王子飯店

营业中

休息中

黄竹坑新商场终于开张，开多咗好多唔同口味嘅食肆，酒楼都有两间，真系好开心！饮茶又多咗选择👍虽然系平日，下午两点几，商场都几多人，好多食肆仲要等位。我哋又唔想等位，见到王子饭店有位㖞！就决定饮茶啦！环境舒服，枱同枱有足够空间，我钟意！人手好似都算多，服务ok! 点心都算多选择，好多都吸引！仲有小食和炒粉面饭，够多样化！由于肚饿关系，三个人疯狂叫嘢食，最后叫到成枱都系😂可能当时客人唔多嘅关系，好快所有点心和小食都出现晒，摆到成枱都满晒！点心几大件，味道唔错！唯独对天下第一包好失望😞以前响1881店食过好多次，好大个，胀卜卜，见到已经好想食，食落又多馅，好味道！但呢度嘅包就真系唔得，缩咗水，咬开得好少馅，完全唔满足！小食就大大碟，对得住个价钱！整体来讲，今次试新嘢都几满意！希望好嘅质素可以维持落去，咁我哋就可以响屋企附近饮茶，唔驶特登出去铜锣湾或者中环饮茶啦！