影片
更多
2021-10-03
1333 浏览
中秋节想同屋企人食好d就去左中环嘅「碧俪苑·精点粤菜」食饭。杏汁白肺汤将杏仁磨成粉，又白又滑，好香，够晒热，饮完好舒服～🥰汤料好足，有鸡脚、粉肠、瘦肉、鸡、猪肺等。豉油皇虎虾煎肠粉用咗秘制豉油调味，惹味非常😋。肠粉滑溜唔会腍。师博好贴心，已预先将虎虾嘅肠清理掉，食起黎方便又放心～👍🏻窝贴金蚝用上流浮山嘅蚝，蚝香盈腔。蚝酿喺弹牙墨鱼胶虾胶入面，下层系又香又脆嘅咸蛋黄炸锅巴，侍应话送红酒一流！流浮山三宝蒸海班球海班加上流浮山三宝：银鱼干、虾干同鲜鱿一齐蒸，多重口感，鲜味十足！平时食果d 虾干有阵鯹味，呢度嘅虾干真系食得出虾嘅鲜味。海班球鱼肉嫩滑，皮够厚够弹唔鯹多骨胶原👍🏻。麻辣鲍鱼掌翼煲上枱时热辣辣。鲍鱼戒晒花，入味弹牙。掌翼份量多，加上少少麻辣味，刺激食欲，不禁食完一只掌翼再一只😋！龙哥招牌炒饭够晒镬气热辣辣，炒得够干身，唔会油腻👍🏻。有松子、虾、叉烧、冬菇、马蹄等，用料丰富，口感十足！总厨炒嘅果然系唔同啲，必点！伯爵茶奶冻好香伯爵茶味，整体味道似奶茶，啱晒钟意伯爵茶嘅朋友。冰凝小企鹅一上枱，哗，不得了！干冰营造出仙境嘅感觉，打卡一流！😍有两只小企鹅，企鹅后面有一片蓝色「冰」，原来系糖，
杏汁白肺汤将杏仁磨成粉，又白又滑，好香，够晒热，饮完好舒服～🥰汤料好足，有鸡脚、粉肠、瘦肉、鸡、猪肺等。
豉油皇虎虾煎肠粉用咗秘制豉油调味，惹味非常😋。肠粉滑溜唔会腍。师博好贴心，已预先将虎虾嘅肠清理掉，食起黎方便又放心～👍🏻
窝贴金蚝用上流浮山嘅蚝，蚝香盈腔。蚝酿喺弹牙墨鱼胶虾胶入面，下层系又香又脆嘅咸蛋黄炸锅巴，侍应话送红酒一流！
流浮山三宝蒸海班球
海班加上流浮山三宝：银鱼干、虾干同鲜鱿一齐蒸，多重口感，鲜味十足！平时食果d 虾干有阵鯹味，呢度嘅虾干真系食得出虾嘅鲜味。海班球鱼肉嫩滑，皮够厚够弹唔鯹多骨胶原👍🏻。
麻辣鲍鱼掌翼煲上枱时热辣辣。鲍鱼戒晒花，入味弹牙。掌翼份量多，加上少少麻辣味，刺激食欲，不禁食完一只掌翼再一只😋！
龙哥招牌炒饭够晒镬气热辣辣，炒得够干身，唔会油腻👍🏻。有松子、虾、叉烧、冬菇、马蹄等，用料丰富，口感十足！总厨炒嘅果然系唔同啲，必点！
伯爵茶奶冻好香伯爵茶味，整体味道似奶茶，啱晒钟意伯爵茶嘅朋友。
冰凝小企鹅一上枱，哗，不得了！干冰营造出仙境嘅感觉，打卡一流！😍有两只小企鹅，企鹅后面有一片蓝色「冰」，原来系糖，可以食架。整到好似两只小企鹅企喺极地嘅冰块上面咁样，好有心思👍🏻！
张贴
