影片
更多
2023-12-31
28 浏览
💡中环新派特色闽菜小编近日见冬天，约朋友喺中环收工食饭，思前想后，朋友见天气微凉，想食中菜比较暖身滋补，于是到IFC既中环4口，新派闽菜，主打小清新，出品精致。🍲入到餐厅，店舖格局长且深，有卡位﹑吧台﹑长枱供选择，坐落非常阔落。👍🏻🍽️松仁姜蓉菠菜平日食菠菜最怕苦涩，但朋友想食当然奉陪到底。菠菜出奇地清爽，可以话完全无苦涩味，唔「鞋口」。相信厨房选用菠菜苖，用灼既方式去除会带来不良口感既草酸，加上温补既姜蓉压低菠菜寒凉既特性，配上品质良好既松仁一齐送入口，仲会好清晰咁呷到松仁清香添。🍽️腊味鸡肉卷冬天又点可以唔食腊味呢？呢道菜以凉拌处理，鸡肉包卷住腊肠再打横切片成数块。鸡肉口感爽实，腊肠偏甜，蘸上红红既「辣」油，食欲大增。但原来惊喜在后头，「辣」油属于辣香但甜口，入口甜润，完全吊出鸡肉卷既腊肠香气同滋味，设计有心机又和味！🍽️姬松茸竹荪排骨汤天气凉，当然要饮啖汤，以六十蚊唔洗既价钱而言，餐厅用料非常大方，大量姬松茸排骨煲出嚟既汤，香气不同凡响，一啖入口，暖在心头，配埋增添口感既竹荪，排骨煲得够耐，一吮就离骨，系碗令人饮得好舒服既汤水。🍽️砂煲豆酱焗黄鱼餐厅本身都有供应黄鱼既菜式，但时令菜单上有
小编近日见冬天，约朋友喺中环收工食饭，思前想后，朋友见天气微凉，想食中菜比较暖身滋补，于是到IFC既中环4口，新派闽菜，主打小清新，出品精致。🍲
入到餐厅，店舖格局长且深，有卡位﹑吧台﹑长枱供选择，坐落非常阔落。👍🏻
🍽️松仁姜蓉菠菜
平日食菠菜最怕苦涩，但朋友想食当然奉陪到底。菠菜出奇地清爽，可以话完全无苦涩味，唔「鞋口」。相信厨房选用菠菜苖，用灼既方式去除会带来不良口感既草酸，加上温补既姜蓉压低菠菜寒凉既特性，配上品质良好既松仁一齐送入口，仲会好清晰咁呷到松仁清香添。
🍽️腊味鸡肉卷
冬天又点可以唔食腊味呢？呢道菜以凉拌处理，鸡肉包卷住腊肠再打横切片成数块。鸡肉口感爽实，腊肠偏甜，蘸上红红既「辣」油，食欲大增。但原来惊喜在后头，「辣」油属于辣香但甜口，入口甜润，完全吊出鸡肉卷既腊肠香气同滋味，设计有心机又和味！
🍽️姬松茸竹荪排骨汤
天气凉，当然要饮啖汤，以六十蚊唔洗既价钱而言，餐厅用料非常大方，大量姬松茸排骨煲出嚟既汤，香气不同凡响，一啖入口，暖在心头，配埋增添口感既竹荪，排骨煲得够耐，一吮就离骨，系碗令人饮得好舒服既汤水。
🍽️砂煲豆酱焗黄鱼
餐厅本身都有供应黄鱼既菜式，但时令菜单上有砂煲豆酱焗黄鱼。小编谂起𠮶种咸香味马上劝说朋友order。果然上菜既，侍应问准开盖后，果然飘香四处，小编忍唔到马上夹咗蒜头嚟食，焗到口感绵绵，如果识食之人一定唔可以放过。主角黄鱼完全舖展喺砂窝之中，豆酱既香气令人食欲大开，黄鱼肉质细致，夹一梳黄鱼肉，配上一丁豆酱，再叫一碗白饭，系属于冬天既享受。
🍽️蒜香煎带子
本来带子一年四季都可以食到，但好奇佢点解会喺时令菜单上出现，于是都叫咗一份嚟试下。原来系配上冬天温补既黑蒜﹑补气既淮山﹑仲有营养丰富既菇菌一齐，集齐唔同口感，健康得嚟又有营养。
🍽️高汤焖炒纯米粉
呢到既米粉系「纯米粉」，比日常食到既更幼又索味。配料有剥好壳既虾﹑蚬﹑肉干﹑豆卜﹑香炸花生﹑炸紫菜碎﹑仲有萝卜丝菜丝。随米粉送上既仲有一碟酸辣汁，非常惹味开胃。
张贴
