影片
更多
2021-11-21
108 浏览
今次嚟到天文台道呢间新开嘅居酒屋，因为同朋友庆祝生日比较多人，惊嘈到人或倾唔到偈，所以早咗打去预订房间。职员当时表示有min charge，如果无问题就可以为我哋预留房间，但去到当日，佢再打嚟同我表示今晚嘅房间位置原来早就预留咗俾其他人😅，不过可以安排返一个较隐蔽嘅位置再外加屏风，会有返一定私隐度同埋倾到偈，所以我哋都ok。餐厅装修以日本鬼怪同时尚日本风做主题，门口位置有一条楼梯上一层，我哋坐嘅位置墙身有啲日本特色嘅画同埋蓝色嘅霓虹灯，灯光偏暗，的确几适合一班朋友饮嘢倾偈。当晚叫咗好多款食物不过因为饮咗比较多酒，所以只讲吓我食咗嘅其中几款。其实基本上全部食过嘅我都唔觉得好好食，非常普通。🔹海胆松叶蟹盖甲罗烧 ($128)：由于我坐另一边，朋友烧完先拎过嚟舀俾我，所以我无影到相。佢系即场有职员烧俾你嘅，仪式感系几重，亦好啱打卡。不过虽然系有好重蟹膏味，但系腥味亦都好重，唔需要细嚼，系一入口一嘴嚼已经一股腥味涌出嚟。🔹自家制免治鸡肉软骨：口感唔错，食到有层次感，外皮小脆，软骨位置都几有咬口，肉都唔松散。🔹烧日本蚝($128)：只蚝size几大只，但就无咩烧过嘅香味，比较普通。🔹烧鸡皮：烧得
今次嚟到天文台道呢间新开嘅居酒屋，因为同朋友庆祝生日比较多人，惊嘈到人或倾唔到偈，所以早咗打去预订房间。职员当时表示有min charge，如果无问题就可以为我哋预留房间，但去到当日，佢再打嚟同我表示今晚嘅房间位置原来早就预留咗俾其他人😅，不过可以安排返一个较隐蔽嘅位置再外加屏风，会有返一定私隐度同埋倾到偈，所以我哋都ok。
餐厅装修以日本鬼怪同时尚日本风做主题，门口位置有一条楼梯上一层，我哋坐嘅位置墙身有啲日本特色嘅画同埋蓝色嘅霓虹灯，灯光偏暗，的确几适合一班朋友饮嘢倾偈。当晚叫咗好多款食物不过因为饮咗比较多酒，所以只讲吓我食咗嘅其中几款。其实基本上全部食过嘅我都唔觉得好好食，非常普通。
🔹海胆松叶蟹盖甲罗烧 ($128)：
由于我坐另一边，朋友烧完先拎过嚟舀俾我，所以我无影到相。佢系即场有职员烧俾你嘅，仪式感系几重，亦好啱打卡。不过虽然系有好重蟹膏味，但系腥味亦都好重，唔需要细嚼，系一入口一嘴嚼已经一股腥味涌出嚟。
🔹自家制免治鸡肉软骨：
口感唔错，食到有层次感，外皮小脆，软骨位置都几有咬口，肉都唔松散。
🔹烧日本蚝($128)：
只蚝size几大只，但就无咩烧过嘅香味，比较普通。
🔹烧鸡皮：
烧得几香脆，带啲焦香，酥脆不腻嘅。
食物质素嚟讲整体嚟讲只能以普通嚟形容，无咩大惊喜，价钱方面性价比亦唔高。但服务方面先系我唔会再回头嘅其中一个原因🙅🏻♀️。
利申：同枱朋友每次都非常有礼貌地唔该等，所以绝非西客。
佢哋职员一直就以一种「同你好熟可以轻佻」嘅态度去应对客人。可能开张无耐，佢哋人手不足，对于客人分开麻烦佢哋做两件事时，系会有比较差嘅反应。例如当落完单，我哋再提出麻烦帮忙开酒时；或者系放低食物，我哋再想加单时，就会叫我哋：「等等啦；忙紧；转头啦」。而去到甲罗烧部分，我提出个蟹膏味道好腥，职员竟然问我：「腥？哦，你唔食海鲜嘅？」无即时处理客人疑问之余，仲问返我转头，实在令我充满问号。
当晚朋友生日我哋有自携蛋糕🎂，由于几位朋友都分别有醉意，又赶去下一场，所以就唔记得拎返个蛋糕。第二日下午朋友醒起，因为我哋都无收到过餐厅电话问我哋个蛋糕点处理等，谂住蛋糕仍然会喺餐厅里面，所以亲身去到想拎返个蛋糕，但餐厅职员竟然话：「吓，寻晚俾返你哋啦，你哋切咗啦㖞。」我哋当然好肯定系无切到呢个蛋糕啦，所以叫佢哋再谂吓同埋睇吓，之后职员先话：「Sorry，我哋以为你哋唔要，寻晚掉咗个蛋糕。」呢个举动令我哋都几无奈，除咗系无打电话俾我哋确认就掉咗个蛋糕之外，仲要第一时间系想否认，最后即使佢有叫我哋出示返蛋糕单Refund返俾我哋都好，我哋对呢间餐厅印象已经好差，唔会想再回头😵💫。
张贴
