影片
港铁深水埗站 C2 出口, 步行约6分钟
继续阅读
电话号码
27291008
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
尋日放工去完鴨記凍凍地，2條友諗住打邊爐。一路揾，見到呢間好一般裝修的餐廳，竟然有羊腩煲，入去試吓。我哋叫左佪細煲。上菜時見到都好大煲吓。羊脾同羊腩比例約6:4, 令到煲羊腩煲不致於太油。D羊忟到剛剛好，淋得嚟唔散開（我自己屋企忟放保溫煲成日過哂火，D肉淋到散開）。佪汁係南乳+腐乳。無落柱候醬，色較淺色，但味道唔錯。配料有大花菇，冬荀，馬蹄及支竹。大花菇好淋。冬荀係罐頭貨，但好入味，馬蹄唔係罐頭貨，食到新鮮馬蹄的甜味。支竹仲食到自家炸果陣燶香味。二佰六十幾蚊，有咁嘅水準，見到廚師係有心做，而唔係求其一煲嘢咁比客食。生菜係送的。如果係唐好就無得頂。個樓面呀姐仲久唔久埋嚟換吓碟，問吓佪羊腩煲好唔好食咁，有啲似以前屋村餐廳做街坊生意嘅feel。
继续阅读
當晚要搵食晚餐嘅地方，經過記得以前呢間係茶餐廳，見佢全新裝修，晚餐價錢合理就入去一試。落單可以掃qr code或者叫伙記幫手都得。朋友點了廚房推介“大澳炒飯”，跟餐湯和餐飲。中湯係霸王花豬骨，味道怪怪的，不似霸王花煲出來嘅味道😝餐飲點咗凍奶茶少甜，完全唔似港式奶茶。大澳炒飯係好食，有蝦有魚肉粒，用蝦醬炒飯好香唔會死鹹。我點了鐵板餐黑椒汁牛扒配薯菜，羅宋湯熱齋啡。羅宋湯無肉只有菜，唔酸只係得個“辣”字，飲咗兩啖放棄。牛扒要7成熟，做到我嘅要求，但牛扒向鐵板嘅一面燶咗D😮💨，黑椒汁上灑咗黑椒碎粒，完全唔夾兼無黑椒味，薯菜個“菜”只得一片番茄，薯條還可以，唔係熱只係少少脆。熱齋啡唔太苦澀。估計叫中式小菜類會好食好多。
继续阅读