潮薈軒

营业中

休息中

大家都知道放返时间嘅观塘系会有几多人，几难揾餐厅，仲要约埋一班同事出去食下午饭，系有几难揾位。所以我哋决定去饮茶，难得呢一间酒楼有位置，梗系即刻狗冲去霸主个位啦。呢一间酒楼嘅点心其实都唔错，我哋叫到成枱都系嘢食。特别推荐嘅，朝荟绿豆饼，本人觉得好特别，饮茶从来都未食过有呢一个点心，觉得好好食。佢绿豆饼个皮好松化，咬落去嘅绿豆蓉唔会太甜啱啱好。佢嘅糯米鸡都好值得推荐，可能有时出去食，好多时候啲糯米鸡啲饭好难，佢就蒸得啱啱好，味道就一般啦，同出面食糯米鸡嘅味道都差唔多。佢特别之处系细细只，一笼有三件，食完唔会觉得太饱太济。钟意饮茶嘅你哋，想平平地，不妨可以试吓。