聯邦金閣酒家

营业中

休息中

难得假期一家人聚首一堂, 最好嘅节目莫过于饮杯茶食个包, 所以早几日师傅一家人都去叹餐茶, 倾下计, 而地点就拣左呢一间, 皆因贪佢点心款式够多, 加上水准唔差!一行五个人, 由于有位自愿人士一早揾定位攞埋枱, 所以师傅一去到就有位, 悭番唔少时间! 人齐后大家商量下食咩好, 最后师傅发现有个中银信用卡嘅优惠套餐, 觉得几抵食, 所以就柯打左一个套餐再另加几款点心!先讲下个套餐, 套餐可以拣三款点心, 仲有几个小菜, 有鲜柠石班块, 竹笙田园蔬, 玫瑰豉油鸡, 鱼腐汤米线, 点心就要左烧卖, 凤爪同埋煎萝卜糕, 再另加马拉糕同叉烧饱!先讲下个鲜柠石班块, 石班块炸得好松脆, 炸粉唔厚, 热辣辣加上唔干身, 冇雪种味, 再配埋鲜柠汁酸酸地, 相当开胃, 好正; 竹笙田园蔬有竹笙同埋白菜仔, 竹笙好爽口而白菜仔好嫩, 唔差; 玫瑰豉油鸡嘅鸡身好滑, 而玫瑰豉油汁就好香, 唔算太咸, 好味; 鱼腐汤米线嘅鱼汤好清, 一d都唔腥, 而鱼腐嘅感觉似炸鱼片多d, 米线就好腍, 冇左烟烟韧韧嘅口感, 唔得! 而其他点心都唔差, 不过并冇咩惊喜!总括而言食物质素尚可, 环境舒服, 地方清洁干净, 价钱