古琴雅苑 (利舞臺廣場)

营业中

休息中

都好似好耐冇食京菜，今日嚟到呢间新开嘅铜锣湾分店，今次三个人食饭可以食多啲唔同嘅菜式，装修风格都几有格调，传统中带有文化气质。北京填鸭系佢哋嘅招牌菜，所以嗌咗半只食，烤鸭皮脆肉滑，食落好似有一阵阵嘅果木香，配料上有少见嘅哈密瓜，包住一齐食嘅时候，有咸有甜层次丰富。风味松子鱼，呢个系我最钟意食嘅菜式之一，因为喺屋企绝对煮唔到，鱼肉炸得金黄酥脆，加上酸甜汁，食落好开胃。南翔小笼包，皮薄汁多，中间肉汁温度保持得好好，食嘅时候真系小心辣到个口。蜜汁烧火方，呢个菜式有惊喜，金华火腿薄切后煮淋，本身嘅咸味减少好多，再加上蜜汁，咸甜嘅感觉加上白面包一齐食，软绵绵味道层次又丰富。