影片
更多
2023-10-25
769 浏览
几年前开始，香港兴起酸菜鱼，一试难忘。自始每次见到酸菜鱼都食指大动。今次就嚟到长沙湾食。一睇餐牌，真系好抵食，平时食大盘酸菜鱼，好多都要3百几，呢度只系2字头 （大盘酸菜鱼$228-$268)，真心抵食。一人套餐(鲈鱼片 $76)🐟今晚好想食煲仔饭，为左留quota食饭，所以只好拣选一人套餐嘅酸菜鱼。即使系一人套餐，鱼同汤底都一样有唔同嘅选择搭配。拣返我一向食开嘅鲈鱼，鱼片大大件、滑捊捊、小小爽弹；最赞系汤底，系好正宗嘅川菜风味。点菜时同落单姐姐倾左两句，原来师傅做左好多年川菜，唔怪之得做到川菜嘅特色:麻、辣、鲜、香！其中嘅酸辣配搭，层次感丰富，微酸嘅汤头同微辣嘅椒味互相平衡，劲正！凤爪排骨煲仔饭($60)🥘除左川菜做得出色，另一港人至爱嘅煲仔饭都系呢度嘅招牌菜。叫左朋友最钟意嘅凤爪排骨煲仔饭。饭粒分明、够干身；煲仔饭嘅灵魂-饭焦，啱啱做到微微烧焦，带焦香，但唔苦。凤爪排骨都ok，无咩雪味，排骨都几有咬口。 最爱佢嘅煲仔饭豉油，杰身嘅豉油明显见到系非一般嘅现成樽装豉油；喜欢带微甜嘅味道，与煲仔饭嘅饭香成绝配。小食：见个酸菜鱼做得咁出色，决定叫多几款小食，满足吓食川菜嘅欲望。相比起酸菜鱼
一睇餐牌，真系好抵食，平时食大盘酸菜鱼，好多都要3百几，呢度只系2字头 （大盘酸菜鱼$228-$268)，真心抵食。
一人套餐(鲈鱼片 $76)🐟
今晚好想食煲仔饭，为左留quota食饭，所以只好拣选一人套餐嘅酸菜鱼。即使系一人套餐，鱼同汤底都一样有唔同嘅选择搭配。拣返我一向食开嘅鲈鱼，鱼片大大件、滑捊捊、小小爽弹；最赞系汤底，系好正宗嘅川菜风味。点菜时同落单姐姐倾左两句，原来师傅做左好多年川菜，唔怪之得做到川菜嘅特色:麻、辣、鲜、香！其中嘅酸辣配搭，层次感丰富，微酸嘅汤头同微辣嘅椒味互相平衡，劲正！
凤爪排骨煲仔饭($60)🥘
除左川菜做得出色，另一港人至爱嘅煲仔饭都系呢度嘅招牌菜。叫左朋友最钟意嘅凤爪排骨煲仔饭。饭粒分明、够干身；煲仔饭嘅灵魂-饭焦，啱啱做到微微烧焦，带焦香，但唔苦。凤爪排骨都ok，无咩雪味，排骨都几有咬口。 最爱佢嘅煲仔饭豉油，杰身嘅豉油明显见到系非一般嘅现成樽装豉油；喜欢带微甜嘅味道，与煲仔饭嘅饭香成绝配。
小食：
见个酸菜鱼做得咁出色，决定叫多几款小食，满足吓食川菜嘅欲望。
相比起酸菜鱼，小食嘅味道唔算浓郁，闻到微微嘅辣香，但入口完全唔辣，不嗜辣嘅我，绝对系放心食到最后。
凉拌海蜇($28)🥢
海蜇几爽弹，有微微麻油香味；
麻辣猪耳($38)🥢
呢款小食有极轻微嘅麻辣，易入口，啱晒想试麻辣，但又怕辣到食唔到嘅我。
盐焗凤爪($38)🥢
惊喜位系凤爪碎上，怕吮脚趾而失仪就啱晒。不过朋友却嫌无左食凤爪嘅风味，真系各有所好。
红糖糍粑($28)
最后当然一定要食我最爱嘅甜品-红糖糍粑啦！一碟有6条，金黄脆皮，配上软糯烟韧嘅年糕条，呢个口感真系我至爱。
真心话，呢间平民闹市中嘅小馆，真系做到正宗川味，但价钱亲民，我地叫到成枱嘢食都只系三百有找。特别系人少少但又想食酸菜鱼，呢度嘅一人餐真系非常适合。不过坐位较少，今晚都要等左阵先有位。
张贴
