火夫

营业中

休息中

听人讲咗好耐呢间出名嘅拉面，终于有机会来到一试，去之前有预先订坐，所以唔使等好耐就可以入座。Lunch set $138 黎讲都算几多嘢食，有三款一品料理：鸡肝多士，枝豆春卷，味噌麦粒青瓜，一碗面食再加两款串烧和饮品，由头食到落尾都几饱。个人觉得枝豆春卷有惊喜，脆脆地又唔会太油腻，其他小食就系正常味道。至于重点项目 招牌虎虾浓汤拉面就要加$50 ，拉面一上到我即试一啖汤底，的确有被惊艳到，满满的龙虾汤味在口中，再咬一啖虎虾，虎虾的外层沾满樱花虾，可惜肉质有啲扎实，唔太食到有虾味。每条拉面都沾满龙虾汤，我大约食咗2/3就已经好饱食唔落。另外仲试左半熟牛肩胛捞面，呢个就有啲失望。牛肩胛煮等太熟，捞左生蒜的拉面味道又好似怪怪地咁。串烧方面，试左白烧活鳝、芝心茄子、盐烧手羽、蟹肉牡蛎🦪，其中蟹肉牡蛎系最好食👍🏻炸粉唔算好厚。总括嚟讲我觉得食物都系正常味道，龙虾汤底几特别几难忘，而且lunch set 有咁多野食同咁多选择，值得一试。