影片
更多
2023-10-29
523 浏览
星期六午餐选择咗呢间，之前几年因疫情系呢间同大角咀分店外卖过10数次片皮鸭同土豆丝质素都唔错，于是决定堂食一次，岂知中大伏。甫坐下，侍应有礼地放上碗筷杯。一看，不得了，只只碗都有渍，应能明确分辨所属酱料。有两只杯还附送口红印，忙叫侍应更换杯。唔紧要，自己食饭自己洗碗，一洗，啲油浮了上黎，厉害！好在热水够热，仲有一阵浓浓的漂白水味，可以洗食具，饮就……好不容易清洁了一下，菜也上得好迅速。片皮鸭：鸭肉及皮正常，饼皮没有放蒸笼，上桌已显得干身。白菜猪肉水饺及羊肉水饺：是餐最佳的菜，肉馅饱满，饺皮有嚼头，体现北方水饺的特色。酸菜鱼（龙利柳）：鱼肉及粉条味道还好，可是全碗超过6成是酸菜叶，轻尝一下，可能未泡洗充分，有点怪味，立即放弃。酸辣土豆丝：完全走晒样，土豆丝冲水时间唔够，唔系好爽脆。味道太单薄，冇将辣、酱、醋的味挂上土豆丝中，另外辣味不正宗，之前食呢间有鲜椒、泡椒同辣椒干，香辣有层次。今日呢碟只系得十几粒红椒圈，寡味无香。差！跟餐酸辣汤：试左一啖，似用豆粉/大葛粉开出黎未滚开，口感与幼童糊仔无异，冇姜嘅辛辣感，亦冇醋嘅酸香味。劲差！鸡丝粉皮：吓亲，一碟仔半透明粉皮，印上撒少许肉丝、青瓜乱切
甫坐下，侍应有礼地放上碗筷杯。一看，不得了，只只碗都有渍，应能明确分辨所属酱料。有两只杯还附送口红印，忙叫侍应更换杯。唔紧要，自己食饭自己洗碗，一洗，啲油浮了上黎，厉害！好在热水够热，仲有一阵浓浓的漂白水味，可以洗食具，饮就……
好不容易清洁了一下，菜也上得好迅速。
片皮鸭：鸭肉及皮正常，饼皮没有放蒸笼，上桌已显得干身。
白菜猪肉水饺及羊肉水饺：是餐最佳的菜，肉馅饱满，饺皮有嚼头，体现北方水饺的特色。
酸菜鱼（龙利柳）：鱼肉及粉条味道还好，可是全碗超过6成是酸菜叶，轻尝一下，可能未泡洗充分，有点怪味，立即放弃。
酸辣土豆丝：完全走晒样，土豆丝冲水时间唔够，唔系好爽脆。味道太单薄，冇将辣、酱、醋的味挂上土豆丝中，另外辣味不正宗，之前食呢间有鲜椒、泡椒同辣椒干，香辣有层次。今日呢碟只系得十几粒红椒圈，寡味无香。差！
跟餐酸辣汤：试左一啖，似用豆粉/大葛粉开出黎未滚开，口感与幼童糊仔无异，冇姜嘅辛辣感，亦冇醋嘅酸香味。劲差！
鸡丝粉皮：吓亲，一碟仔半透明粉皮，印上撒少许肉丝、青瓜乱切，最恐怖嘅系直接盖上一pat树皮棕色嘅酱就咁俾你，见到都唔开胃。自行捞捞佢，入口感觉唔滑唔香，每样食材味道分开。劲差！
高兴而来，扫兴而去。对食物质素同对清洁嘅要求如此，真系唔敢再有下次。
张贴