和道屋

营业中

休息中

今晚系尖沙咀睇完戏就去左食日式半放题，性价比极高，可以任食日本A4和牛、北海道米豚、广岛牡蛎蚝寿喜烧，同埋任食寿司。限时90分钟，而且冇限时段，星期一至日任何时段都可以，另加$68就可以任饮啤酒/无酒精饮品。前菜有和风沙律时令刺身五款刺身有三文鱼、带子、希灵鱼、八爪鱼、油甘鱼等，非常新鲜。自选5款即做串烧/料理/天妇罗每人可选5款，两个人就可以选10款，我地拣左盬烧和牛粒、盐烧鸡翼、甲罗烧、盐烧三文鱼头、烧牡蛎、味噌田乐茄子烧、海白虎虾天妇罗，海胆大叶天妇罗。全部都系即叫即生烧，非常新鲜。寿司都有好多选择，全部都系师父即握寿司，有三文鱼、油甘鱼、火炙左口鱼边、香葱吞拿鱼蓉、海胆鱿鱼等等，全部都好鲜甜。任食日本A4和牛、北海道米豚、广岛牡蛎蚝寿喜烧估唔到连寿喜烧都系任食，A4和牛切到好薄，用黎寿喜烧就啱啱好, 牛味香浓，入口即溶，北海道米豚几乎没有猪肉的异味，肉质蓬松、柔软、味道清淡，而广岛牡蛎蚝就有浓郁海水味。任食野菜盘、温泉蛋紫菜饭、温泉蛋稻庭乌冬因为太饱既关系，我地只系叫左温泉蛋稻庭乌冬同埋野菜盘，两款都好夹寿喜烧。雪糕可选芝麻或绿茶味雪糕拣左绿茶味，绿茶味香浓，幼滑。