影片
更多
2011-03-04
14 浏览
Chez Shibata开业半年有多，我一直都觉得系圆方商场中最闪亮嘅甜品店，原因不外乎果个彩色缤纷嘅饼柜，自然吸引唔少甜魔嘅注意啦。可惜呢度并唔系我经常会流连嘅地方，所以一直无乜机会同呢间日法混血饼店作相片纪录；难得今次一班朋友甜品瘾毒发，决定老远亦飞的士黎食个痛快。四个人黎到时刚好有位，放低行装后大家就忍唔住开始扫货，由于款式众多，款款都亮丽迷人，令我地都心猿意马，难以决择，最后都要左五款齐分享。呢度堂食系要每件饼另加五蚊，再收加一服务费，虽然听落唔太合理，但甜魔作祟下就懒理一切，众人影相后就开动喇...先来女神特浓朱古力慕丝($45)，朱古力浓度非常丰厚，由饼面上几点嘅朱古力酱开始，直至内层都系享受顶级朱古力嘅拥抱，而内层细滑嘅云呢拿慕丝绽放丝丝幽香，夹杂浑然天成嘅朱古力，再加上淡淡醇香酒味，呢个几乎完美嘅口感，试问谁能代替佢地位？一份特浓朱古力慕丝已为我地四人带来震撼，跟住要再试就系呢个草莓吉士蛋白饼($39)。红莓味嘅Macaron咬落微脆，甜度刚好，无果种过火位嘅甜腻感，加上鲜甜士多啤梨粒同柔滑吉士酱，整体感觉讨好。不过有样野真系要稍作挑剔，就系士多啤梨粒在室温下，汁液好易
四个人黎到时刚好有位，放低行装后大家就忍唔住开始扫货，由于款式众多，款款都亮丽迷人，令我地都心猿意马，难以决择，最后都要左五款齐分享。呢度堂食系要每件饼另加五蚊，再收加一服务费，虽然听落唔太合理，但甜魔作祟下就懒理一切，众人影相后就开动喇...
先来女神特浓朱古力慕丝($45)，朱古力浓度非常丰厚，由饼面上几点嘅朱古力酱开始，直至内层都系享受顶级朱古力嘅拥抱，而内层细滑嘅云呢拿慕丝绽放丝丝幽香，夹杂浑然天成嘅朱古力，再加上淡淡醇香酒味，呢个几乎完美嘅口感，试问谁能代替佢地位？
一份特浓朱古力慕丝已为我地四人带来震撼，跟住要再试就系呢个草莓吉士蛋白饼($39)。红莓味嘅Macaron咬落微脆，甜度刚好，无果种过火位嘅甜腻感，加上鲜甜士多啤梨粒同柔滑吉士酱，整体感觉讨好。不过有样野真系要稍作挑剔，就系士多啤梨粒在室温下，汁液好易令到个饼底变软，口感定必受影响，相信呢点仍有改善空间吧。
要数Chez Shibata饼柜中最耀目嘅一款，红桑莓心形蛋糕($43)实在当之无愧。心形甜品一向都系女士们最爱，外型望落有如绒毛一般，令人忍唔住都想摸下佢。咬破红心外层糖衣后，内层香而不浓嘅芝士味好突出，酸得自然嘅红莓亦令芝士味层次提升，怪不得令到咁多女士对佢宠爱有加...男士们...另一半嘅心被抢走，会呷醋吗？哈哈！
本来以为心形蛋糕会系整晚甜品局嘅高潮，原来有一件唔太起眼嘅甜品，有如海啸般涌过黎，呢个就系半熟芝士蛋糕($41)。老实讲，呢个芝士蛋糕外型尤如纽约芝士饼一样，卖相唔算特别诱人，但原来实质系禾杆冚珍珠。芝士味唔算浓烈，但口感的确系令人惊喜嘅柔滑，每一啖都食到阵阵蛋黄香，饼底及半熟芝士蛋糕中间，搽左一层薄薄嘅蓝莓果酱，尤如月老将两者紧紧拉拢一齐，令到整个口感太美妙。如果我下次再黎，呢个Mi Cuit Fromage绝对走唔甩！
最后试嘅焦糖酥脆千层酥($45)骤眼睇卖相，跟Paul Lafayet嘅Mille Feuille非常相似，只系饼面喷上少少糖霜而已。论酥皮，咬落松香脆口，虽然层次感无Mimosa咁深得我心，但总比Paul Lafayet同Tony Wong好得多，加上酥皮上带著丝丝焦糖香味，毫无疑问可以锦上添花，可惜内里嘅吉士馅酱只得柔滑而欠缺香甜，整件饼独欠神髓，令我有啲失望。下次到来相信唔会再试，留下胃部空间，迎接今次食唔到嘅盐味焦糖泡芙好过...
法国甜品经日本大师包装改良后，的确成功将视觉及味觉推上另一个巅锋，震撼每一个甜魔心灵，如果钟意食法国甜饼嘅朋友，我一定会极力推介呢间Chez Shibata！张贴
