甜記餃子

营业中

休息中

甜记应该系我暂时食过嘅饺子店之中会不停想encore嘅店，有时夜晚唔太肚饿但又要食啲嘢，就会谂起饺子，然后就谂起甜记！身为饺控嘅我，食过几次都仲系觉得好食，佢个汤底系蕃茄薯仔汤，饮落唔觉重味精。因为食过2-3次，所以都影低左啲相。汤饺食过：椰菜冬菇云耳猪肉饺白菜猪肉饺韭黄鸡肉饺汤饺来讲因为我钟意食有爽口感，咬口感嘅馅料，所以会拣云耳呢类嘅饺，饺子皮算薄，馅料多。白菜猪肉饺就无咩特别。韭黄鸡肉饺几有惊喜，个馅有几多韭黄，而且几香韮黄味，同鸡肉又几夹，食过一次之后都有再叫多次食。煎饺食过：洋葱薯仔牛肉饺粟米芝士鸡肉饺牛肉饺只有煎无汤，第一次食嘅时候喷汁，不过真系几好食，好香牛肉味！粟米芝士鸡肉饺就感觉比较少芝士，不过我钟意食粟米嘅关系所以都钟意食。