金子半之助 (東薈城名店倉)

营业中

休息中

上星期放假，去东涌行完outlet，竟然发现到之前朋友介绍呢间食天妇罗嘅餐厅，即刻冲左入去。黑豆茶人人有份，可以解油腻。我地叫左两个餐：车海老软壳蟹天丼 & 上天丼。车海老软壳蟹天丼顾名思义除咗有虾同软壳蟹之外，仲有鱿鱼天妇罗饼、荷兰豆、紫菜同温泉蛋。车海老爽口弹牙鲜味十足，最大惊喜系鱿鱼天妇罗饼，酥脆同弹牙口感同时拥有，十分滋味。根据进食教学，食到一半先再温泉蛋笃穿，蛋汁同白饭捞埋一齐嘅味道真系非常好味。上天丼有白身鱼、海老、鱿鱼天妇罗饼、荷兰豆、紫菜同温泉蛋。朋友平时唔钟意食鱼，都觉得呢个好好味，好香好嫩。套餐包埋面豉汤及前菜，前菜能解油腻嘅渍物。总括嚟讲，食物新鲜，质素唔错，有机会一定会再帮衬。