譚仔三哥米線 (已結業)

谭仔唔系我杯茶，麻麻地，几年先食一次无问题啦！突然想辣劲辣，有咁辣得咁辣，最顺路就谭仔啦，食完落酒吧刚刚好！几年无见试吓新口味酸麻辣汤底中辣先，经常都系煳辣好闷呢，加多份鸡翼应该够饱喇麻。竹笙鱼腐榨酱扭纹薯粉酸麻辣汤中辣走芽菜，卖相满意，颜色鲜艳红卜卜，香喷喷酸辣味道，流晒口水喇！无需客气大量肉酱队晒落去，豪呀！肉酱惹味，质感松软好好味！坚系比以前好食左百倍呀，三哥酸辣汤中辣加大量炸酱肉松，香甜中带点酸辣，撞到啪啪声劲有火花！高质鱼腐无得顶，啖啖弹牙鱼肉又鲜又甜，索尽汤汁无得输！系咪转左新师傅呀？好有 heart！鱼腐软棉鲜甜，爽口竹笙索晒汁，正！大啖汤大啖纽纹薯粉一齐送入口，又滑又弹又咽韧。土匪鸡中翼，坚烧得好香口，皮脆肉嫩，多种香料腌得香浓，味道丰富。以前腌都无腌过，求其烧完撒少少香草孜然系面算数，谂起都觉得可怕呀。