影片
更多
2024-09-17
80 浏览
今日家姐带左我去九龙城食海鲜，平时喺九龙城食泰国嘢就食得多，海鲜真系第一次！喺门口已经见到好吸睛嘅招牌，有一只大龙虾🦞同一只大蟹🦀公仔衬托，门前仲有啲蒸锅嘅盖做装饰。呢间蒸海鲜系以套餐形式再追加为主，我哋叫咗$419套餐，入面已经包括咗9款海鲜+一个蔬菜篮+粥底，另外我哋仲叫咗一揸健康饮品。海鲜分咗两轮上枱：🍴 海鲜1 ：野生奄仔蟹+太平洋馒头蟹+澳洲青年龙虾 🍴两种蟹肉都超级鲜甜多膏，奄仔蟹肉质比较爽口，馒头蟹有少少入口即溶嘅感觉；而蟹膏嘅味道方面，馒头蟹就比较浓郁，整体嚟讲，两只蟹都好好食。澳洲青年龙虾好新鲜好新鲜好新鲜，要讲三次，因为我真系见到佢啲肉嘅神经仲喺度弹吓弹吓，我哋𠮶只龙虾虾膏就唔系好多，但系胜在肉质有口感又鲜甜。🍴 海鲜2 ：台湾九孔鲍鱼+大西洋野生青口+加拿大野生海虎虾+韩国釜山珍珠蚝+蟹黄大元贝+蛏子 🍴鲍鱼蒸得啱啱好，肉质爽口弹牙又烟韧，又唔会腥，清蒸保留咗佢嘅鲜甜味道，比起平时落咗陈皮蒸更能够试到佢本身嘅味道；青口同珍珠蚝两款都唔算大粒，小小的一只，但系出奇地鲜甜，加上少少海水嘅味道，成为咗天然嘅调味料，咸咸地提升佢嘅味道。海虎虾大大只，望落去好新鲜，咁啱我哋
喺门口已经见到好吸睛嘅招牌，有一只大龙虾🦞同一只大蟹🦀公仔衬托，门前仲有啲蒸锅嘅盖做装饰。
呢间蒸海鲜系以套餐形式再追加为主，我哋叫咗$419套餐，入面已经包括咗9款海鲜+一个蔬菜篮+粥底，另外我哋仲叫咗一揸健康饮品。
海鲜分咗两轮上枱：
🍴 海鲜1 ：野生奄仔蟹+太平洋馒头蟹+澳洲青年龙虾 🍴
两种蟹肉都超级鲜甜多膏，奄仔蟹肉质比较爽口，馒头蟹有少少入口即溶嘅感觉；而蟹膏嘅味道方面，馒头蟹就比较浓郁，整体嚟讲，两只蟹都好好食。
澳洲青年龙虾好新鲜好新鲜好新鲜，要讲三次，因为我真系见到佢啲肉嘅神经仲喺度弹吓弹吓，我哋𠮶只龙虾虾膏就唔系好多，但系胜在肉质有口感又鲜甜。
🍴 海鲜2 ：台湾九孔鲍鱼+大西洋野生青口+加拿大野生海虎虾+韩国釜山珍珠蚝+蟹黄大元贝+蛏子 🍴
鲍鱼蒸得啱啱好，肉质爽口弹牙又烟韧，又唔会腥，清蒸保留咗佢嘅鲜甜味道，比起平时落咗陈皮蒸更能够试到佢本身嘅味道；青口同珍珠蚝两款都唔算大粒，小小的一只，但系出奇地鲜甜，加上少少海水嘅味道，成为咗天然嘅调味料，咸咸地提升佢嘅味道。
海虎虾大大只，望落去好新鲜，咁啱我哋两只虾都无膏，但系肉质都好爽口弹牙；蛏子都比想像中大只，味道十分清甜；大元贝只元贝真系好大只，平时唔钟意食橙色𠮶一嚿，都觉得佢完全无腥味，另外加上厨师自己炒嘅蟹黄酱，出面食唔到㗎！！！
有机蔬菜篮
食完咁多海鲜食返啲蔬菜真系唔错，无加调味料清蒸，保留咗蔬菜嘅鲜甜味，值得一赞粟米超级清甜。
粥底火锅
一开始嘅时候已经加定粥底喺下面，除咗米之外仲放咗粟米芋头同猪骨，我哋个粥煮得比较稀，有少少似潮州粥，如果钟意嘅话可以煮耐啲，咁就会绵啲稠啲啦！！如果相约多啲人一齐去，海鲜汁就会更多更甜！！
呢间餐厅真系完全表现出「食海鲜最紧要新鲜」呢种讲法，新鲜嘅海鲜系唔需要一滴调味已经好好食！！！
张贴
