影片
更多
2024-06-25
1926 浏览
星期六、日瞓到自然醒... 再去叹返个brunch真系一乐也!最近知道西营盘呢间劲chill嘅餐厅【Melody】提供高质嘅weekend brunch... 只需$688... 已经包咗2.5小时无限畅饮酒精或非酒精饮品... 如果想free flow饮埋香槟都系加多$200!呢个brunch包哂menu上面嘅所有前菜... 按人数提供相对嘅份量... 同枱一齐share!而主菜方面每人拣一款... 选择都多㗎... 有人气嘅招牌炭火烤乳猪、肉眼扒、千层面等等... 而原只烤鸡系for 2人份量嘅!另外仲有提供甜品㖭!Appetizers:🔸Burnt aubergine escabeche with pickled vegetables and olive oil烤茄子配腌菜和橄榄油🔸Terrine campagnarde, sour apricot condiment法式肝酱配酸杏脯酱🔸Tuna tartare with lemongrass dressing and shaved fennel吞拿鱼鞑靼配柠檬草酱和茴香片🔸 watercress salad roast red
最近知道西营盘呢间劲chill嘅餐厅【Melody】提供高质嘅weekend brunch... 只需$688... 已经包咗2.5小时无限畅饮酒精或非酒精饮品... 如果想free flow饮埋香槟都系加多$200!
呢个brunch包哂menu上面嘅所有前菜... 按人数提供相对嘅份量... 同枱一齐share!
而主菜方面每人拣一款... 选择都多㗎... 有人气嘅招牌炭火烤乳猪、肉眼扒、千层面等等... 而原只烤鸡系for 2人份量嘅!
另外仲有提供甜品㖭!
Appetizers:
🔸Burnt aubergine escabeche with pickled vegetables and olive oil
烤茄子配腌菜和橄榄油
🔸Terrine campagnarde, sour apricot condiment
法式肝酱配酸杏脯酱
🔸Tuna tartare with lemongrass dressing and shaved fennel
吞拿鱼鞑靼配柠檬草酱和茴香片
🔸 watercress salad roast red onion tete de moine, pear and walnuts
西洋菜沙拉配烤红洋葱头、梨和核桃
✅以上几款前菜都非常有水准... 当中我最欣赏嘅系法式肝酱... 口感creamy... 配酸酸甜甜嘅杏脯酱一齐食感觉冇咁heavy!
Main:
🔸Quarter suckling pig, seriously buttery mash and barbecued grapes
招牌炭火烤乳猪、浓黄油土豆泥和烤葡萄
🔸Truffle mushroom lasagne and cauliflower cream
松露蘑菇千层面和花椰菜奶油
✅我觉得炭火烤乳猪系必点嘅... 层皮烧得非常香脆... 肉质松嫩! 土豆泥非常幼滑... 而烤过嘅珍珠葡萄酸酸甜甜... 好醒胃!
至于个千层面呢... 稍嫌份量比较少... 不过就有好香嘅松露味... 都几好食㗎!
Dessert:
🔸Tiramisu
提拉米苏蛋糕
🔸Passion fruit pavlova
热情果蛋白饼
✅几得意嘅系... tiramisu系一大盆整出嚟... 由侍应用大羹「毕」出嚟俾客人! 至于口感方面冇得输... 软滑绵密!
热情果蛋白饼呢... 偏甜嘅蛋白饼配上酸酸地嘅热情果食落啱啱好!
Free-Flow:
🔸Red Wine
🔸Aperol Spritz
🔸Skiwi Lemonade
🔸Earth
🔸Rhubarb Collins
饮品方面试咗以上呢几款... 全部都唔错... 而我最钟意嘅系Skiwi Lemonade... 酸甜度适中... 好好饮、好开胃! Earth几特别... 青瓜味几清新! 而Aperol Spritz 好易入口!
呢度嘅环境都几舒适自在... 餐厅占地面积广... 有几个唔同嘅area... 共通点都系够chill... 好啱同朋友吹水、饮返几杯... 星期日仲有live band表演㗎!
开放式厨房设计... 客人可以睇到制作过程! 而最特别嘅系呢度用咗Josper Grill... 炉温够强劲... 轻易锁住食物嘅肉汁... 做到juicy口感!
张贴
