The Pearl

🐟 秘鲁吞拿鱼拌蕃茄莎莎配香烤鳕鱼脆片及黑醋汁（$68）用左吞拿鱼，蕃茄同生洋葱，加上黑醋汁，食落口酸酸甜甜好清新，鳕鱼脆片香脆可口带鱼嘅鲜美，同吞拿鱼仲有蕃茄莎莎嘅味道好夹，前菜嚟讲起到好好嘅开胃作用🦐 蒜片榄榄油封大虾配佛卡夏多士（$88）蒜片炸得啱啱好，金黄香脆；大虾吸收左蒜片嘅香味加上辣椒，非常惹味，食落去爽口弹牙；多士好香脆，蘸埋虾油一齐食就更加滋味🐖 慢煮西班牙黑毛猪鞍架（$188）猪鞍好大块，用左慢煮方式烹调，肉质鲜嫩，口感比较结实，加上甜嘅红酒梨汁，中和油腻感之余仲提升猪鞍嘅鲜味，而配菜方面有薯仔，大葱同抱子甘蓝，完全无揸流摊🍽️ 和风原只矶煮鲍鱼配野菌意大利饭（$288）鲍鱼用矶煮方式烹调，食落口鲜甜之余又够腍；意大利饭软硬适中，而且米饭粒粒分明又好挂汁，野菌份量唔少，菇菌味香浓🥥 椰子冧酒菠萝芝士蛋糕（$68）菠萝表面用冧酒烧过，食落口好清甜之余仲带有淡淡嘅酒味；芝士蛋糕表面撒有椰丝同用咗食用花做装饰，食落口好幼滑唔腻，中间仲有冧酒椰子嘅夹心，好特别🥃 Crimson Samurai（$130）佢哋用咗自家制嘅Apple syrup，加上茉莉花同vodka，系款偏日本