4口

营业中

休息中

睇完戏揾饭食，见咁多好评，又话高级又话精致，咁即管去试吓，结果晚餐两个人找数$420，真系宁愿去食吉列猪扒。头盘尚算可以： 叫咗莴笋同炸黄花鱼。唔怪得知人地话精致，因为份量好少 $48 一碟差唔多啦。黄花鱼够脆，莴笋够爽，算系成餐饭最好食呢两样。主菜叫咗一碗海鲜面和红烧肉，简直冇眼睇。 海鲜面除咗虾之外，其他海鲜 (eg蚬) 细细粒兼且好腥。 个汤底味精味浓厚，完全没有诚意嘅制作。 酸菜红烧肉更加惨不忍睹。见到上菜嘅颜色已经知道唔对路，一啲都唔入味，肉质亦都非常之嚡。就算肥肉连皮𠮶部份都系烟烟韧韧一啲都唔淋。 好失望，都系夹硬为咗医肚而食。真心唔知道点解呢间有咁多好评， 我一定唔会推荐朋友再去。