Nissa la Bella (差館上街)

营业中

休息中

有Restaurant week可以试到好多平时唔知唔熟嘅餐厅。今次去到上环近文武庙法式小餐馆，餐厅唔算大，座位之间阔啲会好啲。午市套餐$198，有前菜主菜甜品同餐茶。拣左法式小蜗牛，虽然好多蒜蓉，同够哂热辣，但咸味鲜味略嫌不足。鸡肝酱食落唔腥，份量都多，但似普通货色。主菜加钱要左flat iron steak 明明要咗五成熟，但嚟到变左一成。牛肉味唔出，肉汁就算咁生都欠奉，食落肉质普通。同专食牛扒嘅舖头俾略为失色。另一个主菜要咗sea bass ，反而更令人惊喜。鱼肉嫩滑冇骨，白汁唔会太肥配鱼啱哂。甜品份量好大，一人一个云呢拿雪糕泡芙，另外蛋白柠檬批都好好食，蛋白霜平衡咗柠檬酸，批皮都好香牛油味。不过总括而言，呢间未算太大惊喜，价钱还可以。餐厅有位讲广东话嘅外国人侍应服务态度几好。