都有几大落差，不过呢度上菜快而且冇漏单。冷泡茶改成可重用嘅胶杯装住，比以前用即弃胶樽更环保。自助菜同丸类都选择丰富，台式丸类好味又特别，特别钟意龙虾沙律丸同芝士丸，芋头丸、墨鱼丸、鱼豆腐全部质素都好好。海鲜鱼滑类都出色。每位仲要送仙草冻。