備長

营业中

休息中

已经提过一次呢间日式餐厅，佢嘅位置就喺铜锣湾地铁站附近非常方便，难得今日喺铜锣湾返工嘅同事约我食晚餐，于是就决定再一次嚟到呢间餐厅，结果朋友都话真系劲高质。我自己都估唔到，呢度有新装修之后，所有嘢都更加提升咗，而家仲要有埋寿司。呢度嘅装修好有日本餐厅嘅感觉，除咗正常嘅晚餐餐牌，更加有seasonal menu。呢度嘅前菜虽然要收费，每两位$28 ，但系我觉得都几好食，尤其是用嚟送走其实都几正。串烧方面其实全部都至少要叫两串，但系我哋基本上所有嘢都叫咗三串或以上以上，因为真系太好食！荔枝猪肉卷薄薄地嘅猪肉包住超甜嘅荔枝，一啖食，劲过瘾。厚切牛舌名副其实地厚，超级有口感，烧得又够入味，我劲钟意食。宫崎猪肉肠都唔差，用嚟配啤酒一流。不过最犀利嘅都系烧白鳝，超厚肉，而且口感系外面烧得脆脆地，入面啖啖肉，有少少Q弹，盐烧白鳝真系无敌好食！食完串烧，点都要食返啲淀粉质，于是就叫咗一个热嘅稻庭乌冬，呢度嘅乌冬属于有新，淡淡嘅汤底已经好够味，而且乌冬嘅口感亦都好出众。后来就加点埋一个寿司拼盘，我最钟意嘅就系甜虾，好鲜甜！呢到野食好食，座位舒适，连员工服务态度都好好，全部都超细心。