滾爺火鍋 (金巴利道)

营业中

休息中

知道呢间打边炉好出名，但小妹一直未有机会去，今次终于等到可以约埋一大班朋友仔去食啦！地方宽敞，但座位有少少狭窄，而且会顶脚，个子高嘅朋友仔就会坐得唔舒服。我地坐喺厨房隔离，卫生程度一般，还可以接受。😋 招牌椰子鸡锅 ~ 可能枱面细，所以唔似网上见到其他人咁会摆椰皇同椰青喺度影相，只系成煲拎过嚟，唔系喺大家面前倒椰子水落去，有少少失望。打开煲盖闻到阵阵椰子嘅香味，味道清甜，饮完汤继续落料打边炉！😋 麻辣鸡煲 ~ 辣度适中，麻香辣三方面平衡，而且多芹菜又几正！总结，食物质素还好，性价比一般。