影片
更多
2024-07-08
459 浏览
Airside新餐厅梗系要去试吓啦，见到呢间门面同装修都好似好靓咁，同埋长期都好多食客，咁心谂一定冇伏…但我错了🥲首先入到去坐低，净系俾咗个QR code我哋，冇俾Menu，因为scan完QR code入去𠮶条link净系得食物名称，完全唔知佢有啲咩食材，所以我觉得有埋Menu会拣得清楚啲！跟住发现枱面剩系得一壶水，但冇比水杯我哋！然后我由点餐成功到有得食等咗接近15分钟，我朋友碗正常拉面就比我早3至4分钟到，我叫咗沾面，我𠮶一刻仲心谂可能比较少人叫呢款面，所以要等耐啲～好啦，食完之后就同白色衫哥哥，应该系经理嘅人物讲，想帮沾面加汤，跟住佢话「唔可以加汤㗎㖞！」，我话平时食完沾面都一定会加汤，跟住佢话，但我哋啲汤冇味㗎㖞，我问佢系滚水定点，佢话系猪骨汤，跟住佢就拎咗一碗白色猪骨汤俾我 （相中后面果碗）我当堂都仲系一头雾水，我心谂，乜你哋唔系喺日本franchise过嚟㗎咩？乜原来你哋冇为食沾面嘅客人准备任何嘢？仲要好似无人知道个正确食法咁样😱喺门口见到有张应该系日本总公司写俾佢哋香港公司嘅证书，我真系有啲想同佢日本总公司反映，原来你哋呢间分店系冇人知道点样正确食沾面🥺🥺总结，有基本服务
首先入到去坐低，净系俾咗个QR code我哋，冇俾Menu，因为scan完QR code入去𠮶条link净系得食物名称，完全唔知佢有啲咩食材，所以我觉得有埋Menu会拣得清楚啲！跟住发现枱面剩系得一壶水，但冇比水杯我哋！
然后我由点餐成功到有得食等咗接近15分钟，我朋友碗正常拉面就比我早3至4分钟到，我叫咗沾面，我𠮶一刻仲心谂可能比较少人叫呢款面，所以要等耐啲～
好啦，食完之后就同白色衫哥哥，应该系经理嘅人物讲，想帮沾面加汤，跟住佢话「唔可以加汤㗎㖞！」，我话平时食完沾面都一定会加汤，跟住佢话，但我哋啲汤冇味㗎㖞，我问佢系滚水定点，佢话系猪骨汤，跟住佢就拎咗一碗白色猪骨汤俾我 （相中后面果碗）我当堂都仲系一头雾水，我心谂，乜你哋唔系喺日本franchise过嚟㗎咩？乜原来你哋冇为食沾面嘅客人准备任何嘢？仲要好似无人知道个正确食法咁样😱
鱼介豚骨沾面
$118
8 浏览
0 赞好
0 留言
喺门口见到有张应该系日本总公司写俾佢哋香港公司嘅证书，我真系有啲想同佢日本总公司反映，原来你哋呢间分店系冇人知道点样正确食沾面🥺🥺
总结，有基本服务，零日本沾面知识，个沾面咸过其他品牌（我平时好钟意食沾面，知道佢系比一般拉面系咸好多嘅，但今日呢个真系唔讲得笑），然后𠮶碗得啖笑嘅猪骨白汤，睇嚟我哋都缘尽了👋🏻👋🏻
鱼介豚骨沾面
$118
10 浏览
0 赞好
0 留言
张贴
