張生記 (已結業)

中秋佳节有客户老世请食饭，我庆幸可以掹车边跟去食，老世请食饭当然唔会食普通嘢，佢带我哋去位于铜锣湾新宁道的中国太平大厦〈张生记〉食杭州菜。呢到装修环境好靓，坐得好舒服，我哋一坐低经理就为我地介绍老世订咗嘅𩠌名，前菜就来左香油马兰头，食落有好香嘅麻油，又有秘制嘅素鲍鱼，食落口感好好，好似真系食紧鲍鱼噉，跟住嚟杭州熏鱼，佢炸得好松脆，我觉得食落味道好似糖醋骨，跟住上招牌菜张生记老鸭煲，经理话呢味菜要提前几日订，因为煲汤要熬制4-5个钟头，味道非常浓郁好味，跟住嚟我最锺意嘅黑松露龙虾，肉质新鲜好弹牙，再来杭椒目鱼丝，呢味菜最啱锺意食辣嘅我，跟住来另一个招牌菜，千岛湖野生特大鱼头，条鱼仲长过我嘅手臂，鱼头面放满红辣椒，但系食落又唔觉得辣，最后嚟多𠮶两个𩠌，就系杭州东坡肉同埋鱼面筋豆面，食完后再嚟多两个甜品，今餐食得非常饱非常满足。