班蘭葉印尼餐廳

营业中

休息中

菲律宾、泰国、越南菜我就食得多，印尼菜都系第一次。呢间小店枱櫈唔算多，好容易满座，我都等咗15分钟先有位坐。坐低见到隔篱位叫咗炸鱼饭，条鱼好似我只脚板咁长，佢哋仲要食得津津有味。系呢一刻，唔系好食鱼嘅等都要叫个鱼饭！烤鱼饭✨烤鱼饭条烤鱼，真系有脚板咁长，擦满烧烤汁，味道甜甜地同我想像中有啲出入，但效果出人意表，食落好似食紧串烧咁滋味！鱼皮脆薄，鱼肉嫩滑，非常出色。班兰鸡饭今次先讲个饭，造型好特别，成座绿色巨塔咁样，食落有啲椰香味、淡淡班兰味。只鸡先系重中之重，望落似白切鸡，但食落一啲都唔简单。鸡肉同鸡皮一样滑捋捋，唔会好似白切鸡咁出咁多血水。厨房斩鸡刀法都唔错，唔会斩到好多碎骨。拼上佢地绿色果个辣酱，真系一流！牛肉卷呢个价钱真心劲抵，极大旧。个卖相有啲似细个喺茶楼食嘅海鲜沙律卷，食落去个味道都有几分似茶楼会食到嘅炸物，几有趣。班兰沙冰、箭叶橙混吉蜜沙冰劲大个，班兰味十足，口感Creamy。混吉密酸酸甜甜，好润喉。