譽棧

营业中

休息中

当晚要揾食晚餐嘅地方，经过记得以前呢间系茶餐厅，见佢全新装修，晚餐价钱合理就入去一试。落单可以扫qr code或者叫伙记帮手都得。朋友点了厨房推介“大澳炒饭”，跟餐汤和餐饮。中汤系霸王花猪骨，味道怪怪的，不似霸王花煲出来嘅味道😝餐饮点咗冻奶茶少甜，完全唔似港式奶茶。大澳炒饭系好食，有虾有鱼肉粒，用虾酱炒饭好香唔会死咸。我点了铁板餐黑椒汁牛扒配薯菜，罗宋汤热斋啡。罗宋汤无肉只有菜，唔酸只系得个“辣”字，饮咗两啖放弃。牛扒要7成熟，做到我嘅要求，但牛扒向铁板嘅一面㶶咗D😮‍💨，黑椒汁上洒咗黑椒碎粒，完全唔夹兼无黑椒味，薯菜个“菜”只得一片番茄，薯条还可以，唔系热只系少少脆。热斋啡唔太苦涩。估计叫中式小菜类会好食好多。