影片
更多
2023-12-04
345 浏览
星期日要嚟附近返工，喺车程上面已经用foodpanda叫定外卖，谂住落车就直接攞到早餐再去做野，最后架车早到咗，我去到系要等几分钟～～～但系等到够钟之后都未见有任何外卖出嚟～我就去问仲有几耐～门口个recep就用walkie问个餐仲争啲咩?? 随后等多一阵～有另外一个职员拎袋袋鼠出嚟问系咪我嘅？我话唔系，佢话：「foodpanda？冇㖞！我哋冇收到单㖞～你系咪去错餐厅呀？你叫咗边间呀？熊猫都无单！」然后就入返去（？！）我亦都离开咗，因为我够钟返工，路程上我就㩒取消订单，个理由系间餐厅冇喺预计时间出到餐俾我，熊猫客服帮我打咗俾间餐厅起码两次，佢都系话间餐厅冇人听电话，叫我返去继续等（当然熊猫都有问题，因为佢一直都俾唔到个实际时间我要等几耐，又证实唔到呢间野有冇收到个外卖order）我返公司露个面之后，只好再行返去等/攞餐～去到，个餐已经准备好（又话冇单？）跟住我问个recep，点解你哋唔听熊猫电话？势估唔到佢发恶想咬人咁话「🔥_🔥我俾你睇丫！个电话冇响过！」，你有冇响过，或者系咪得呢部电话，我无从得知嗝⋯冇办法之下，我返到去又要揾埋佢哋意乐总公司个电邮去投诉埋呢个receptionist
我亦都离开咗，因为我够钟返工，路程上我就㩒取消订单，个理由系间餐厅冇喺预计时间出到餐俾我，熊猫客服帮我打咗俾间餐厅起码两次，佢都系话间餐厅冇人听电话，叫我返去继续等（当然熊猫都有问题，因为佢一直都俾唔到个实际时间我要等几耐，又证实唔到呢间野有冇收到个外卖order）
我返公司露个面之后，只好再行返去等/攞餐～去到，个餐已经准备好（又话冇单？）跟住我问个recep，点解你哋唔听熊猫电话？
势估唔到佢发恶想咬人咁话「🔥_🔥我俾你睇丫！个电话冇响过！」，你有冇响过，或者系咪得呢部电话，我无从得知嗝⋯冇办法之下，我返到去又要揾埋佢哋意乐总公司个电邮去投诉埋呢个receptionist ，加今朝串串贡话我去错餐厅𠮶位～想食个早餐啫⋯真系心很累！
如果平时嚟到附近返工，我多数都会食意乐，但去到先嗌真系等劲耐～今日个receptionist我都认得佢，因为有两次我食乜佢都话卖晒～系今日先知原来佢系咁恶
难怪身边嘅朋友越来越多人钟意北上消费，就算深圳物价开始唔算平，计服务都应该争一大截～根本自己做漏嘢，仲要闹个客，呢间分店真系世一！
张贴